Roźên Sar Yên Bi Zmanê Latînî

Źiber vê sermaya beredayî îmana me buye teneke yaw.
Destên meriv dicemidin bavê mino.

Baran kêm nabe.

Aha havîn źî hat, hîn źî rooź xuya nabe bi xwadê.

Min ćend roźan nekaniya tiśtekî binivîsim.

Mixabin di van sê-ćar roźên dawiyê da him min pirr kar kir u hîm źî min dil dikir ku ez tev l‘ îmtîhena dersa dengnasiya dîrokî ya zmanê latînî bibim.

Qet nebe ewê li ser fonoloźiya zmanê latînî źî îmkana ku ez roźekê bikarim pê tiśtekî bikim, derbixe.

Di vê somestira biharê da profesor beg qasî 45 rupel belav kirinn.

Tabî di nav da bi hezaran deng u peyîv hee ne.
Yek bi yek hatinne vegotin, źi destpêka zmanê hîndî-ewrupî yê bingehîn heta zmanê latînî.

Tabî zaraveyên din yên îtalî u devokên latînî, peyvên źi yonaniya kevin girtî u hwd.

Źi heddê xwa zêdetir dengên bi pirsgirêk, qanunên esasî yên di derbarê zmanê latînî da hee ne.

Ê helbet min pirr dereng dest bi amedekariyê kir, herre were ew źî qasî sê roźan bu. Digel vê dîsan kar źî kir.
Ya rast min tenê carekê kaniya 45 rupelan yek bi yek di ber ćavan ra derbaz bikim.

Carina rupelekê qasî seetekê wextê min girt.

Min doh nîvê śevê hemî rupel xelas kirinn. Seet yekê nîvê śevê bu (yanî seet 01:00ê hîro bu).
Di seet heśtan da rabum. Min hindek qanunên rêzmanî yên ku di latînî da hee ne, careke din di ber ćavan ra derbaz kirinn.

Paśê ćum zangeha Zürich’ê. Di seet 12:15ê da îmtîhen hee‘ bu.

Mêro hat, kaxizên îmtîhenê belav kirinn u got, «Nîv seet wextê we hee ye.».

Tevda 12 pirs bunn.

Digel her pirsê źî ćar bersîv hee‘ bunn. Divêt meriv bersîva rast nîśan bikira.

Bi xwadê, źiber ku ez źi berî deh salan hiynî latînî bu‘ bum, min gelek peyîv źi bîr kirinne.

Loma źî digel ćend pirsan min mahneya wan peyvan u forma wan ya ferhengî nekaniya b’înim bîra xwa.

Drêź nekim, pićekî serê min hêśiya :)

Źi berî min sê kesên din kaxizên xwa dann u derketinn.

Got, «Hîn pênc deqqe wextê we hee ye.».

Min di vê navberê da bersîvên pirsên din źî dayî bunn.

Min rabu kaxiza xwa bir u daa mêro.
Hema li wir kontrol kir, berbi min va ćerixiya u got, «Pirr baś e. Pîroz dikim».

Lê ez dibêźim yek yan źî du ćewtî tê da hee‘ bunn.

Źi 12 pirsan divêt meriv herî kêm bersîva 8 pirsan rast bide.

Paśê min turika xwa girt u derketim der, ez ê bićuma klînîkê, min ê hîn wergerr bikira.
Tabî pêra źî min ê qursa kurdî bidaa xaltîka me biźîśk Bîrcan xanimê.

Gava ez źi dêrî derketim korîdorê, min mêze kir ku ha yên din źî li wir in.

Min silav daa wan (tevî ku em qet bi hevdu ra nepeyîvînne źî).

Yekî got, «Di ya min da ćar heb ćewtî hee’ bunn.».

Em ćend deqqan bi hevdu ra peyîvînn u paśê ez ćum kar.

Sibeh dersa dawiyê ye. Dibe ku mêro testîqnameyan b’îne u bide me.

De hîcar hun źî xwa amede bikin, helbet hun ê roźekê bikevin nav destê min u ez ê źî dersekê bidim we, herê welleh, ihi :)