Karê Hîro U Qursa Zimanê Kurdî

Hîro tam pênc termînên min hee bun źibo wergerandinê. Ya raśt yek di planê da tune bu. Vê sibehê di seet heśtan da kesê ku li Klînîka Psîxiyatriyê karê sosyalê dike, telefonî min kir u źi min pirsî, ka wextê min hee ye ku di seet desan/dehan da herrim u wergerê bikim.
Źiber ku min ê di seeta yekdesan/dewyekan da dest bi wergera yekem bikira, min got problem tun e, ez ê di seet desan/dehan da li wir bibim.
Lê hîro du kesên ku termînên wan hee bun, nehatin, loma źî min tevda tenê sê seetan werger kir u hatim malê.
Hîn du seet u nîv wextê min hee bu ku herrim qursa zimanê kurdî. Me’yê hîro dîsan nuh dest pê bikira. Beriya qursê ez u Burćîn, em li ba kafeterya zangehê hatin ba hevdu u li ser hindek miźarên ku bi qursê va girêdayî bun, peyîviyan.
Pêra em ćun sinifa qursê. Tenê sê kes hatî bun. Di raśtiyê da divêt heśt kes bihatina. Lê nehatin. Loma źî me dest bi qursa xwa kir (19:15) u piśtî du seetan źî dawî bi qursa vê heftê hanî.
Sibeh źî qursa kesên ku bi kurdî nizanin, hee ye.
Beriya qursê ez bi lez ćum ba kebabfirośê kurd Varol, daku ez kebabekê bikirrim. Wextê min hîć nebu ku xwarinekê ćêbikim, bixwim u herrim qursê. Xortekî nenas li wir buu. Min bi elmenî gotê: «Ma ez dikarim kebabekê bigirim?».
Gava wî dest bi amade kirinê kir, min bi kurdî źê «ma tu kurd î?» pirsiya. Wî źî bi kurdiya kurmancî got «na. Lê ez bi soranî dikanim bipeyîvim. Ez bi xwa turkmen im».
Ez pirr kêxwaś bum ku yekî turkmen źî dikane bi kurdî bipeyîve. Lê wî bi min ra tenê kurmancî deng dikir.
Welle xwadê hee ye, ev źî hîseke din ya pirr xwaśik dide mirov.
Turkmenek u kurdî, tewlooo. Min cara yekem di źiyana xwa da turkmenek dîî ku bi kurdî dipeyîve. Dibe ku hîn gelekên din źî hee bibin.

Min bîskîleta xwa hîro tamîr kir. Vê gavê baś kar dike. Ez ê sibeh pê herrim bîskîlet haźotinê. Helbet ev bîskîleta tamîr kirî yeke pêśbirkan e. Modela salên 1990an e. Lê tiśt nabe.
Welle ez merivekî gelekî mutewazî me. Loma źî ha yeke nuh, ha yeke kevn, tew bila bimeśe, wekî din źibo min herder wekî deśta Erzingan’ê pahn e.