Zman U Ruh, Du Cêwiyên Bi Mîlyonan Salan

Ez ê hîro zêde drêź nekim.
Wê roźê ez u xaltîkeke me ya Swîsre'yî ya psîxolog bi hev ra dipeyîviyann, źi piśtî karê me yê li klînîkê.
Bi vir u wir da mesele heta ser zmên hat.
Źiber ku ez zmannas im, xaltîka me dixwast li ser têkiliya di navbera ruh u zmên da fikira min bizane.
Ez berê źî carina li ser vê yekê fikirî bum, źiber vê yekê bu ku fikireke min ya amade di turika min da hee' bu.
Min bi kurtî u kurmancî ev gotinn:
«Zman di bedena her însan u heywanî da wekî aleteke biyolôźîk e.
Wekî bask, dest u tilliyên me.
Wekî nîg u pêćiyên me.
Wekî poz, dev, guh, ćav, lêv u zmanê me.
Lê têkiliya zmên ya bi mêźiyê meriv ra yeke ruhî ye. Derfeta me ya ku bikarin «peyvan» wekî aletan bi kar b'înin, tun e.
Źiber ku peyv frekuwensên biyoloźîk in. Ev frekuwensên ku wekî kod di mêźiyê însanan da hatinne qeyîd kirin, bi saya hewa u zmanê di devê meriv da forma xwa digirin u derdikevin der; yanî dibe aleteke înformetîv, dibe aleteke ragiyandinê.

Helbet zman belasebeb derneketiye.
Bêguman zman di nav gelek pileyan ra derbaz buye u heta hîro hatiye, u ev forma xwa ya hîro girtiye.
Lê ev frekuwensên di mêźiyê meriv da bi ruhê meriv ra bi hêz girêdayî ne.
Ku ruhê meriv bi navbera peyvan nekariya xwa îfade bike, xwa bide der, hingê ew frekuwensên kodkirî di mêźî u ruhê wî kesî da xesarên mezin ćêdikin. Zman u ruh (yanî li vir «hest» e) hevdu xwadî dikin, lê dikarin hevdu bikuźin źî. Nebuna yekî tunebuna yê din e. Tevî ku ewqas bi hev va girêdayî ne źî, yek bê yê din nikare xwa îfade bike, hetta hetta nikare hee' 'be źî; hevahengiya di navbera herduyan da ewqas zerurî ye. Bê balansiya di navbera herduyan da dibe sebeba nexwaśiyên pirr giran yên ruhî ...
Źiber bê balansiya (yan źî xerabbuna balansa) di navbera zmên u ruh da di însanan da nexwaśiyên mezin xwa didin der. Loma xwa bi zmanê xwa yê otometîzekirî, ango xwa bi zmanê dayika xwa îfade kirin, źibo her însanî u heywanî heebe-nebeyek e.
Rê li ber vê girtin, kuśtina wî însanî u heywanî ye.
Tevî ku meriv di psîxoloźî u psîxiyatriyê da bi tedavîkirina van nexwaśiyên ruhî miźul dibe, dixwaze wan birînan derman bike źî, lê bi temamî ne pêkan e.
Kêm yan źî zêde digel hemî nexwaśan xesarên mezin li paś dimînin. Ligel gelekan dibe sebeba întîxarkirinê źî.
...»

Dibe ku hun aniha bibêźin, «Yaw xalo te dîsan źî gelek drêź kiriye ha, wîîî! Xalo, bi xwadê te eyb kiriye ...».

Tiśt nabe haaa, de îdare bikin, bavê mino :)