Leblebiyên Hiśk U Nermik Yên Hîro :)

Di van roźên dawiyê da hewa her ku terre sartir dibe.

Hîro him sartir bu him źî baran dem bi dem bariya.

Vê sibehê divêt ez di seet 09:30yan da li nexwaśxaneya zangeha Zürich’ê bibuma.

Min doh zengila «iPhon»a bê bav źî źibo seet heyśtê sibehê eyer kirî bu.

Źixwa min qet nekariya baś rabikevim. Herhal ćaya ku min doh di seet 8ê hêvarê da vexwarî bu, sebeba vê yekê bu.

Tabî ez vê sibehê xwa bi xwa heśyar bum, min got herhal hîn zu ye.

Lê dîsan źî min l’ seeta iPhon’ê mêze kir.

Waweylê, waweylêêê, seet 08:55 bu.

Yanî divêt ez tam di 35 deqqan da li nexwaśxanê bibuma.

Zengila iPhon’a heram lê nexistiye.

Mesele di kê da ye ez nizanim.

Bi lez ez ćum serśoyê, dîsan bi lez derketim, min kincên xwa l’ xwa kirinn u bi bez ćum mitbaxê.
Di nav pênc deqqan da min xwarinek xwar, ćakêta xwa l’ xwa kir, turika xwa havite dor hustiyê xwa u bi bez daketim źêr.

Min pîskîlêt girt, derî vekir u derketim der.
Baran hurik u hurik dibariya. Erd śil buyî bu.

Loma źî ez mecbur mam ku bi tempoyeke giran b’aźom.

Ći dibe bila bibe, ez tam di wextê xwa da gêśtim beśa roymatoloźiyê.
Pantolê min źi paś va dîsan źî pićekî śil buyî bu.

Źi piśtî seetek u nîvan karê min xelas bu u ez dîsan hatim malê.

Tabî di seet 15an da źî divêt min li klînikê wergerr bikira.

Êh, ew źî bi silametî derbaz bu.

Di nućeyên hîro da tiśtên din yên nu bala min kiśandinn.

Loma źî min ev zirt u virtên li źêr nivîsiyan u di Facebook’a bê bav da belav kirinn:

«Dibêźin PYDê li Roźavayê Kurdistan'ê ALA RENGÎN ya di destê milletê kurd da girtiye u dirrandiye!
Bila sibeha wê PYDeya taśeron u îblîs nebe!
Dawiya dawîn ewê keć u xortên kurd bikin qurbana îdeoloźiya xwa ya taśeron.
Paśê źî ewê bi yek dengî bikin kuzzekuzz u bibêźin "śehîd namirin!" u bazara xwîna keć u xortan bikin.

Xaltîkeke berpirsiyar ya PYDê gotiye, "Em rêzê nîśanî ala herkesî didin."
Hella hellaaa, źi kengê va ye ku ALA RENGÎN buye "ala herkesî" u nikare bibe ya milletê kurd?!
Qey meriv dibêźe xayîneke milletê kurd źi ber xwa dipeyîve.

Kećikino, xortino, xwa nekin qurbana van taśeronan, heyranino.
Ewê li ser xwîna we bazara herî heram bikin.».

Tabî miźar kur e, ez ê pêda nerrim.

Paśê min di nav gotareke din da sosretiyeke din dît (Rêzan Tovjîn:ttp://www.amidakurd.net/qunciknivis/ji_komeleya_niv%C3%AEskaran_%C3%AEstifa).
Bi serê her sê gotinên źin- u mêrberdanê ’be, hemî dezgehên ku bi navê milletê kurd tevdigerrin, bunne axur, bunne wekî tuweletên li ser kolanên xerabe.

Loma źî ez dîsan hêrs ketim, min negot xwadê daye u ćend gotinên źi dil u îman belav kirinn:

«Dibêźin "komeleya nivîskaran" ya li Amed'ê buye axura heywanên ehmeqoxlî ehmeq!
Ćiqas dizz u zexel u beredayî hee ne, hatinne u bunne endamê komeleyê, vê gavê bi qewadiyan ciyê xwa germ dikin.
Xwadêyooo, ev ći rezelat e ku di nav hemî dezgehên ku milletekî dikin millet da qewad, dizz u ehmeq śun bunne?!
Sucdar tenê u tenê siyaseta kemalîst, taśeron u ehmeqoxlî ehmeq e, ku dixwaze milletê kurd bike naxir!!!».

Ti śensa kurdan tun e ku bi van qewadan ra civakeke xwadî îrade u zanîn bihafirîne.

Di nav koma milletên din da meriv hêdî hîro hew dikare bê kesên źîr ciyê xwa bigire.

Heta ku di nav hemî beśên zanyariyê da ew kes derneketinne, em ê her u her av bi av herrin.

Bi śerkirinê em nikarin temsîldariya dilopek xwîna milletê xwa źî bikin.

Li ku derê cîhanê dibe bila bibe, herrin u mêze bikin, hemî dezgehên kurdan di nav zirzopiyeke herî ehmeq da têkćunne.

Mîllîmêtroyek pêśketin tun e, naxirên źi berî bîst salî ći bunn, hîro źî eynî naxir in.

Ćima?

Źiber ku her tiśt di sêrî da gemar buye, yanî camêrên ku xwa wekî berpirsiyar dihesibînin, carekê di nav cahiltiyê da puć bunne.
Di nav îdeoloźiyên psîkopatîk u despotîk da fetisînne.

Mixabin xelkê me yê feqîr źî di nav destên van psîkopat u despotan da rezîl u riswe buye, nikare źi nav gemariyê derbikeve u carekê l’ derudora xwa binêre ku di ći halî da ye.