Min doh tiśtek nenivîsiya. Lê di raśtiyê da wextê min ćênebu.
Ev du roź in ku bîskîleta min xera buye, ango tekira/ćerxa bîskîletê teqiya. Min ćendî li ber xwa daa ku pirsgirêka xwa ćareser bikim źî, bi serneketim.
Źiber ku ćar heb bîskîletên min yên kevn hee ne, gava yek xera dibe, źi yeke din perćeyekî digirim, lê tînim u dîsan dest bi haźotinê dikim.
Lê îcar nexwaśiya bîskîletê pirr giran buu. Min ćerxa wê guhart u hîro bi xwa ra bir ba zangehê, daku bikarî bibim li wir hewê biximê. Lê piśtî ku min hewa xistê u min dest bi meśa berbi źor kir, yekcar kir «pisss» u dîsan teqiya.
Welle śansa min ne ti śans e babam. Min dîsan bi vî hawî peya hanî malê. Careke din lastîka di nav da derxist, yeke nuh kire nêv. Ka ewdê sibeh dîsan kîźan bobelatiyan bîne serê min, ya staaar.
Ev du roź in ku tilliyên min hêśeke berbat didin min. Andêrê, qeliśiyane źî. Loma źî min źi krema Gabriel hindekî li destên xwa daa. Dibe ku heta du-sê roźan dîsan xwaś bibin.
Min doh u hîro nekaniya ku herrim bîskîlet haźotinê, tevî ku hewa źi pêr va ewqas xwaś e (9°). Mirov dibêźe qey bihara rengîn hatiye xwa li hawîrdorê li baa dike. Tew ćivîna ćućikan bêhna mirov pirr fireh dike.
Em ê sibeh li ba zangeha Zürich’ê dîsan dest bi qursa zimanê kurdî bikin. Sibeh qursa ku me di somestra payîzê da pê dest kirî bu, hee ye. Roźek paśê źî, ango roźa ćarśemê źî qursa kesên ku bi kurdî nizanin, yan źî tenê hindikî fam dikin u dipeyîvîn, dest pê dike.
Li gorî ragiyandina nućeyan, tê gotin ku protestên li Misir’ê dîsan gurr bune. Meśvan źi Husnu Mubarek dixwazin ku bi lez dest źi erka xwa berbide. Lê H. Mubarek heta vê gavê źî daxwaza meśvanan nehaniya śunê. Dewleta elmen dixwaze ku H. Mubarek bi beheneya źibo kontrola tenduruśtiyê bibe Elmenye’yê, bi nermokî wî źi bin vî barî xelas bike.
Bê guman zêde źî śansa H. Mubarek tun e.
Zu yan źî dereng, bi xwaśî yan źî zorî, hindî dawiya desthilardariya wî ya totalîter u otokrat hatiye. Ellawekîl mele Nesreddîn Xoce bi kerê xwa hatiye u li ber dêrî sekeniye.
Keine Kommentare:
Kommentar veröffentlichen