Li Paś Me Tayên Porê Me Yên Ketî Man

Her cara ku di nav śevê da kuliyên berfê tên xwarê, hstêrkên haśiyayî/weśiyayî yên ku li galaksiyên cîran dibarin, tên bîra min.

Têrmaśê, xwa ew ćend bi śehwet l’ ba dikin ku dilê reben bi pehînan l’ kezeba li teniśta xwa dide.

Sermaya li mala xwadê źî bi xwa ra tînin źêr.

Gundê Palangan, Hewreman - Kurdistan

Vê gavê hemî zindî l’ benda hêviya bextê xwa mane.

Heger bext berê xwa l’ bextreśiyê nede, ewê di dawiyê da bi bextê xwa śa bibin.

Lê sruśt henekbazeke bê hućik e, hedura xwa bi kêfxwaśiyên drêź nayîne.

Zindiyên ku bi kêfa xwa tuśî sînorên ćavên xwadê dibin, zivistanên eźderheyî l’ canê xwa bar dikin.

Bar barekî giran e, hestiyên meriv dićemîne.

Berf e, baran e, śepal e, ha hilo li ser herdê xwadê rika xwa drêź dike.

Ćavên ku di nav vê zivistanê da nakin śeq u naśkên, bila qet li benda camên pukbuyî nemînin. Zelaliya camên mala bavê min u we ne źi pućbuna salên ćuyî ye, źi dilśewatiya kezeba wan ya bi bar e.

Me di nav pagên xwa da salên xwa berdan u ćun.

Berê me l’ roźava, me piśta xwa ya esmer l’ ćiyayên xwa daa.

Li paś me tayên porê me yên ketî man.

Yên ku giran bun, li ciyên xwa man.

Yên ku bi pif bun, bi bayan ra firiyan.

Bi Hiśê Heśyar Xewn Ćênabin

Śahidê ćîroka xwa me, loma di śerrê xwa da pićekî bi rik im.

Hun dikanin pićekî bi rik im bigirin u bikin pirr bi rik im źî.

Teśeya śerrê di serê me da ava xwa źi xewnên me vedixwe.

Ez ê pêda nerrim u belaya xwa l’ xewnan nedim.

Lê carina źi xwa dipirsim u dibêźim, ćima ev xewnên me tenê reś u spî ne?

Divêt di vê reś- u spîtiyê da ćîroka ćêbuna me vêśartî ’be.
Źi bîr nekin ku ćîroka rengên di ćavên me da pitikeke bexśandî ya buka barana ezmanê me ye, u pitikeke bi du ćavî ye.

Genên ku di mêźiyê me da desthilatdariyê dikin źixwa źi halê xwa bextewar in. Heger bi vî hawî herre, ewê heta hetayê rengê reś u spî źi me ra bihêlin, u bibêźin: „Hun u ćîroka we ev e u hew!“.

Bifikirin carekê, bi sedan mîlyonan sal in ku ev genên bêbav bune xwadiyê me, tevî ku b’ kêrî pîzaveke xerabe źî nayên.

Em di binhiśê xwa da bune mehkumên ebediyen.

Heger hun bi ya min bikin, hun hêsaba serhiśê xwa qet nekin; ćiku guzeke puć e, śarlatanekî bê ser u ber e. Kesê ku li pey serhiśê xwa źiyana xwa ava dike, di dawiya dawîn da heyfa xwa b’ źiyana xwa ya neźiyayî tîne. Loma źî berê xwa nedin îddîayên bê hiś. Meriv hiśk dikin.

Ka carekê bala xwa bidin peyva hiś u hiśk, ćendîn l’ hev diśibin, ne? Heger we bala xwa bidaya zmanê kalikên kalikên xwa, we yê di zmanê wan (u we) yê di dema hezretî Nuh da bidîta ku yek wekî *hus-i- „guh“ (= kurdî hiś) u yek źî wekî *sus-k⁽ʷ ⁾o- „hiśk“ bu.

Ćeneyê xwa nexurînin bi her du tiliyên xwa, hun ê di dafikên mêźiyê xwa da riya xwa handa bikin. Ne hiśê heśyar u ne źî ćoyê hiśk bi keremet in.

