Xewna Min Ya Rezerve Kirî

Źi berî ćend roźan min li ser xewna xwa nivîsî bu.

Hewreman

Nizanim ći bu, kelecaniyekê li min girt.

Erda di zaroktiya min da dest źi min bernade.

Min kir nekir nekariya xwa źi wê erdê, źi wan dar u beran, źi wan kêzik u kurmikan xelas bikim.

Ev ći bextewarî ye, xwadeyooo ...

Gava ev bîranîn bi germî li min tên xezebê, ez bi wan ra dihelim u terrim.

Xwadê dibêźe wan hemî dar u beran yek bi yek himbêz bike, biguviśe heta źi dilê te tê ...

Hewreman

Xwadê dibêźe herre her du destên xwa di nav wê erdê ra bike, pêbigire u careke din źî bernede. Ku nebu źî di nav da qulekê ćêbike, bikeve nav u cartin źî źê dernekeve.

Hevîrê canê meriv ći ’be, meriv bi xwa źî ew e.

Drêź nekim, źi doh va ye ku ez ketî bum nav keftelefteke sosret.

Min di înternêtê da berê xwa daa balafirên berbi Kurdistan’ê.

Lê min doh nekarî hal bikim.

Qismet hîro buye.

Min bilêteke maqul dît u «xewna xwa rezerve» kir.

Bextewar im heta di kortika kezeba xwa da.

Hewreman

Ez ê heta ćend mehan dubare herrim axa xwa.

Ez ê dubare wê xwaliya sor bi ser laśê xwa da dabikim, heta ku ev tîbun źi vî laśî derbikeve u ez bi bêhnćikiyayî di nav wê erdê da velerizim.

Ez ê dubare di nav wan hopikan da bi hespên avê ra bilîzim.
Bila źî li min bikennin can u canik.

Ez ê li duv marmarokan bibezim.

Bê xem u keder ez ê peźna dengê xwa li wan ćiyan bixim.

Îcar ez ê śopên vî laśî li paś xwa bihêlim ...
Bila paśê nebêźin bê śop hat u bê śop źî ću ...

Straneke gelêrî bi KOMA AMED: "ĆiyayêN Me"