Ez hîro nîvroyê derketim der u ćum bezê.
Di seet sisiyan da min źibo du seetan werger li Klînîka Psîxiyatrî’yê kir u hatim malê.
Min xwarineke bi lez amade kir. Ya raśt, min «Lasagne»ya Îtalya’yî xiste nav firinê, seleteyek amade kir u bi hev ra xwar.
Paśê min dest bi ava kirina dolaba xwa ya ku min doh kirriya bu, kir.
Piśtî ku min dolap ava kir u dor hate dêrî, de ez îcar ći bibînim baś e? Camê dêrî tew buye wekî xwalî. Wey xwalî li serê min bibe. Ez ê sibeh carekê telefon bikim, ka camêr ći dibêźin.
Gava din źi gerra xwa ya hêvarê vegerriyam. Hewe wekî doh hiśk nebu. Ez bawer dikim ewdê dawiya vê heftê germ bibe, ango heta 8 pileyan derbikeve.
*
Di nav nućeyên hîro da gelek tiśtên balkêś he bun.
Li Misir’ê rewśa siyasî u civakî bêtir tuź dibe. Lê Husnu Mubarek hez nake ku dest źi erka xwa berbide. Hîro piśtgirên H. Mubarek u serhildêr li hev ketine u gelek meriv birîndar bune.
Li hêla din sekreterê giśtî yê desteya zanayên îslamî yê li İraq’ê, Haris Zarî, di hevpeyvîneke telefonî da ligel roźnameya Rûdaw‘ê gotiye: «Li gorî ayetên Qur’an‘ê u hadîsên pêxember, her kurdê ku daxwaza cuda bunê źi İraq‘ê bike, kafir e.».
De were li ber xwa nekeve u porê xwa rut neke, ya xwadê!
Ez bi xwa nizanim ku ka di kîźan ayeta Qur’an’ê da gotineke husan he ye, pêxemberê ereban kengê hadîsek wilo haniye zimên? Lê di raśtiyê da pêxemberê ereban ći gotiye yan źî negotiye, ma ći eleqeya xwa bi kurdan ra he ye?! Helbet tiśtekî weha źî tun e.
Carê bala xwa bidin vê ecêbê, camêr hew dikane bi fikreke zanyarî u siyasî li ser miźarê hur bibe, li śuna wê bi gotinên beredayî, exlaqî u dîndarî dixwaze serê kurdan bi kurtana ereban va girê bide, daku milletê kurd bila hîn ćend hezar salên din źibo van śarlatanan kerîtiyê bike.
Keine Kommentare:
Kommentar veröffentlichen