Li ber xwa nekevin, yê mayî źi yê ćuyî xerabtir nîn e.

Ćima yê ćuyî hertim ew ćend śîrîn e? Tiśtekî sosret e.

Tovê di laśê we da bila carekê tava zer ra’muse, ewê yê ćuyî dîsan b’ śun da b’îne.

Zerreya ku di nav mîlyaran salan ra derbaz buye u hatiye, ewqas bi hêsanî dest źi ćîroka xwa bernade. Loma zêde serhiśkiyê nekin, serê xwa bi serhiśê xwa ne’êśînin, hun ê pê ra wêran bibin u herrin.

Źixwa roźa ku zerreya di we da got teq u ću, ewê li paś we tenê kavilistaneke kozmîk bimîne.

Bihaya/qîmeta zerreya di xwa da bizanin, mêratê, bi mîlyaran sal kevin kiriye, ewê we źî kevin bike.

Rooź Li Ber Camên Reś Asê Maye!

Canê me ew ćend freh u sivik buye ku hêdî em dikarin xwadê źî bê feture bifrośin.

Lê bazara ku me wekî bazirganê xwa qebul bike, tun e.

Ćiku di me kurdan da ev huner runeniśtiye. Hunera ku di destpêka ćêbuna xwa da mahneya hêza rihê nêr ya baś/ćê dida, hîro di mala me da ketumî buye.

Mêrdîn'a xezalkî

Me carekê bendika zmanê xwa kêr kiriye.

Gava peyv źi devê me derdikevin, nizanin ku berê xwa bidin ku.

Tu yê bibêźî belkî gotineke bi hezar u yek śîroveyan e ev peyva ku źi devê me derdikeve.

Yê ku guh dide me, yan li ber nezaniya xwa yan źî li ber dîntiya me dikeve.

Gotina ku źi mêźiyê śêlo derdikeve źixwa nikare źi întixarê bifitile.

Peyva ku bi bêdengî întixar dike helbet bi ʰêś e.

Camên di nav dîwarên malên me da li ber ćavên me reś bune. Źibo ku em bikarin careke din peyva îxanet li ser reś bikin, cî nemaye. Em li paś camên xwa kor bune. Rooź li ber deriyên malên me nimêźa camên sayî dike. Naxwaze di nav deriyê vekirî ra bikeve nav malê. “Tu kâînatê li paś xwa bihêle u were li ber camên kurdan derbeder ’be!”, dibêźe. Loma bi rik e u naxwaze źi rika bavê xwa da’keve.

Dibêźin kurd ketine nav xwaparastinê.

Heger ew dîwarên mala me nehatina tarumar kirin, me yê bigota “helbet, ćima na!”.

Lê dîwar źi hev ketine, camên sayî yek bi yek hatine śkandin, banî b’ ser me da hatine teqandin, hîn źî em behsa xwaparastinê dikin.

Mala kurdan źi binî va av bi av ćuye, hîn źî kurd behsa ćareseriyên aśtiyane dikin, dawa bratiyê dikin.

Heger bratî bi peyvan bihata frotin, pêwistî b’ malzarokên dayik u źinên kurd nedima.

Kurdê kundir źi bîr dike ku meriv dikare hevalên xwa hil’biźêre, lê nikare xwang u brayên xwa hil’biźêre!

Hstêrk Diteqin, Lê Kurd Nateqin!

Melekê binemala bavê xwa li ser daxwaza xwadê daketiye ser herdê.

Xwadê di meseleya „kurdan“ da śaśo-maśo buye, hindî ew źî nizane ku ći bike.

Di civîneke girseyî da digel melekên xwa hêrs dikeve, źi ciyê xwa dipengize u radibe ser piyan.

Newroz'a 2017an, Akre.

Pêśta bi hêdîka serê xwa li salonê digerrîne, l’ melekên xwa mêze dike.

Dixwaze bandora mista xwa ya li ser masê teqandî, bibîne.

„Kuro, min źi halê van kurdan tiśtek fam nekir u hew!“, dibêźe.

Melek li ser kursiyên xwa yên made in kurdish zêde kêfa xwa xerab nakin.

