Erotîzm U Govendîzm

Wê roźê min li govendeke me kurdan mêze kir.
Bi tesedufî ćêbu.

Źi piśtî ku înternêt derket, Youtube derket, gelek deriyên nu vebun.

Hêdî dergehên bazaran ti sînoran nas nakin.

Em kurd źî bi śikilekî ne profesiyonel ketine nav vê bazarê.

Em dil dikin ku bi milletên din ra qayîśê bikiśînin.

Bêguman daxwazeke rewa ye, baś e.

Bi heqq e źî.

Lê mixabin ne ew dezgeh u ne źî ew kesên me yên ku bikarin li ser bazara navnetewî me bi profesiyonelî temsîl bikin, hee ne.

Yên ku dikarin tiśtina bikin źî di nav milletên din da bune perćeyeke wan milletan.

Hetta hetta źi esl u feslê xwa yê kurdbunê źî nefret dikin.

Źibo ku kes bi kurdbuna wan nehese, tam hezar u yek teqleyan tavêźin.

Kompleksên ruhî kezeb li van canikan reś kiriye.

Ew «zanatiya menśur» bi carekê ra di mêźiyên van canikan da buye nefreta li diźî eslê xwa u ćuye ...

Heger ez bi aforîzmeyeke xwa ya źi berî ćend salan vê yekê rave bikim, hilo dibe:

«Zanîn, aleteke esasî ya rewakirina menfeetên xwa yên śexsî ye tenê».

Źi bîr nekin, ćavbelekino, źi bîr nekin.

Em baś dizanin, kurdên me bune heyranê herkesî, lê naxwazin bibin heyranê xwa u milkê bav u kalên xwa.

Źibo ku bikarin hînî folklor u zmanê xelkê bibin, xwa dikuźin.

Bi hezaran eyroyan didin.

Ćima hun dibêźin?

Źiber ku xelkê alemê milkê bavê xwa li ser bazarê baś frotiye me kurdan, loma.

Mesele ez bawer nakim ku ew dansên Latîn Emêrîka’yî bikarin bi dansên me kurdan ra qayîśê bikiśînin.

Canikên me yên Latîn Emêrîka’yî di folklora xwa da hêlên erotîk bê sensur u bê sînor derxistine pêś u hîtabî herkesî dikin ... Yanî hêlên biyoloźîk u psîkoloźîk yên di her însanî da.

Lê mixabin li ba me kurdan tevî ku folklor, dans u rîtmên me yên ewqas efsunî hee ne źî, me nekariye folklor, dans u rîtmên xwa źi qalibên sensurkirî xelas bikin u di nav xelkên din da belav bikin, wan bikin heyranên kultura xwa ...

Govendîzma Li Ser Kolanan