Meriv Îdeoloźiyan Bi Kar Tîne Yaw, Xwa Źê Ra Nake Kole Haaa

Wekî ku min doh gotî bu, hewaya bê bav hîro lotika xwa l‘ me xist.
Ne berf, lê tirî bariya.

Loma źî baś bu ku min hîro śemsiye bi xwa ra girt.

Heta śeś roźên din hewa baś xuya nake.

Aha bihar hat u ću, lê me qet tiśtek źê nedî.

Di roźnameyên hîro da dibêźin di van sî salên dawiyê da hêć hewayeke weha xerab ćênebuye.

Tirsa min ew e ku havîn źî hîsal hilo berbat derbaz bibe.

Welleh ku ev havîn źî berbat hilo derbaz bu, hindî ez bawer nakim ku tenê Swîsre’yiyek źî sax bimîne.

*

Min hîro li ser malperekê nućeyeke balkêś xwand, kêfa min pirr pê hat (http://hawarnetrojev.hk-mg.net/2013/05/edi-li-parlementoya-ewrupaye-kursiyeke.html

).

Loma źî min ev nivîsa xwa di Facebook’a bê bav da belav kir:

«Aha welleh ev lotika "Perlementoya Ewrupê" pirr baś bu.
Camêran li Perlementoya Ewrupê kursiyek danne hukumeta Baśurê Kurdistan'ê.

Yanî hêdî kurd źî ewê li Perlementoya Ewrupê werin temsîl kirin.
Bila li ser xêrê 'be! ».

Helbet gava meriv pêśketinên bi vî hawî dibîne, tenê xwa bextiyar hîss dike.

Ez hêvîdar im ku li hemî perćeyên din yên Kurdistan’ê źî em bikarin van serketinên xwaśik  pêkb’înin u di nav milletên din da ciyê xwa bigirin.

Me kurdan di nav dîrokê da ti carî nekaniya siyasetê bikin.

Źixwa di warê dîplomesiyê da siyaseta ku di nav van 40 salên dawiyê da hate meśandin, komediyeke ewqas bê tam bu ku, nayê gotin.

Kurdan ti carî di śerkirinê da handa nekirinn, hertim di siyasetê da śerê xwa handa kirinn.

Mesele ne îdeoloźî ye.

Mesele tenê u tenê bikaranîna îdeoloźiyan e.
Ne tenê kurd dîndar in, ne tenê kurd sosyelîst in.

Digel hemî xelkên cîhanê ev nêrîn mewcud in.

Lê bi ferxekê. Milletên din dîn źî, îdeoloźiyên din źî wekî alet źibo berźewendiyên xwa bi kar tînin, xwa nakin koleyên filan u bêvan dîn u îdeoloźiyan.

Lê em kurd eksê vê dikin. Em xwa dikin alet di destê dîn u îdeoloźiyan da. Loma źî piśta me qet rast nebuye u nabe.

Hetta źiber vê yekê ye ku em heta li ber sînora tunebuna xwa źî hatinne.

Dîn u îdeoloźî tên u terrin, źibo ku ew źî bikarin li źiyanê bimînin, mecburî xwa diguherînin.
Di vir da śertên xwezayê ti sînoran nas nakin, źibo hemî źîndaran źî eynî śert pîvanên bingehîn in.

Loma źî divêt meriv tespîtên xalê me Darwîn baś hîn bibe.

Tabî ez baś dizanim ku em kurd li śuna ku em bi realîteya heeyî ra miźul bibin, terrin kêfa xwa bi zirt u virtên belaś ra tînin.

Ha ha dikevin qirika hevdu u hevdu dixwin.

Kurdino, heyranino, ti carî, ti carî ligorî kêfa îdeoloźiyên ku nikanin pênc quruś bikin, xwa nekin qurban.

Di nav kîźan partiyê da dibe bila bibe, divêt meriv hertim ligorî menfeetên xwa u yên milletê xwa bifikire.

Divêt meriv ti carî, ti carî, tiśtê ku diźminê xwa li ser piyan dihêle, qebul neke. Dibe bila zman ’be, dibe bila kultur ’be, ferx nake.

Źixwa zman u kultur esasên heebunê yên di nav xwezayê da ne.