Xwa bi xwa ra, „Bavo, źixwa me źî tiśtek źi wan fam nekir“, dibêźin.

Dilê xwadê bi kel e:

„Gava min bihiśta li ser herdê ćêkir, min got bihiśt u bedewî pirr l’ hev tên. Loma min got heger ciyê bedew u bihiśta min ha li wî ciyî ’bin, ewê ćêtir ’be. Min rabu li ser wê herdê kurd ćêkirin, pêra min di nav bihiśta kurdan da bihiśta xwa ćêkir. Ez serê xwa ne’êśinim, hêdî kêr gêhiśtiye gewriya ezmên, ez nizanim ew kurdên pepuk li bihiśta min ći dikin! Źixwa min dest źi bihiśta wan berdaye. Melekê belek dibêźe heger bi vî hawî herre, ewê kundir źî li bihiśta min ćênebe. Îcarê kundir ha!“

Hewa bi têra xwa giran buye.

Hstêrkek li geleksiya cîran dike teq u diteqe.
Xwadê źi niśkê va dikuxe.

Kurd li ser kolanên xwa runiśtine, l’ ezmên mêze dikin, „Xwadê mezin e, li paś teqa vê hstêrkê bextê me vêśartî ye.“, dibêźin.

Hezretî Edem Bi Sêva Kurdistan’ê Heśyar Buyî Bu

Kurdistan u Roźhilata Navîn ewćend tevlihev buye ku meriv nikare meselê źi hev safî bike.

Kî bi kê ra ye, kî źi kê ći digire u dide, lîstikvanên di nav van lîstikan da bi xwa źî nizanin.

Herdeke śemitî xwa li temamê Roźhilata Navîn drêź kiriye.

Kesên ku li ser vê herdê digerrin, dikarin źi niśkê va bibin ćîrok u herrin.

Ku meriv carekê śemitî, źê pê va źi kîsa bavê xwa ću.

Źixwa neśemitîn karê mêrê bi heft gurćikan e.

Herkes bi herkesî ra dost e, herkes bi herkesî ra diźmin e.

Heger em ligorî peyva kurdî diźmin meselê śîrove bikin, yanî bi kurdiya źi berî sê hezar salan, herkes duś-manah- e, yanî herkes  yê xwadî fikirê bed/xerab e.

Hun l’ peyva me doźeh źî bifikirin, źi eynî kaniyê tê.
Źi bîr nekin ku diźmin u doźeh ćendîn l’ hev diśibin.

Diźmin, doźeh, tevî ku di dema xwa ya berê da kurdan mesele pićekî fam kirine źî, źibo kurdên di vê sedsalê da meriv nikare eynî tiśtî bibêźe.

Kurd li ser nîgên xwa nameśin. Nîgên kurdan ligorî ćavên li der u dorê terrin u tên.

Kurd li ser nîgên xwa źibo xwa naśemitin źî.

Źibo ku meriv bikare li ser nîngên xwa źibo xwa biśemite, divêt haya meriv źi merivbuna xwa hee’be. Divêt meriv nîgên xwa tenê di ber menfeetên xwa ra bide śemitîn.

Li baśurê Kurdistan’ê „kurdan“(?) bi destê xwa nîgên hevdu śemitandin.

Helbet ne źibo xwa mala bavê xwa.
Molleyên fars, ereb u tirk vê gavê li ser vê śemitînê mala xwa ava dikin.

Lê źibo ku meriv li ciyekî ava bike, divêt li ciyekî din źî wêran bike.

Êraq’ê budceya Kurdistan’ê źi % 17an daxist źi % 12an.

Źixwa di dawiya dawîn da ewê pangnotekê źî nedin kurdan.

Hindî navê „Kurdistan“ źî bi kar nayînin, qedexe ye.

Doh birryar girtin u di derbarê 25 perlementên kurd da cezaya îdamê dixwazin, źiber ku tev l’ „rêferenduma serxwabuna Kurdistan“ê bune.

Mîna ku kurd ćend sotalên li ser kolanan ’bin, bi ćo u tiliyên xwa pê ra dipeyîvin.

Kurdê śemitî nikare hêsaba du kîlo śekir u xiyaran źî bike.

