Tequreqa Faśîzma Li Ser Redyoya «Arta-FMê li Amûdê»yê

Hewaya nerm hîn źî li vir serdestiyê dike.
Tirsa min ew e ku źiber vê nermiyê dar dest bi pelvedanê bikin, heywanên di xwezayê da źi xewa zivistanê heśyar bibin u źi kunên xwa derbikevin der.
Hêvîdar im ku paśe serma bi xiśm neyê, yan naaa, ewê heywanên feqîr tevda źî bimirin u herrin.
Źixwa van însanên bê bav kîmyeya xwezayê tarumar kirinne.

Ez werim ser nućeyeke nu ya ku min hîro xwand.
Tê gotin ku hêzên PKKê (yanî yên PYDê) li Amudê’yê hêriś birine ser redyoya «Arta-FMê li Amûdê».
Canikan bi zora ćekan redyo danne vala kirinn, paśê ketinne hundur u dest bi lêgerrînan kirinne.
Dibêźin yekîneyên PKKê dest danînne ser mêźlokên/kompîturên li dezgeha weśanê.
Tabî rê li ber girtinne u kes bernedanne hundur.
Vê gavê dibêźin hêzên PKKê redyo dorpêć kirinne u hemî kar u barên redyoyê danne sekinandin.
Di dawiya hindek hewldanan da PKKê tenê źibo ku stran werin weśandin, destur daye.
Aniha heger hêzên Esad bibunna, min ê dengê xwa dernexista, lê mixabin hêzên PKKê ne u qaśo dawa azadiya kurdan dikin.
Di nav dîrokê da bi têra xwa mînakên źibo faśîzm u despotîzma hilo hee ne.
PKKê źî bi hevîra tirk, ereb u farsan forma xwa girtiye.
Meriv hew dikare di navbera van hemiyan da ferxekê bibîne.
Yek źi yê din hiynî faśîzm u despotîzma xwa dibe.

Roź bi roź źibo hevdu dibin mînakên bingehîn.
Tabî digel van wehśetên ku herro prextîze dikin, propexendeya azadiyê, demoxresiyê źî źi bîr nakin.
Pêwist e.
Bi gotin u peyvên gilower serê millet l hev digerrînin.
Millet bi van gotinên abstrakt gêźo dikin u berdidin nav ćolê.
Ev textîkeke pirr esasî ye, źibo ku însanan di bin kontrola xwa da bihêlin.
Di nav vê siyasetê da ti carî ciyê gotin u kirinên konkret tun e, nikare hee’ ’be  źî.
Ćewtiyeke weha nakin, daku bila millet sibeh neyê u pirsa wê yekê neke.
Lê ferxa di navbera me kurdan u xelkên din da ći ye, hun dizanin?
Bi xwadê bizanin źî nezanin źî ne xema min e, bavê mino, ez ê bibêźim u xelas.
Em kurd źibo ku menfeetên tirk, ereb u farsan biparêzin, zirarê nedin wan, hezar u yek teqleyan tavêźin, derewan dikin. Yanî her tiśtê di destê xwa da dikin bin xizmeta menfeetên qetîl u tecawîzciyên xwa.
Lê xelkê alemê źî źibo ku bikare menfeetên xwa biparêze, zirarê nedê, roź bi roź menfeetên xwa zêde bike, hezar u yek teqleyan tavêźe, derewan dike. Yanî herkes menfeetperestiya xwa dike u dixwaze hemî menfeetên xelkên din źî di ber yên xwa ra bike qurban.
Halî hazir rewś ev e.
Mînakeke din bidim.
Ka bi serê xwa u min dikin carekê herrin cem tirkekî, erebekî, farsekî, u źê ra bibêźin, «Ćima tu bi kurdî nizanî?».
Yan źî pê ra bi kurdî bipeyîvin.
Hun ê bi wan her du ćav u guhan zu meselê fam bikin.
Hun ê di bin rencîdekirinên wan da bifetisin, hun ê di bin tinazên wan da bikevin binê erdê.
Êêê, kurd ći dikin?
Tiśtekî nakin!
Ew źî wekî tirk, ereb u farsên qewad dikin, difikirin, diźîn.
Zanîn, axaftin, xwandin u nivîsîna bi zmanên wan pîncan di ser xwa ra rewa dibînin, wekî wezîfeyeke xwezayî qebul dikin.

Dixwazim vê bibêźim, divêt kurd faśîzm u despotîzma ku li roźavayê Kurdistan’ê tê meśandin, qebul nekin.

Ewê ev faśîzm u despotîzma ku di himbêza tirk, ereb u farsên segbav da mezin buye, bibe belaya serê hemî kurdan.