Roźeke Nermik, Lê Ne Pirr Germik :)

Hîro źî źibo min pićekî aram derbaz bu.

Tevî ku baran nebariya źî, hewa ewqas germ nebu.

Hîro tenê tev l’ dersa fonoloźiya zmanê latînî bum.

Vê nîvroyê bu.

Źi piśtî ku min ću xwarina xwa xwar, rabum ser xwa u min berê xwa daa înstîtuta me ya zmanên hîndî-ewrupî.

Źixwa źi zangehê qasî du sed mêtroyan dur e.

Min him dixwast hîn bibim ka źi profesorên ku dixwastinn peywirê bigirin ser xwa, kîźan hatiye hilbiźartin. Tabî divêt min dema mifteya xwa ya êlextronîk źî bidaa drêź kirin, daku ez bikarim bi rehetî bikevim hundir u derbikevim. Di rastiyê da derî hertim vekiriye. Lê hindek beś hee ne, hertim girtî ne. Źibo ketina hundir mifte pêwist e.

Gava ez ćum u derketim qata duyem, xalê me Thomas u xaltîka me Charlotte li wir bunn.

Qasî dewpênc deqqan me bi vir u wir da lotik havitinn.

Charlotte źibo ku ez bikarim dema mifteya xwa drêź bikim, kaxizek tîźî kir u daa min.

Lê di derbarê profesorê nu da gotinn, «Em hîn źî tiśtekî nizanin.».

Berê gotî bunn ewê eynî roźê bellî bibe.

Gava min ev gotin haniya bîra wan, hîcar gotinn, «Herê, rast e. Komîsyonê birryara xwa daye. Lê aniha naxwazin ku were heśkere kirin. Hîn gelek formelîteyên resmî hee ne, hîn ewê ew birryar di nav gelek komîsyonên din ra derbaz bibe. Źi piśtî ku her tiśt bi saxî u silametî bi dawî bu, ewê were gotin. Aniha dibêźin roźa heśkerekirinê 4ê temuzê ye. Em źî nikarin tiśtekî bikin.».

Paśê ćharlotte got, «Helbet Thomas dizane kî ye, lê destur tun e ku ew heśkere bike. Em hemî źî ketinne gewriya wî źibo ku bibêźe. Bê fêde ye, źi ya xwa danakeve.».

Tevî ku me pirr zor daa Thomas źî, mêro gik źî negot.

Diyar e ku źi derî payînê ti śensa me tun e.

Divêt źi aniha u pê va em tam mehek u nîv guzan li ser ćokên xwa biśkînin.

Paśê ez źi înstîtutê derketim u ćum restorenta heval Newzat.

Kes tune bu, tenê xalê me Newzat u aśpêźê wî li wir bunn, xwarina xwa dixwarinn.

Źi piśtî pênc deqqan aśpêź xwarina xwa xelas kir, rabu ser xwa, derket u ću.

Ez heta seet pêncan li wir mam.

Me gotina xwa drêź kir.
Ya rast xalê me Newzat źi axaftinê pirr hez dike.

Loma źî ez bi zêdeyî guh didim wî, tenê carina di navberê da tiśtina dibêźim u ewqas.