Min hîro heta niha źî nigê xwa dernexistiye der.
Źi vê sibehê va ye ku śilî u berf dibare. Lê berfê cara yekem berbi hêvarê dest pê kir, hîn źî dibare.
Ev ćend meh bun ku gelek kaxiz li ser hev kom bubun. Di dosyayên min da gelek tevlihevî ćêbubun, loma divêt min hemî kaxiz u belgeyên xwa yên źi bîst salan u vir da źi hev veqetandin u źi nuh va li gorî miźaran cih bikirina.
Xwadê hee ye, kêm-zêde min ev karê xwa yê «tiraliya min» serraśt kir.
Lê dosyeyan têrî kaxiz u belgeyan nekirin. Loma źî divêt ez sibeh ćend dosyayên din bikirim u wan kaxiz u belgeyên ku hatine amede kirin, têximê.
Sibeh ewdê somestra biharê li ba zangeha Zürich’ê dest pê bike. Min źi nuh va qeyda xwa kir. Ya raśt hîn bi temamî qeyda min nehatiye pesend kirin, divêt ez sibeh, berî nîvro carekê herrim odeya qeydê u hindek formelîteyên heyî ćareser bikim. Min źibo mifteya înstîtuta me belgename, źibo makîneya kopiyê źî nimreya xwa ya śexsî roźa îniyê hilgirt. Divêt ez sibeh herrim mifteya xwa źî bigirim.
Ez ê źî di vê somestrê da beśdarî du dersan bibim. Yek bellî ye, lê ya din hîn ne tam zelal e. Vê Somestrê dersên ku zêde bala min bikiśînin, tun in. Divêt ez carekê li proxrama zangeha Bern’ê mêze bikim. Lê wê derê carinan dersên li ser zimanên Îran’î têne dayîn. Helbet źibo van źî heta ku wan tê profesorên navdar yên bi vê miźarê va girêdayî ne, tînin. Tabî ćênabe ku mirov firsendên wilo birevîne u di guhê gêê da rakeve. Wekî din mirov xwa bidirrîne źî ti carî nikane îmkaneke husan bi berhem dest bixe. Źixwa fînanse kirina vê yekê bi tena serê xwa tiśtekî xewn u xeyalî ye.
Înformasyon ćeka herî bi hêz u tesîrane ye.
Yanî ez ê heta nîviyê meha hezîranê serê xwa zêdetir bihêśînim.
Wekî ku hun źî dibînin, sibeh gelek karê min yê hur u mur hee ye.
Ez ê xwa hindekî bi vir u wir da bidim bezandin.
Helbet du seet źî karê wergerê li benda min e.
De bila qet nebe xwadê karê min di rê da bibe u wesselam.
Keine Kommentare:
Kommentar veröffentlichen