Rêwîtiya Berbi Barselonye’yê U Gola Bêbin

Welle di van roźên dawiyê da qet hêvaran dem nebu ku ez tiśtekî binivîsînim.

Źixwa doh nîvê śevê hatim malê.
Doh nîvroyê pêśta ćum roźbuna keća hevalê xwa Raj yê hînd.
Roźbuna keća wî ya yek salî Tanîśa’yê  hee bu.
Mêro li restorenteke cî rezerve kirî bu.
Tabî ez seetek u nîv dereng ćum.
Gelek xwarinên hînd yên bê gośt, lê gelek tuź hatî bunn amade kirin.
Xwang u brayekî swîsrî yên ku ez nas dikim źî li hêra/wir bunn.
Źi piśtî nîv seetî Monika’ya me ya polon źî hat.
Roźek berê di Facebook’ê da źi min ra gotî bu dibe ku źiber hêśa ser u qirika xwa neyê.
Lê dîsan źî hat. Pićekî baśtir xuya dikir.
Źiber ku xwarinên xwaśik pirr bunn, me ha ha tenê bi têra xwa xwar.
Helbet śîrînayî źî hee bunn.
Me źi wan źî xwar.
Digel peyîvîna me Monika’yê got ewê dawiya meha gulanê herre Barselonye’yê źibo pênc roźan.
Bi serê we bibe, ći bu, ćiton bu ez nizanim, min yekcar got «ez źî têm kećko».
Kêfa xaltîka me Monika’yê hat.
«Temam, divêt em pêśta bi lez bilêtekê źibo te rezerve bikin. Min hîn cî peyda nekiriye, lê em dikarin źi piśtî xwarinê herrin mala min u bi hev ra lê bigerrin», got.
Ê me weha źî kir.
Ez bi pîskîlêtê ćuyî bum restorentê.
Loma źî em źi hev cihê pêśta ćunn malên xwa źibo ku em kirrîna dawiya heftê bikin.
Seet heta śeś u nîvan min karê xwa temam kir u ćum ba Monika’yê.
Ez heta seet 01ê nîvê śevê li wir mam.
Me pêśta bîlêta min rezerve kir.
Paśê demeke drêź lii odeyekê gerriyann.
Me heta dawiyê źî tiśtek nediya, źi derî du ciyên ne bellî.
Źi sê-ćar set oyro [euro] źêrtir odeyek dîtin zor bu, źibo pênc roźan.
Ev deh sal in ku ez hêć nećume tatîlê. Źi berî deh salan źibo heftekê ćuyî bum Oxfort’ê ba hevalê xwa yê swîsrî Roman u hew.


Tabî ez dîsan bi pîskîlêtê hatim malê.
Min zêde li malê drêź nekir u raketim.
Hiro hêvarê Monika’yê telefon kir u got wê aniha ciyek rezerve kiriye, lê hîn bi temamî ne pît e.

Hahooo, ez ê li ser tiśtekî din bisekiniyam yaw.
Min dîsan bare/miźar di nav quleke din ra drêź kir u hatim di nav Gola Bêbin’ê ya li gundê me ra derketim babam.
Gola Bêbin’ê li ser gundê me, li Arîgazê ye.
Em hêć nediketinn Gola Bêbin’ê.
Digotinn gava meriv dikeve nav Gola Bêbin’ê, terre di Suśehrî’yê ra derdikeve.
Loma źî digotinn di dema berê da carekê buyek hatiye bi śaśî ketiye nav Gola Bêbin’ê u tevda źî xendiqînne u paśê laśên wan kesan li Suśehrî’yê derketinne.

Ći derewan bikim, ez di zaroktiya xwa da źi Gola Bêbin’ê pirr ditirsiyam.
Źixwa hîn źî źê ditirsim bi xwadê, tevî ku nikarim bibînim źî.