Kovara «Nudem»ê Dîsan Dest Bi Weśanê Dike :-)

Min hîro piśtî nîvroyê źi derî sê seetan werger kirinê tiśtekî din nekir, ango hemî dema xwa li malê derbaz kir.
Bîskîleta min ya ku teqiya bu, min hîro dîsan tamîr kir. Aniha vê gavê li ser xwa ye u kar dike.
Lê sibeh ći dike, tenê xwadê dizane.
Min sporta xwa ya hîro ćênekir. Wextê min ćênebu.
*
Ez di nav nućeyên hîro da raśtî du tiśtên ku balkêś bun, hatim (ez ê tenê li ser yekê bisekinim).
Di nućeyekê da li ser kovara Nudem’ê hindek haydarî dihatin dayîn. Li gorî ragiyandinê, ewdê vê biharê Nudem dîsan dest bi weśana xwa ya piśtî des/deh salan bike. Rêvabiriya kovarê źî ewdê Hesenê Metê u Firat Cewerî bikin.
Ez bi vê yekê gelekî kêfxwaś bum. Du pênusên bi hêz yên zimanê kurdî dîsan bi Nudem’ê derdikevin ser dika wêźeya zimanê kurdî.
Ez wekî śexs źi nivîsên van herdu nivîskarên hêźa pirr hez dikim.
Di dema xwa da, ango di salên nodî da min źî ćend caran ćend nivîs źi Nudem’ê ra śandî bun. Herweha di «Nudem Werger»ê da źî wergereke min ya wê demê hatî bu weśandin.
Berbi dawiya salên nodî bu. Ez hingê li xaniyê xwandevanan dimam u bi xwandina xwa ya «zimanên hîndî-ewrupî» ra miźul dibum. Carekê tevrunerekî min, yanî hevalê ku bi tevî min li heman ciyî dima, got «telefon bo te hee ye». Ez ćum ser telefonê u min got «ez Beghyanî, kerem bikin».
Dengê li hêla din got: «Kek Beghyanî, ez im, Firat, Firat Cewerî ...». Piśtî hal u xatirê kek Firat źi min rica kir ku ez carinan wergeran źi wan ra biśînim.
Lê mixabin ku wê gavê źî karê min gelek zêde bu. Hew wextê min hee bu ku xwa bi tiśtekî din va miźul bikim.
Loma źî min got, ku wextê min ćêbu, ez ê carinan werger bikim u źi Nudem'ê ra biśînim. Lê ku min nekanî źî bila źi nika da min bibexśîne ...
Dawiya dawîn, mixabin ku wextê min ćênebu. Lê piśtî demekê źî kek Firat dawiya weśana Nudem’ê hanî.
Gava min di destpêka salên nodî da cara yekem Nudem xistî bu nav destên xwa, ez bê tarîf kêfxwaś bubum.
Źiber ku Nudem di sê mehan da carekê derdiket, ez hertim li benda derbaz buna wan sê mehan dimam.
Nudem’ê bi formata xwa ya nuźen u bi kurdiya xwa ya speyî zimanê dayika min ya li ber mirinê di mêźiyê min da bi ćar bizmaran, bêyî ku careke din źê derbikeve, daćikandî bu ...
Loma źî ez dixwazim van herdu barkêśên zimanê kurdî li vir bo îmana zimanê kurdî u dayik Kurdistan’ê pîroź bikim.
Bila Zerdeśt’ê kal hertim ligel wan u karê wan yê bimbarek bibe.