Lê mixabin ev kurd rêvabiriyê dike.

Hezretî Edem bi gezeke źi sêveke Kurdistan’ê źi fenteziyên xwa heśyar buyî bu, lê kurdan li temamê Kurdistan’ê ne sêv, ne heruk u ne źî hermî hiśtin, dîsan źî źi fenteziyên xwa yên bi zengilîn heśyar nebun u nabin.

Kurdistan Źi Didanên Śkeśtî Natirse!

Pêxember dibêźin, ne kalik u pîrikên min, Nuh Nebî piśta tofana reś li Kurdistan’ê śkandiye.

Tofan rabune u hatine, laneta xwa l’ herda me dane, lê dîsan źî bê deng u bê hiś ćune.

Ev herd bi rik e, źi didanên śkestî natirse.

Mêratê, rehên xwa heta mala xwadê drêź kiriye.

Heźmara heywanên ku di nav herda me ra derbaz bune, l’ xewnên me źî hilnayên.

Yên ku hatine, yek bi yek ćune.

Wê can daye me, me xwîn daye wê.

Gava yek źi me gîriye, yê din źi derdan miriye.

Derd bi derb e, diśewitîne.

Źehr bi źan e, mêźiyê meriv difetisîne.

Pozê me bi bêhna źi vê herda me xwa bilind kiriye.

Em źi kezeba sotî dizanin bextewariya di vê herdê da ći ye.

Ćîrok dibêźin, hezretî Edem li ser herda me źi xewa xwa ya bi sêv heśyar buye.

Heger ev herd nebu’buya, ewê hezretî Brehîm di nav êr/êgir da runeniśtiya.

Heger ev herd nebu’buya, ewê ev nanê di destê me da ćênebu’buya.

Heger ev herd nebu’buya, ewê homo-sapiens-sapiens li deśtên Efrîka’yê bifetisiya.

Hîro ev herd li bazara pîćan wekî zibil tê belav kirin, nayê frotin źî.

Xwadê li źor e, u bi derd e:

„Ev źî wekî roźeke ya di nav ćîrokê da ye.“, dibêźe.

Melekên li dor wî yên di ayîna ezmanî da:
„Ya staaar, ćîrokbêź biguherin źî, ćîrok bi dawî nabin!“, dibêźin.

Ne Xewn Dimirin Ne Źî Kurdistan Dimire!

Źibo ku em zeryayan bibînin, em carina ćavên xwa di nav ćeman da diśon.

Dayika min digot, “Xewnên me źi ćeman drêźtir in.”.

Loma ćemên ku ćavên me dibînin, l’ zeryayan digerrin.

Ćavên ku źi xewnan hez nakin, nikarin bi rooźê ra gulaśê bigirin.

Yê ku namerd e, l’ bazara namerdan digerre, źibo ku namerdiya xwa bifrośe.

Mala Talabanî’yan xencereke ewqas bi źehr lêda ku hemî kurd b’ źanê ketine.

Taa miśk, mar, pisîk u kućikên me źî bi gîrî ne.

Kê bi kê ra daa u girt, ćawan kir, ćima kir, pirsên vik u vala ne.

Bi pirsên bê hiś meriv haveyna ehmeqiyê ćêdike.

Źibo ku śîrê malê bêtir gemar nebe, divêt meriv bi lez mastê xwa ćêbike.

Berê xwa bidin tiśtê kirî: Êśa bi hezaran salan, Kurdistan, di nav ćend seetan da frotin!

U berê xwa bidin yê/ya ku xwa frotiye: Mala Talabanî’yan.

Źê pê va ti meśrutiya YNK u Goran'ê nemaye li Kurdistan'ê.

Îxanet li Silêmayê hate nivîsîn, ne li ciyekî din.

Li pey sefseteyan nekevin, herkes wekî kurdan ehmeq nîn e ku milkê mala bavê xwa bide talan kirin.

Kesên ku roźek źi berî rêferendumê bi qetîl Qasim Silêman’ê farsan ra li Silêmaniyê civiya bun u Kurdistan frotî bun, bila nekin zirrezirr.

