Ma Bi Rastî Źî «Gāthā'yên Zerdeśt» Hatinn Dîtin?

Min hîro di nućeyekê da tiśtekî balkêś  xwand.
Ligorî ragiyandina vê nućeyê, kurdekî li roźhilatê Kurdistan’ê pirtukeke ku du hezar salan kevin e, dîtiye.
Tê gotin ku ew perćeyekî pirtuka pîroz Avesta'yê buye u tê da «gāthā’yên Zerdeśt» hee' bunne.

Rast yan źî derew, ez nizanim.
Dibêźin kurdê me źibo ku ev pirtuk nekeve destê molleyên fars yên segbav u bikare vê pirtukê bifrośe, aniye Ewrupê.
Ligorî gotinê, dibêźin ev nivîs (yan źî wergerr) bi zaraveya hewramî buye, lê bi elfebeya aramî hatiye nivîsîn.
Bêguman divêt kesên pispor vê pirtukê bigirin ber xwa u yek bi yek di ber ćavan ra derbaz bikin.
Źixwa źi piśtî lêkolîneke zanyarî ya bi karbonê u vegotinên zmanî ewê her tiśt zu bikare bellî bibe.

Mehneya vê yekê źibo me kurdan ći ye?
Tevî ku ez bi śik im źî, heger ev rast 'be, bawer bikin meriv xezîneyeke weha dîrokî nikare bi frotina Kurdistan'ê źî peyda bike.
Giranbihayiya vê pirtuka dîtî di ser hemî gewherên vê cîhanê ra ye.
Divêt wekî nirxekî gerdunî were qebul kirin u parastin.
Bi ya min 'be, heger li Ewrupê, li ciyekî bi emniyet were parastin, baśtir e.
Bawer nakim ku vê gavê li Kurdistan'ê mêras u hêźayiyên weha yên dîrokî zêde di nav emniyetê da bimînin.
Źixwa di sêrî da divêt bi lez rastiya wê werre pesend kirin u dura źî enelîzên zmannasiyî werin kirin.

Qet nebe divêt bi lez were dîźîtelîze kirin, daku meriv bikare di înternêtê da belav bike.
Bi vê yekê qet nebe ewê kopyeyek di destê me da hee' 'be.
Ku roźekê diźminên heram zirarekê bidinê źî, nexwe em ê bi kopyeya heeyî bikarin li ser bixebitin.

Lê ez źi dil hêvî dikim ku ev rast 'be, xwadê bike sextekariyeke ehmeqane nebe.

*

Źi piśtî ku min ev roźnivîska xwa li vir belav kir, di Facebook’ê da du resimên źi vê pirtukê (bi noteke zmanê înglîzî) hatinn parve kirin.

Li ser yekê resima pêxember Zerdeśt u li ser ya din źî tekst xuya dibe.

2000 years old found in Kurdistan with pic of Zoraster & Hawrami dialect.