Germayiya Siyaseta Li Kurdistan’a Baśur

Źiber heweya sar ez hîro nećum bezê. Ango min hîć sport nekir.
Piśtî nîvroyê źibo seetekê ćum wergerê u hatim.
Źê pê va min wextê xwe bi giśtî li malê derbaz kir.
Beriya pênc deqqan źî źi meśa xwe ya hêvarê vegeriyam.

Min carekê li medyaya kurdî nihêriya, lê min li gorî xwe tiśtekî balkêś nediya.
Rewśa siyaseta li Kurdistan’a Baśur hindekî di nav kelecaniyekê da ye.
Nośîrwan Mistefe bi gotineke pirr bê îdraq roźeva hemî perćeyên Kurdistan’ê tevlihev kir. Heger ne śaś bibim, tirseke mezin bi hemî kurdan girt. Źi vê normaltir źî nikane tiśtek bibe. Keda bi sedan salan, erda ku bi sed hezaran mêrxasên kurd bi xwe ra girtiye u xistiye bin axê, źan u hêśa ku ev bi hezar salan e tê kiśandin, źibo kêfa śexsekî ne bes buye, îcar kekê me dixwaze vî perćeyê bićuk yê azat hilweśîne u dilê diźminên milletê kurd bi sedan salan bextiyar bike.
Źi vê bê îmantir nikane tiśtekî din he bibe.
Ma kîźan kurdê xwedî îdraq, kîźan însanê bi pićekî cîger bobelatiyeke husan bê wîźdan dixwaze?
Bê guman haya min źi siyaseta ku li Kurdistan’a Baśur tê meśandin tun e. Baśî u nebaśiyên li hêra ći ne, ći nîn in, ez nizanim. Dibe ku kêmasiyên gelek mezin źî he bibin. Lê ew nayê wê mahnê ku meriv rabibe bi hizrên diźminane vê «zarokê bîst salî» - ku dorbedor bi diźminan hatiye girtin - bikuźe.
Li hemî welatên li ser vê erdê pirsgirêk he ne, her he bun, ewdê he bibin źî.
Źiyan bi xwe pirsgirêkek e. Źibo ku pirsgirêk nebin, divêt źiyana heyî ya di nav xwezayê da nebe, ango tune bibe.
Ma kîźan ereb, tirk, faris, emerîkî, ćînî, rusî, elmen, înglîz u hwd. źiber pirsgirêkên civakî dixwaze neteweya xwe tune bike bi xwedê?
Mesele li Baśur mafê kurmancan ya perwerdeya bi kurmancî nayê dayîn, bi hezar lîstikên bê edep siyaseteke pirr gemar li hemberî kurmancan tê meśandin.
Lê dîsan źî min qet nehaniye bîra xwe ku ez Baśur hilweśînim, yan źî bi hilweśîna wî śaa bibim.
Zu yan źî dereng, bi baśî yan źî xirabî, em meźbur in ku van bobelatiyên heyî źi holê rabikin, em ê rabikin źî.
Lê paśê ewdê pirsgirêkên nuh u din derbikevim.
U ew źî bi xêr u xweśî hatine.