Tevî ku Emêrîka’yê ew namerd bi tevî kućikên wî roźek źi berî rêferendumê xistî bu nav lîsteya terorê, kurdan rabun li Silêmaniyê bi wî kućikî ra civîn li dar xistin. U Qasim’ê pîć di ser kefena bavê wan da mîz kir.

Heta ku pezê reś di gomê da hee’be, gur li ber xwa nakevin.

Źixwa źiyan bi xwa mucîze ye, u gur vê yekê dizanin.

Źibo ku ew gur li ber xwa bikevin u herrin, divêt mala Talabanî’yan were zuwa kirin.

Ev malbat bi śuśtinan pak nabe.

Qasî ku xuya dibe Mam Celal źiyana xwa di ber avakirina ćandeke namerd ra derbaz kiriye. Mesulê sereke ye źi vê ćanda ku hîro bi dilekî rehet Kurdistan’ê difrośe molleyên fars u erebên bê îdreq.

Hîn źî em bi zelalî nizanin, ka destê ćend heb PDKeyiyan di vê îxanetê da hee ye.

Divêt di roźa yekem da Mesut Barzanî banga sefebertiyê bikira.

Kek Mesut bi xwa źî baś dizane ku ewê xelkê kurd bi deh hezaran biherikiya baśurê Kurdistan’ê.

Lê nekir! Ez źi xwa dipirsim, ćima?

Roźa destpêkê źibo hariyariya navnetewî roźa girtina birryaran bu. Gava pêśmerge bê berxwadan baźarên xwa berda u hovên Heśda Śa’bî u ereb li wan baźaran cî kir, piśtgiriya navnetewî źî bi xwa ra kir nav gornê.

Tu him li ber xwa nede u him źî bibêźe kes hariyariyê nade me, ev komployeke navnetewî ye! Herhal van dewarana dibêźin her kesî mêźiyê xwa bi nan u avê mezin kiriye!

Heger mantixa rêvabirên vê hukumetê u wan partiyan ev ’be, źixwa hingê ew dewlet ewê her u her wekî xewn bimîne.

Gava Îsreîl’ê źi berî pêncî salan li hemberî ereban dest bi śerr kirî bu, źi hemî deverên cîhanê ref bi ref cihu herikiya bun Îsreîl’ê. Di serketina wî śerrî da beśdarbuna akademîkerên cihu rola herî sereke lîstî bu ...

Bêguman hatina Heśda Śa’bî u erebên teres źi du heftan berê da bellî bu. Ćawan dibe ku meriv tevdîrên xwa nagire?
Ćawan dibe îhtîmala ku hindek namerdên di nav YNKê da îxaneteke mezin bikin, tê paśguh kirin?

Źixwa ew dubendiya heeyî ya di navbera partiyan da ćel sal bun ku hee’bun. Kućikên ku di bin kontrola molleyên fars u erebên teres da bun, dihatin zanîn. Van kućikana di hemî firsendan da mebesta xwa ya ku Silêmaniyê źi Kurdistan’ê veqetînin, taniyan zmên ...

Îcarê ćawan dibe ku li hêlekê meriv birryara serxwabunê dide u li hêlekê źî tevdîrên xwa yên leśkerî u aborî nagire?!

Li hêlekê Kurdistan dikele, dinya ser u bin buye, li hêlekê źî PKK di bêdengiyê da fetisiye. Tu yê bibêźî qey ya ku diśewite ne Kurdistan e, ćend kevirên li filan ćiyayî ne.

Di nućeyekê da digotin „pêśmerge“ paśta vekiśiyaye. Tevî ku hertim źibo „pêśmerge“ peyva „ćete“ bi kar tînin źî, vê carê „pêśmerge“ nivîsî bun.

Ćima?
Źiber ku „pêśmergeyên“ ku „vekiśiya bun“ yên YNKê bun, yên Îran’ê bun, yên Êraq’ê bun, loma!

Tabî ev źî ne bes bu, divêt meriv bi devxwînî hêrîśî PDKê bikira, hêrîśî Mesut Barzanî bikira.

Me careke din dît ku konseya PKKê ćendîn herêmcî ye, ćendîn di bin kontrola molleyên farsan da ye, ćendîn „ćete“ ye, ćendîn „taśeron“ e, ćendîn „namerd“ e.

