Źiber ku hîro karê min yê wergerê tune bu, ez heta seet duduyan li malê mam u paśê derketim ser bîskîleta u ćum bîskîlet haźotinê.
Lê śansa min ya bê îman tune ya, ez dibêźim qet naxwaze ku pêsira min berbide.
Piśtî bîst deqqan dîsan ćerxa bîskîletê teqiya u ez dîsan li ser riya xwa husan peya mam bi serê xwa.
Ći bibêźim, wekî din ti ćare tune bu, loma źî min dîsan peya berê xwa daa mala xwa. Ez bawer dikim kêm-zêde ćel u pênc deqqan wextê min girt. Divêt ez sibeh dîsan herrim lastîkên nuh bikirrim. Bi xwadê hindî serê min hew dikane li ber xwa bide. Tew rewśa sîstema mêźiyê min źî dike ku vê gavê tofaneke benî ademî rabike.
Paśê ez qendî seetek u ćaryekê ćum beza xwa u hatim. Bedenćêyiya xwa ya her demê ćêkir, serê xwa śuśt u ćum qursa zimanê kurdî.
Hîro źî qursa zimanê kurdî ya źibo destpêkeran hee bu. Ez tam di wextê xwa da li wir bum.
Tevîhev pênc kes hatî bun. Du heb kurt (= kurd) u sê heb źî Swîsre’yî bun. Di raśtiyê da divêt kêmtirîn des/deh kes bihatina.
Bi temamî destpêka qursa me di atmosfereke gelekî baś da derbaz buu.
Dibe ku nehatina hindek kesan hîn bi destpê nekirina «somestra biharê» va girêdayî bibe. Somestr ewdê bîstê vê mehê dest pê bike.
*
Di nućeyan da min xortê ku protestên li Misir’ê di înternetê da orxanîze kirî bu, Wael Ghonim, dîî. Piśtî dudes/dewdu roźan, ango piśtî serbest berdana wî, li Meydana Tahrîr li hemberî meśvanan diqîrriya u digot: «Misir li ser her tiśtî ye!».
Herê welle, «Misir li ser her tiśtî ye!».
Ez źî weha bi dînkî źi xwa dipirsim, «gelo ewdê kengê siyasetvanên me yên qeśmer u duru yên ku ev e li ber mirina xwa ya berdîberdayî ne, roźekê bibêźin «kurdîperestî u Kurdistan li ser her tiśtî ne!».
Pêwîstiya milletê kurd bi ciwanên kurd yên xwadî îdraq, di sêrî da źî kurdîperest u Kurdistan’î hee ye. U slogana «kurdîperestî u Kurdistan li ser her tiśtî ye!» źi hemî îdeoloźiyên gemar buyî hezar carî, mîlyon carî bi hêztir e.
Loma źî «kurdîperestî u Kurdistan li ser her tiśtî ye!» u wesselam.
Keine Kommentare:
Kommentar veröffentlichen