Hespê Xwadê Yê Kihêl

Di van demên dawiyê da li ba sportê roteya bedena min rabuye ser tapanan.

Lê di rastiyê da vê lotikê źi berî nîv salî dest pêkir.

Bedena kafir qet dil nake ku sînoran nas bike.

Bi taybet źî di nav van ćend hefteyên dawiyê buye wekî hespê xwadê yê kihêl.

Mîna ku her der wekî deśta Erzingan’ê ’be, ćiya u banî tune bibin, ha ha bi ćargavî dibeze.

Bila źî bibeze!

Bila źî bibizdin ew sînorên bê bav di ciyên xwa yên herî zirav da!

Giraniyên ku min li ba entremana bedenhêziyê heta vê gavê radikirin, hedî bune wekî ćîrokên heebu-nebuyî.

Aleta źibo piyan ya tandanê hêdî têr nake, yanî giraniya herî zêde ya ku heta 250 kîlogram terre, bu mazî.

Di nav van du hefteyên dawiyê da min gulleyên din haniyan u dayniyan ser, pêśta kir 270, 290, 304, 316, 330 u pêr źî kire 340 kîlo.

Herhal vê îniyê, yanî sibeh, ez ê bikim 350 kîlo.

Dibe ku heta ćend hefteyan heta 400 kîloyan derbikeve.

Dibe yan źî nabe, bi xwadê zêde ne xema min e.

Źi berî du roźan min dubare źi piśtî sportê li ba vekiśandina bazuyan zêde zor daye bazuyan.

Ev du roź in ku li hêla ćep ya piśta min hêśek peyda buye.

Lê źi doh va min du heb girtin u krem têda, vê gavê baś e :)

Herhal xwadê dixwaze carina dilê xwa bi hêśa di canê min da rehet bike.

Wey feqîrooo!