Rêwîtiya Duyem Ya Berbi Kurdistan’ê Va -6-

Gava ez u Doxo źi hevdu veqetiyan, min got ez ê heta du-sê seetan li têlefona te bixînim, daku em dubare li navenda baźêr, li ber kaniya parkê werin cem hevdu.

Bi vê mebestê min berê xwa daa malê.

Bavê min źî li malê bu.

Di dema îftarê da bi carekê va
kolan vala bun.

Heger śaś nebim seet li dor 18an bu.

Em li odeya runiśtinê bun. Em dubare li ser rêwîtiya me ya berbi gund va axiviyan.

Di dawiyê da me got em roźa yekśemê herrin, yanî dusibehê, 28ê hezîranê.

Paśê bavê min źibo ku tiśtekî li mitfexê bigire, rabu ser xwa u ću mitfexê.

Źi piśtî ćend deqqeyan zengila deriyê malê lêda.

Min got herhal cîranên bavê min in, loma ez li śuna xwa neliviyam. Li benda bavê xwa bum ku herre dêrî vebike. Źixwa mitfex hema li ba deriyê malê ye.

Lê dengê bavê min qet nedihat. Min xwa bi xwa ra got dibe ku nebihîstî ’be.

Ev ciyê vekirina îftarê ye ku
belediyeyê orxenîze kiriye.
Helbet herkes hêsaba siyaseta xwa dike.

Îcar ez rabum ku berbi dêrî bimeśim. Gava ez gêśtim deriyê odeya runiśtinê, min li hêla din ya korîdorê, li paś deriyê malê bavê xwa dît, dixwast ku dêrî vebike.

Lempeya korîdorê vênediket, loma korîdor pićekî tarî bu.

Gava bavê min derî vekir, yekcar dengekî bilind ya kećikekê hate guhên min.

Hema hun bibeźîn qîrrînek bu.

Źiber tarîtiyê u nebuna berćavoka min min nekariya kesekî nas bikim.

Hewayeke suprîzane li ber dêrî difuriya.

Ez pićekî berbi dêrî ćum ...

Îcar min dengê braźin u brayê xwa Smêl nas kir.

Bi hev ra digotin, «Apooo, ma tu mêvanan qebul dikî? Heger nakî źî bibêźe haaa, em herrin hotêlê.»

Herê, kekê min Smaîl, braźina min Gul u keća wan Duygu hatî bun ...

Surprîzeke bi can u rih bu.

Ez pićekî śaś bum.

Em li benda hevalê kekê xwa bum, źibo ku nasname u pesporta min b’îne u bide me.

Lê qasî ku xuya dibu, canikan ew derew îcad kiriye.

Me hevdu himbêz kir.

Bavê min pirr bi kêf bu.

Ha ha źi keća kekê min Duygu ra digot, «Kećê, pîs Duygu, tu ćima hatî, hi?».

Em bi hev ra ćun odeya runiśtinê.

Ev der navenda Erzingan'ê ye.

Gul hema bi lez berê xwa daa mitfexê, źibo ku ćayekê bikelîne. Źi ćayê pirr hez dike.

Me gotina pićekî drêź kir. Gotin em li dor sisêyan ćarekê hatin. Lê hun li malê nebun. Paśê em ćum mala Bîrgul’ê, vê gavê diya wê pirr giran nexwaś ketiye.

«Di rastiyê em ê doh bihatina. Me digot em herrin Beghyanî li balafirgehê bigirin, surprîzekê lê bikin. Lê mixabin em mecburen doh ćun nexwaśxaneyê źiber ćend tehlîlên Gul’ê. Źi piśtî ku me karê xwa xelas kir em hema derketin ser rê ...», gotin.

Em bi hev ra derbazî nav mitfexê bun, źibo ku ćaya xwa vebixwin.

Źibo taśtê ći hee ye, li ser masê raxistin.

Paśê min got ez têlefonî Doxo źî bikim, bila ew źî were. Min du caran têlefon kir. Lê dengê lêdana têlefonê qet nedihat. Loma źî ez hatim li śuna xwa runiśtim.

