Li Kurdistan’ê Śerr, Fuhuś U Menfeetên Hizbî -3-

Ćima siyasetvan u partiyên kurdan naxwazin li ser «fuhuś u tecawîz»ê bipeyîvin?

Ćima dîrekt yan zî îndîrekt rê li ber ektuwelbuna miźara fuhuś u tecawîzê ya di nav civakê da digirin?

Meriv heźmara pirsan dikare zêde bike.

Lê źixwa mesele tê fam kirin, loma źî pêwistî pê tun e.

Dîsan źî ez dibêźim di bin vê bê dengiyê da menfeetên wan yên śexsî u hizbî hee ne.

Ti hêz u śexs mêyl nake ku di nav civakê da miźarên ser’êś bikevin nav roźevê.

Ev reeksiyoneke biyoloźîk e.
Pirr zu dikare li hemberî hêza desthilatdar bê rehetiyan derbixîne holê u hetta hetta dibe ku bi śiklekî nepayî protest berê xwa bidin berbi śexs u partiyên źê berpirsiyar u desthilatdar.

Loma ye ku ev śexs u partî bi miźarên ku xwadî hessesiyeteke nazik in, bi miźar u buyerên din menîpule dikin, ligorî menfeetên xwa yên śexsî u partiyî nirxên su'nî peyda dikin. Ku nebu źî bi xwa dihafirînin.
Hindek kes baweriyên merivan yên dînî îstîsmar dikin, di bin ala dîn da rê li ber hemî aciziyan digirin.

Hindek kes di bin demoxresî u sosyelîzmê da vê dikin.

Hindek kes bi teoriyên ku źi binî heta serî bi tirs u feleketên mezin hatinne honandin, bi fenteziyên ku xêrnexwazên źi der va dixwazin civaka wan tarumar bikin, bi navbera medyaya xwa ha ha bi śev u roź mêźiyê millet yek bi yek kelempće dikin ...

Tevî ku ev rastî ye źî, di nav civakên pêśketî da pêkhanîna vê yekê hewqas hêsan nîn e.
Di nav van civakan da dezgehên serbixwa u azat yên sîvîl hee ne, kes u dezgehên ku fikirên din temsîl dikin, hee ne.

Partiyên diźber hee ne ...

Di nav sîstemeke hilo da ti îmkana hêza desthilatdar nîn e ku her tiśtî ligorî fikir u menfeetên xwa dîzayn bike.

Mixelefeta di nav civakê da rê nade menîpulesiyonan.

Di vir da têgêśtina heebuna zeruriya mixelefetê girîng e.

Ti sîstemeke însanî ne di wê qudretê da ye ku bikare bê teref bimîne. Ev yek di nav hemî źîndaran da eynen weha ye.

Źiber vê yekê ye ku heebuna mixelefetê di nav hemî millet u civakan da sebeba heebun u tunebunê ye.

Millet u civakên ku ev dezgehên sîvîl, hevahengî, pirrdengînî u pirrrengînî di nav xwa da nehafirandinne, mehkumî pućbunê ne.

Di pêśketina milletên li Ewrupe’yê ev xusus sebebên esasî ne.

Loma Ewrupe’yî li seranserê cîhanê desthilatdariya xwa fireh dikin ...

Tabî meseleya me kurd bi xwa ne.

Mixabin ku di nav civaka kurdan da him tirk, ereb u farsên qewad u him źî kurdan bi xwa sîstemên despot, totelîter, feśîzan u dîktetorî hafirandinne.

Di vê miźarê da hîro sebeba źihevketin u pućbuna civaka kurd fikir u nêźîkbunên nexwaś yên takekesî u partiyî hee ne.

Pirseke pirr maqul...

Kê heta aniha bihîstiye ku partiyeke «kurd» ev miźara bi tecawîz u fuhuśê va girêdayî di nav civak u medyayê da xistî ’be roźevê?

Kesî nekiriye ku kesekî źî bihîstî ’be.

Ê ćima nakin?

Divêt di bin vê mangeyê da golikekî hustîqalind hee’ ’be, loma canikino, loma.