Kar U Barên Hurik U Murik

Min hîro ći kir u ći nekir? Bi peyva mêrê berê u mêrê ćê, welle min gelek tiśt kirin.
Berî nîvroyê min dest bi wergerê kir u heta seet duduyan berdewam kir.
Paśê min berê xwa daa zangehê. Min berî ćar roźan formularek źibo mifteya înstîtuta me tiźî kirî bu. Min hîro ćuu mifteya xwa girt u pêncî frank źî wekî depo daa camêran.
Paśê ćum înstîtuta me, pêwîstiya min bi îmzeya profesorê berpirsiyar yê înstîtuta me hee bu. Lê camêr li wir nebu. Gotin ewdê di seet ćaran da piśtî dersê were.
Źiber ku hînê gelek wexta min hee bu u ez birćî źî bubum, min berê nigên xwa daa berbi îmbîsa Varol. Cîgerim Varol li wir nebu. Min źi karkerê wî bi elmenî kebabek rica kir.
Gava wî dest bi amade kirinê kir, min di vê navê da bi kurdî źê «ma tu kurd î?» pirsiya. Got «herê». Paśê xwast ku bibêźe «kurdê bakur im», lê nekanî. Loma źî źi min pirsiya.
Mêro hindekî li ber xwa ket. Śerm kir. Min źî bi kurdî got, «ku te xwastiye, mesele tun e, dikanî hîn bibî».
Got «tabî, lê dilê meriyan mihimtir e».
Min kêfa xwa xera nekir u got: «Herê herê, lê dilê mirov têr nake u tiśtekî naguherîne, heta ku mirov dest pê neke. Kê bi daxwaza dilê xwa kaniye ku hînî zimanekî bibe?».
Paśê min pereyên kebaba xwa dayê, xatir źê xwast u ćum zangehê, li ba maseyekê runiśtim, kebaba xwa xwar, pasteyeke bićuk ya sêvan kirriya u hindekî wîźdana xwa pê haś kir.
Dîsan rabum u ćum înstîtuta me. Min li wir Anna dîî. Ez pê ra qendî bîst deqqan peyîviyam. Min źi salekê zêdetir bubu ku Anna nedîî bu. Ez berî pêncdes/dewpênc salan li ba Anna hînî sanskirîtî u du sal paśê źî hînî latînî bubum. Ango Anna mamosteya min yeke gelekî hêźa buu. Hîn źî wilo ye.
Di wê navberê da profesor hat. Min silav dayê u bi lez źi min ra got, «roźbaś, min ê źî aniha źi we ra e-mailek biśanda. Ma wexta we hee ye ku em derbazî bîroya min bibin?».
Paśê em li bîroya wî kêliyekê bi hev ra peyîviyan, îmzeya xwa daa min. Pêra hindekî li ser siyasetê axivîn, me dilê hevdu nerm kir u źi hev veqetiyan.
Piśtî ku hatim malê, min hindek tiśt xwarin u dîsan derketim der u ćum qursa zimanê kurdî ...
Welle ez tam bume sportmenekî temam.