Xewn: Xortima Bi Ava Źiyanê

Îśev źibo demeke drêź dubare ćum Kurdistan’ê, di xewna xwa da.

Ne li vir, yanî ne li Zürich’ê bum.

Ćum gundê me yê zaroktiya min.

Min gundê me yê nu yê ku li kêleka gundê me yê kevin hatiye ava kirin, qet di vê xewna xwa da nedît.

Maleke li Kurdistan'ê

Ez di nav gundê me yê kevin da, di nav wan xerabeyan da b’ vir u wir da dićum u dihatim.

Li her dera ku min darek didît, min bi xortima avê dixwast avê bidimê.

Malên di gund da bi tevayî źî bu’bun xerabe.

Ez li ser dîwarên wan li ser piyan disekiniyam. Xortim di destê min da u min ha ha av dipiźiqand derudorê.

Li ser dîwarekê yekcar dara tamasan (heruga reś) li ber ćavên min xuya bu. Min av b’ ser tamasan da piźiqand. Lê tamas qet śil nebun.

Millet źi hêla źêr ya gund va dihat. Kî bun kî nebun, nayê bîra min.

Li ciyekî min bi xortimê aveke sar b’ ser ciyê ku bavê min ćandî bu da, berda. Bavê min źî li wir bu. Źi hêla źor ya gund va ćend kes dihatin. Min ew źî nas nekirin. Gundiyên me bun.

Maleke li Erzingan'ê - Kurdistan

Paśê tiśtekî sosret ćêbu. Ez, bavê min u źinbraya min Gul’ê, em li bin mala xaltîka Sirmê, li ser wê kaśê xuya bun. Ez li hêla berbi gund va bum. Bav u źinbraya min Gul’ê li hêla berbi derveyî gund bun. Gul’ê hema hema heta źêr daketî bu. Lê źibo meśiyanê ti rêć tune bu. Min qet fam nekir ku Gul’ê ćawan heta źêr daketî bu. Bavê min hîn li hîzaya min bu. Dimeśiya.

Min kir u nekir nekariya rêćekê peyda bikim. Min xwa bi ra got ez ê źi vê kendalê bikevim xwarê.

Ez li śuna xwa hilo disekiniyam u ez l’ rêćekê digerriyam.

Źi niśkê va ćend rêćên pirr zirav li ber ćavên min xuya bun. Heta b’ źêr dićun.

Di hundirê min da baweriyeke mezin ćêbu, zaroktiya min hate bîra min. Bi carekê va her tiśt l’ min ewqas hêsan hat ku, sosret e. Min got, «Di zaroktiya xwa da ez herroź li vir dilîstim, ćima ez ê aniha nekarim b’ vir u wir da bimeśim, bibezim.».

Źi niśkê va ew kendal źibo min bu ciyê lîstikê.

Wêraniya gundê me ez bi xwa ra diguviśandim.

Ez l’ riyekê digerriyam źibo ku gundê me yê di zaroktiya min da dîsan vebigerrînim źiyanê.

Min nedizaniya ku min ê ev yek ćawan bikira.

Herhal xortima bi avê ya di destê min da semboleke pićuk ya źibo źiyanê bu, herhal.

Aynur Dogan - Tara Jaff:

"Xewn"