Lê li hêla din l’ têlefona Doxo xistiye, him źî du caran, tevî ku min gotî bu ez ê tenê carekê bidim lêxistin źî.

Tabî Doxo ćuye li ber kaniyê qasî 15 deqqan payiye u paśê xwa bi xwa ra gotiye herhal tiśtek bu ku Beghyanî du caran l’ têlefonê xist.

Radibe têlefonî mala bavê min dike.

Ez bi tesedufî ćum têlefonê, Doxo li hêla din bu.

«Tu ćima nehatî, Beghyanî? Va ye ez li benda te me.»

«Biborîne cîgerim, min nedizaniya ku têlefona te lêxistiye. Lê bavê min yê kafir xwa zêde rind hîss nake, heger mumkun ’be tu carekê b’ vir da were, em bi hev ra ćayekê vebixwin u paśê derbikevin der.»

Doxo gotin zêde drêź nekir. Got temam u têlefon girt.

Heta 15 deqqan hate malê. Gava kete hundir u civat dît, guhên wî bun vîtvîtîkî.

«Ê ka te digot kalo nexwaś e, nankoro!»

Ciwan Haco: "Gulek"

Rêwîtiya Duyem Ya Berbi Kurdistan’ê Va -5-

Roźa din, yanî roźa îniyê, sibehê di seet nehan da Doxo hat.

Em bi hev ra heta navenda baźêr meśiyan, em l’ texsiyekê sîwar bun u ćun goristana Ula’yê. Źixwa tenê ćend deqqe bun.

Lawê cîranê me yê li Ula'yê.
Min bi tesedufî gorna wî dît.
Sala buhurî wefat kiriye.
Lê li ser kevirê gorna xwa bi kurdî daye nivîsîn.

Xoce hîn nehatî bu. Du karkerên ku li wê derê kar dikirin, gotin mala wî ne dur e. Yekî têlefona xwa derxist, pê l’ nimroya xoce kir u daa xwarziyê min Doxo.

Drêź nekim, Xoce heta bîst deqqan hat. Kurdê me yê elewî bu.

Di nav deh deqqeyan da diaya xwa xwand u xelas kir.

Doxo pêncî lîre daa wî u nobedarê goristanê. Paśê ew mêweyên ku li ser sîniyekê bun, daa ber wan u karkeran ...

Źiber ku texsî ću’bu, em heta sekingeha mînubusê meśiyan. Bavê min got ez ê herrim nav baźêr.

«Baś e, bavo. Tu herre, ez u Doxo bi hev ra terrin mala me ya hilweśandî.»

Doxo bi bapîrê xwa ra (bi bavê min ra) dilîze.
Sînî hîn di destê Doxo da ye u em berbi sekingehê terrin.

Me got bila wê sîniyê źî bavê min bi xwa ra bibe. Lê gava mînubus hat u bavê min berbi mînubusê meśiya, yekcar b’ śun da vegerriya, «Ez ê vê ći bikim, ha źi we ra, pê ći dikin bikin!», got u sînî li ser herdê berbi me va havit.

Em źi kennan źi hev ketin.

Bavê min ewqas bi fors e ku, nayê gotin. Gava mesele tê ser forshavitinê, milkê dinê źî di ber ra herre, ne xema dilê wî ye ...

Min u Doxo, me berê xwa daa mala wan (me) ya wêrankirî.

Li ciyê malê kevirekî ćikandî źî nemayî bu ...

Paśê min got ka hele were em berbi dukana taxa me va herrin.

Dukan hîn li ciyê xwa bu. Xwadiyê dukanê yê nu kî bu, min nedizanî.

Mala me ya tarumarbuyî.

Neviyê meta min Śahîn’ê bîst salî li ber dukanê bu. Min ew nas nedikir, Doxo got neviyê meta te Nazli’yê ye. Me ćend tiśt kirriyan u derketin.

Śahîn bi kurdî dizaniya. Lê bi śêweyeke pirr ecêb u lebbebkî dipeyîviya. Kêfa min pê hat (źixwa Śahîn ewê paśê bi tesedufî bibe rêhevalê min yê riyeke drêź) ...

