Kefeteryeyên Bi Zmanê Kurdî U Ćanda Kurd

Ev demek e ku di serê min da fikira kefeteryeyekê/ćayxaneyekê derbaz dibe u disekine.

Ha li Kurdistan’ê, ha li Ewrupe’yê, yan źî li parzemîneke din ya dinê, ferx nake, heger kurd bikarin bi nasnameya xwa, bi kultura xwa vê yekê bikin, ewê xizmeteke mezin źibo xwa u ćanda xwa bikin.

Źixwa malên kurdan, kultura kurdan pirrrengîn e.

Tenê rengên ku di nav kultura me da têne bi kar hanîn, dikarin bibin navenda cazîbeyeke mezin.

Mesele li ba Ewrupe’yiyan cazîbe roleke esasî dilîze.

Di nav źiyana însanan da hêdî strês buye fektoreke pirr mezin ya nexwaśiyên rihî.

Źiber vê yekê ye ku herkes ligorî derfet u śertên heeyî li ćareseriyan digerre źibo ku bikare xwa hindekî rehettir bike.

Carcarina hêdî bi temamî di bin źiyana xwa ya tê da difetisin, di bin navê filan u bêvan «fikir u azadiyên» qewadane u qehpikane da ti qewadî u qehpikiya ku nakin, tun e.

Tevî ku bune aleteke sîstemê ya bê śexsiyet, wekî takekes ti mehnê źî nadin, di ser pozbilindiya qewadî u qehpikiya xwa ra kesekî din qebul nakin.

De ez bibêźim bila źi canikan ra pîroz ’be u ez dîsan vebigerrim ser miźara xwa.

Li welatên kapîtalîst u îndustriyel hêdî nirxên însanî roleke esasî nalîzin.

Źixwa tune bun źî.

Yên ku hee’bun źî di nav sîstema heeyî da di ber sîstemê ra av bi av ćune.

Sîstem źibo berdewamiya xwa nirxên nu dihafirîne u di nav xelkê da belav dike.

Pîvan hêdî pîvanên sîstemê ne u her ferd źî mecbur e ku ligorî van pîvanan xwa eyar bike.

Min dixwast bibêźim, heger kurd li Kurdistan’ê, li Ewrupe u parzemînên din ćayxaneyên weha vebikin, ewê gelekî bala însanan bikiśînin.

Mesele meriv dikare di nav heftê da roźên taybet orxenîze bike, bi zmanê kurdî ćalakiyên edebî l’ dar bixe. Tabî li Kurdistan’ê hafirandina kultureke weha ya bi zmanê kurdî ewê gelekî xizmeta zmanê kurdî u ćanda kurd bike.

Li dîasporeyê źî ev ćalakiyên bi vî hawî dikarin barekî mezin u Kurdistan’î bigirin ser milê xwa; qet nebe di warê edebî, zmanî u ćandî da.

Drêź nekim yanî.

Loma źî ez dixwazim bibêźim bila her biźî kefeteryeyên/ćayxaneyên bi zmanê kurdî u bi ćanda kurd!

Źixwa him zmanê kurdî u him źî ćanda kurd rasterast neynikên/hêlliyên hestên herî bingehîn yên însanî temsîl dikin.

Jan Axîn: "Kul U Kulîlk"