Bulent Arinć: «Zmanê Kurdî Nabe Zmanê Perwerdê!»

Hîro ez ê zêde pê da nerrim.

Ev ćend roź in ku hewa heta dewpênc pileyan di bin sifirê ra ye (-15°).
Doh, yanî vê paśîniyê kesek hat malê u kelerîfora di odeya min da bi śikileke hokus-pokus źibo aniha ćareser kir.
Źiber ku li der serma pirr zêde ye, germayiya kelerîforê źî tam têr nake.

Wekî din ti daxwaza min ya ku di vê sermayê da derbikevim der qet tun e.
Tenê źibo demeke kind bi lez ćum markêta li nêzîkî malê u dîsan bi lez bii śun da vegerriyam.

Di vê navberê da min du kesên din źi lîsteya xwa ya Facebook’ê derxistinn.
Źi van yek xalê min Azat u yek źî xaltîka min Bêrîwan bu, mixabin, mixabin.
Tevî ku min bawer nedikir ku roźekê em ê źi hevdu veqetin źî, dawiya dawîn yekî bi zmanê erebî u ya din źî bi zmanê tirkên qewad bendikên sînorên min tarumar kirinn.
Êêêêê, źiyan e, him xwadî hêlên germik u nermik u him źî yên tahl u tuź e, ez ći bikim.

Tabî dîsan ćend kesên din źî hatinn u ketinn nav lîsteya min.
Tên u terrin.

Hîro ez ê nivîsa nukurd.com’ê ya li ser Bulent Arinć di bolga xwa da belav bikim, kêm-zêde ev źî ćend gotinên di dilê min da ne ku ez dixwazim bibêźim, yan źî min di nav gelek nivîsên xwa da nivîsînne.

Fermo, ha hun u ha nivîsa nukurd.com’ê ya bi kurdî heyranino (ez destê xwa nadim rêzmana nivîsê):


[Kurd wê bersiveke çawa bidine Bûlent Arinç em nizanin.

Lê Nûkurd wiha bersiv dide Arinç, "Ne hedê te ye ku tu bibêjî 'zimanê kurdî nabe zimanê perwerdê.'..."

Arinç bixwaze an jî nexwaze, bi têkoşîna kurdan ve wê rojekê zimanê kurdî jî di nav zagonên Tirkiyê de bibe zimanê perwerdê.

Jixwe heke ev têkoşîn tunebûya dê Arinç qet nebe îro negota "zimanê kurdî" jî.

Civaka kurd çîroka "kart, kurt, kûrt..." baş dizane.

Lê gelo Bûlent Arinç bi kîjan cesaretê îro dibêje, "zimanê kurdî nabe zimanê perwerdê." ?

Çend sedemên bingehîn hene:

- Heta ku kurdên bakur bi zimanê tirkî re bijîn...

- Heta ku zimanê tirkî ji ser lêva siyasetmedarên bakur danekeve...

- Heta ku rewşenbîriya bakur bi tirkî biherike...

- Heta ku zimanê tirkî serdestî medyaya bakur be...

- Heta ku zimanê kurdî nebe "ala"ya her tiştê bakur...

...helbet wê Bûlent Arinç jî bi cesareteke mezin bibêje, "zimanê kurdî nabe zimanê perwerdê." 

Erê Bûlent Arinç wisa dibêje, lê mixabin di nav civak, rewşenbîrî û siyaseta kurdan de jî kesên wekî "Bûlent Arinç" hene ku qet bawer nakin ku wê rojekê 'zimanê kurdî bibe zimanê perwerdê'...

Kurd divê bi riyên medenî û demokratîk ve ji bo zimanê kurdî li dijî hişê her du "Bûlent Arinç"an jî têkoşînê bidin.

Bûlent Arincek li Enqereyê dijî...

Gelo "Bûlent Arinç"ên kurdan li ku dijîn?

Erê, me derdê Bûlent Arinç fêm kir...

Lê gelo "Bûlent Arinç"ên kurdan ji bo zimanê kurdî çi dixwazin?]