Murat Karayilan źi berî ćend mehan digot bila partiyên kurd yên li roźhilata Kurdistan’ê li hemberî Îran’ê śerr nekin.

Cemîl Bayik źi berî sê mehan digot, „Heśda Śa’bî hêzeke xelasker e!“.

Koma ćekdarên PKKê ya li Śengal’ê wekî perćeyeke Heśda Śa’bî hate ava kirin. Vê komê ćek u miza xwa źi Bexda’yê digirt u digire. Van her du hêzan bi hev ra kar kirin, bi hev ra operesiyonên leśkerî kirin u dikin.

Di roźa dagirkirina Kerkuk u deverên din da PKKê sefseteya ku Apo hatî bibe kuśtin, havite holê.

Roźa ku Heśda Śa’bî u erebên namerd karê xwa li Kurdistan’ê bi dawî kirin, ewê PKK dengê xwa bibirre, ewê tendurustiya Apo dîsan xwaśtir u baśtir bibe ...

Ev e li baśur pêśniyaza ku ewê rêferendumê bidin „cemidandin“ bilind dibe. Emêrîka dibêźe em piśtgiriya vê yekê dikin.

Lê li heniya śerr molle u ereb qet guh nadinê, dibêźin ref bi ref malbatên kućikên xwa yên di nav śerr da tînin Kerkuk’ê u herêmên din, daku di nav demeke kurt da heźmara wan zêde bikin u kurdan źî bi awayekî berteref bikin.

Heger Kurdistan źi berfê ćêbuyî buya, loma me yê bigota, belkî ew xewneke drêź bu.

Lê Kurdistan ne berf e ku bihele!

Îlankirina Kurdistan’a Serbixwa Zerurî Ye!

Gava di 25ê meha îlonê da rêferenduma serxwabuna Kurdistan’ê pêk hat, me berê xwa daa xewnên me yên li ezmanan.

Heśda Śe'bî serê kurdan źêdike!

Me got em bi sond in, em ê daran li ezmên mezin bikin.

Heger xewn śîrîn ’be, heśyar bun źi meriv ra dibe barê heram.

Gul źî b’ ser meriv da bibarin, meriv l’ xewna xwa digerre.

Xewn in, di nav fenteziyên bi sedan salan da xwa di nav zmanê me da koliyane.

Em źi van fenteziyan ćêbune, nan u av u canê me pê diśewite ...

Di nav dîrokê da kurd ti carî ewqasî nêzzîkî serxwabuna xwa nebuyî bun.

Em li benda îlankirina serxwabuna Kurdistan’a xwa bun.

Me yê vê carê źi xewnên xwa xatir bixwasta.

Lê xayîntî ewćendî mezin buye ku meriv nikare destê xwa źê biśoy.

Namerdan di nav śevekê da baźarên xelkê kurd yên bi hezaran salan dan molleyên Îran’ê u pîćên ereban, u reviyan.

Molleyên fars u erebên pîć vê gavê baźarên me talan dikin, însanên me yên sîvîl dikuźin.

Bila di bîra me da ’be, Cemîl Bayik źi berî ćend mehan digot, «Heśda Śe’bî hêzeke xelasker e!». Vê gavê ći dibêźe, nizanim.

Silêmaniye buye bazara qewat u qehpikên farsan.

Hukumeta Herêma Kurdistan’ê heta vê gavê źî bêdeng e!

Sucdar e!

Tiśtê ku buye, źixwa buye.

Divêt hukumeta herêma Kurdistan’ê bi lez seferbertiyê îlan bike u di heman demê da źî «Kurdistan’a Serbixwa»!

Hêdî ew tîr źi kevankê firiyaye!

Tev bila xelkê kurd xwa li baśurê Kurdistan’ê orxenîze bike, birryara śerrê serxwabunê bide, dê źi seranserê cîhanê kurd biherikin nav axa Kurdistan’ê ya pîroz!

Bêyî avabuna hêzeke tund ya kurdan ti kes piśtgiriyê nade kurdan. Herkes li ser bingeha menfeetên xwa têkiliyan bi yên xwadî hêz ra datîne. Loma źî bi hêzbuna kurdan źibo alîkariya navnetewî hee'be-nebe ye.

