«..., Hingê Hun Pîćên Însanetiyê Ne»

Wê roźê min bi tesedufî wergerreke gotina Giuseppe Mazzini’yê Îtelye’yî dît.

Canikekî kurd gotina wî wergerrandî bu kurdî.

Mixabin wergerra bi kurdî ne di asta bavê xwa da bu.

Ez pićekî li nivîsa orîźînel gerriyam.

Min nekarî di înternêtê da peyda bikim.

Loma źî min got, heger ez wergerra kurdî pićekî serrast bikim ewê baśtir ’be.

Min kir źî.

Xalê me Giuseppe Mazzini di sedsala 19an da tespîteke gerdunî kiriye.

Hilo dibêźe:

«Heger dewleteke we (tu-)nebe, hingê hun pîćên însanetiyê ne»

Hun peyva «dewlet» dikarin wekî «welat»ekî serbixwa źî fam bikin.

Ći bibêźim, gotineke tam ligorî nîśangeha bavê xwa ye.

Bêguman śert u mercên xwezayê bellî ne.

Xweza bi îdêloźiyên beredayî kêfa xwa nayîne.

Śert u mercên xwezayê yên digel pêkhatina źiyanê ya źi berî 3 mîlyar salan ći bun, hîro źî eynî ew in.

Lê me kurdan hîro śert u mercên xwezayê di kefena bavê xwa da kutaye.

Em kurd hêdî ligorî kêfa śert u mercên kes u xelkên din terrin u tên, rudinin u radibin.

Herkes ligorî xwa mêźiyê me, fikirên me form dike.

Herkes sebebên heebuna xwa li me rewa dibîne u dibêźe, «Źiyana bi vî hawî ya maqultir u moderntir e».

Mêźî di me da fetisîne, fetisandine.

Źibo xatirê filan partiyê u bêvan serokî em xwa źibo demekê «dikin kurd».

Lê li paś her xatirê bê xatiriyek radize.

Roźa ku ew xatir bu qurbana bê xatiriyê, îcar malik li me u heft ecdadê we xerabe dibe u terre.

Di eynî roźê da îcar em dibin diźminê herî wehśî li hemberî koka xwa, zmanê xwa u ćanda xwa.
Bê lome u bê nezer.

Em bi hemî hêz u śehweta xwa ya serserî diyar bi diyar direvin, źibo ku kes esl u feslê me hîn nebe, źibo ku kes zman u ćanda me hîn nebe ...

Canikino, mesele ne ev zmanê bi hezaran salan e ...

Mesele ne ev ćanda bi hezaran salan e ...

U mesele ne źî ev koka we ya bi hezaran salan e!
Mesele tenê u tenê «xususiyetên śexsiyeta» we u min in.

Hay źi «xususiyetên śexsiyeta» xwa hee’ ’bin.

Ya ku we u min li ser riya źiyanê ya dur u drêź bi xwa ra digire u dibe, barê me bi xwa ra dikiśîne, ew źî «xususiyetên śexsiyeta» min u we ne.

Loma źî wekî roniya di ćavên xwa da biparêzin, daku em kurdên derbeder bi hev ra nebin «pîćên însaniyetê».

Her weha kezebino, źi bîr nekin bi kerema xwa, bê "zmanê xwa" em nikarin bibin "pîćên însaniyetê" źî.

Erdogan Emîr: "Elkana Vayî"