Lê îrade pêwist e!

Rik u îmana Kurdistan’î ewê helbet heśyar bibe!

Źi Ezmên Kurdistan Dibare!

Li baśurê Kurdistan’ê ezmanek li benda teqîna xwa ye.

Bawer nakim ku bi vî halî pirr drêź b’aźoy.

Ewê biteqe. Lê ewê kê bi xwa ra biśewitîne, xwadê dizane.

Di nav dîrokê da źibo kurdan cara yekem e ku hewayeke bi rehm xwa li baa dike.
Ewê ev herd îcarê bizê. Bê lome.

Bêbext, namerd u pîćên bi heft avan śuśtî ketine nav kemînan.

Ewê serxwabuna ku li ber ćavên me terre u tê, bi kêr u xenceran bikuźin.

Hindek pîć, dezgeh u partiyên namerd źibo ku rêferenduma serxwabuna Kurdistan’ê ćênebe, źibo ku sernekeve, bi ereb, tirk u farsên qewad ra bune yek u gulleyan źi herdê radikin.

Qaśo aniha ne dema rêferendumê buye. Dibêźin bila źi piśtî ku pirsgirêkên di navbera me da hatine ćareser kirin, were kirin.

Yanî nizanin ku pirsgirêkên siyasî yên di navbera partiyan da ti carî nikarin werin ćareser kirin. Źiber vê yekê ye ku li hemî welatên cîhanê partiyên cur bi cur hee ne u hemî źî ligorî bîr u baweriyên xwa dikevin pey menfeetên xwa yên hizbî.

Ma kurd mecbur in ku di bin hukumdariya ereban da bimînin u l’ ćareseriyan bigerrin? Na! Kesê ku di bin hukumdariya ereban da dixwaze pirsgirêkan ćareser bike, yan famkor e, yan źî pîćekî bi heft gurćik e.

Yanî ćima kurd, partiyên kurdan naxwazin di bin hukumdariya xwa kurdan da pirsgirêkên xwa ćareser bikin? Ma hukumdariya kurdan ya li Kurdistan’ê źi ya erebên namerd xerabtir e?!

Diźminên hezar salî bi yek dengî dikin qîrreqîrr, dibêźin ewê avabuna Kurdistan’ê menfeetên me yên mîllî felc bike.

Mixabin hindek „kurdên“? kućikbav źî li diźî rêferendumê derketin źi xwa ra kirine „welatparêzî“!

Kurdistan ne milkê bavê ti partî u śexsî ye. Serxwabuna Kurdistan’ê di ser hemî partî, serok, śexs u îdyoloźiyan ra ye. Di vê meselê da pîvana esasî bi destxistina serxwabuna Kurdistan’ê ye, ne serok, śexs u partî ne.

Xelkê kurd tîh buye li pey serxwabuna Kurdistan'a xwa ya pîroz, divêt baraneke bi rehm were źêr ...

Cara yekem di nav dîrokê da em nêzzîkî Kurdistan'a pîroz bune ...
Xewnên me bi me ra ćarbaskî bune.
Źi bîr nekin, ʰêśên ku hatine kiśandin, ʰêśên ku tên kiśandin, bi giraniya xwa ya hezar salan pirtukxaneyan difetisînin.

Kurd li benda DEWLETa xwa ne, bi heyecan in, bi zmanê xwa berê xwa dane dilê xwa u digîrin ...

Kurdistan Vedide

Ćima maleke me źî nebe?

Wekî her însanê normal, pêwistiya min u we źî b’ malekê hee ye.

Źibo heywanên ku me bi destê xwa kedî kirine źî me malek ćêkiriye, yanî me axurek, gomek ćêkiriye.

Di nav sruśtê da hemî heywan ligorî derfetên xwa źibo xwa malekê ćêdikin.

Bifikirin, ćućik bi dev u penćeyên xwa hêlînan ćêdikin.

Mar, miśk, kurmik ... di nav herdê da kunan vedidin.

Mesele hindek meymun li ser daran diźîn. Ew źî daran, śaxên daran źibo xwa wekî malekê dihesibînin, pêwistiyê pê nabînin ku guhartinan li ser daran bikin.

Heebuna malekê, yanî heebuna stargehekê źibo hemî zindiyan pêdiviyeke zerurî ye.

Mesele em heywanan „kedî“ dikin. Di rastiyê da em heywanan „xwadî mal“ dikin. Peyva me „kedî“ źi kurdiya kevin „kata-ka-“ tê u mahneya „ode, kîller, mehzen“ dida. Di kurdiya zazakî da „keye“ mahneya „mal“ dide u eynî peyv e. Di zmanê avestî da wekî „kata-“ ye. Źi kiryara „kan-“ [= „kolîn, kolandin“] tê.
Qasî ku xuya dibe me źî di dema xwa ya berê da malên xwa „kolane“. Źixwa gava meriv li śkeftan dinêre, mesele baśtir zelal dibe.

Mîna di nav heywanan da, her husan dîsan di nav însanan da źî meriv źibo komekê malekê ava dikin.

Em źê ra dibêźin „mal-bat“.

Ku malbetek pirr mezin bu u bi malbatên din yên ku źi eynî kokê tên ra yekîtiyek ćêkir, dewletek ćêdibe.

Dewlet maleke mezin yê milletekî ye. Di vê malê da hemî endamên malbatê śert u mercên heebuna źiyana orxenîze dikin.

Di vê dewletê da sembol u nirxên yekîtiyê timî derdikevin pêś. Her kes di nav wan sembol u nirxan da temsîldariya xwa dibîne.

Îcarê em kurd bi hezaran salan e ku li ser herda xwa ne. Em gêśtine merheleyeke hilo ku, yan em ê dewleta xwa ava bikin, yan źî em ê di nav dîrokê da bibin hee’bu-nebuyek u bićin.

Avakirina „Kurdistan“ê di ser hemî partî u serokan ra ye. Ćênabe ku kurd di ber îdyoloźî u serokan ra bazariyê li ser serxwabuna Kurdistan’ê bikin.

Carina dibêźim heger em li śuna heywanan hindek kurdên bêbav “kedî” bikin, ewê baśtir ’be.

Hema bila her kes źi derudora xwa dest pêbike, źixwa bi têra xwa kundir hee ne.

Dibe ku pêwistiya her śexsê kurd b’ malekê nebe, lê pêwistiya her śexsê kurd b’ Kurdistan’ekê hee ye.

Rumet Alxas: "Xêr Ama" (= "Xêr Hatî")

[ Min got lêlê, li mala bave xwa bisekine
Lê lê lê lê lê lê lê
Roź dreź, xewn kur, rê źî dur ’be
Zanayê vê stranê ’be 
Mêrxasekî di nav dîwaran da me
Lê lê lê lê lê lê lê
Evînek di nav zinarên qeleśî da hiśk nabe ]

_

Ez to dima zof bervune

Hata Erzingan amune

Teseliya mi to ra kote

Rindeka min to xêr ama

Duza (deśta) Erzingan'î vêsena

Nîadan Gulê nî osena

Zerya m’ nîśta pa vêsena 

Rindeka m’ xevere to de

Ezo śiyo vaśturiye 

Dawil zirna to ciniye

Dîna mi ser biye tariye

Rindeka m’ oxir vo to rê

_

[ Dî herre herre herre herre

Qiyameta vî dîlî

Nećar mayî

Stêrka gêrbuyî omrê veqetî ye ]

Bilura Śevê

...

Xwadê:

Bilurvanê śevê li benda berbangê namîne

Ćiku berbang xewna śevê ye

Maleke li Kurdistan'ê

Bilurvanê ku śevê dike xewê

Di berbangê da xewnan ćêdike źê

Pêxember:

Kibrîta ku śevê diśewitîne źi rooźê natirse

Yabo
Guhên raketî deriyên vekirî li paś xwa nahêlin

Li pey hespên śemitî ne śop u ne źî śuv dimînin

Rebeno:

Śeva ku źi berbangan ditirse l’ bilurê nagerre
Ćiku rooź di roźingan da xewnan ćêdike
Ćićikên ku tê da heśyar dibin
Bi niviśtên śuśtî nimêźan belav dikin

...