Ez u Doxo, pêra em bi hev ra heta hêla din ya Ula’yê ćun.

Em ćun bîroya Denîz’ê źi gundê me yê cîran.

Em ketin hundir. Keća wî li bîroyê bu. Got Denîz ćuye gund.

Me xatir źê xwast u derketin der.

Li ser rê dukaneke mêwe u sewzeyan hee’bu.

Me li wir kîloyek kîraz kirriya, li ber kaniya śaredariyê śuśt u dîsan derketin ser rê.

Em heta navenda baźêr him meśiyan u him źî me kîrazên xwa xwarin.

Ya rast me di nîviya rê da kîraz xelas kirin.

Kîraz pirr erzan bun. Kîloyek li dor 2 lîreyan bu. Loma źî min u Doxo, me di roźên din da źî ha ha kîraz kirriya u xwar.

Ciwan Haco: "Destana Egîdekî"

Rêwîtiya Duyem Ya Berbi Kurdistan’ê Va -4-

Kunefe

Źi piśtî xwarina me ya bi ćend kevćiyan em dîsan derbazî odeya runiśtinê bun.

Heta seetekê bi hev ra runiśtin.

Paśê ez u Doxo bi hev ra derketin der ku herrin demekê li nav baźêr bigerrin.

Em di nav baźêr da pićekî b’ vir u wir da ćun u hatin.

Doxo nedizaniye ku bavê min, yanî bapîrê wî, li baźêr buye, loma li hotêlekê źibo deh roźan cî rezerve kiriye. Li wê dimaye.

Em bi hev ra ćun hotêla Doxo źî.

Mêro li bufeya hotêlê kîloyek pendur kirriya u daa min, «Pirr xwaś e, sibeh bi taśtê bixwe.», got.

Bi qasî du seetan em gerriyan. Paśê Doxo ez birim restorenta elewiyên me yên kurd, birim «Kebapistan»ê. Hema li navenda baźêr e.

Cano dixwast em bi hev ra śîrîniya bi navê «kunefe» bixwin. Bi gotina wî pirr źê hez kiriye.

Em ćun, me sîparîśa xwa daa, xwar u derketin der.

Kofte

«Kunefe» bi qedeyîf dihatiye ćêkirin. Di śiklê ćorekeke pićuk da ye, qasî sentîmêtroyekê stur e. Źi piśtî sorkirina di nav firinê da śerbetê lê dikin u didin ber meriv. Lê pirr śîrîn e.

Tevî ku min li ba xwarinên xwa yên paśê hertim got bila tenê bi qasî du kevćiyên ćayê śerbetê lê bikin źî, fam nekirin.

Źiber roźiya remezanê bi zêdeyî ciyên xwarinxwarinê girtî bun.

Tenê ćend heb restorentên elewiyên me yên kurd vekirî bun. Tabî wekî makîne kar dikirin. Yanî remezan b’ kêrî wan hatî bu.

Doxo dixwast roźa din, roźa îniyê, herre li ser gorna dayika xwa (xwanga min ya mezintirîn e) diayekê bide xwandin. Loma źî digot ewê sibeh di seet nehan da were mala bavê min, me źî bi xwa ra bigire u bibe gundê me yê duyem yê li kêleka baźêr, me bibe goristana Ula’yê (źi zu va ye ku Ula buye perćeyeke baźêr).

Lehmecun

Gava ez wê hêvarê vegerriyam malê, bavê min got Îsmêl têlefon kir u dibêźe ewê sibeh paś nîvroyê hevalekî min were Erzingan’ê, min nasname u pesporta Beghyanî dan wî, ewê b’îne u bide we.

Min zêde serê xwa pê ne’êśand, «Tiśt nabe bavo, ku nebu em ê têlefonî wî bikin u ez ê herrim u bigirim.».

Paśê em pićekî li ser ćuyîna xwa ya gund axiviyan.

Bavê min rehet xuya dikir, «Tu wî karî źi min ra bihêle. Tenê źi min ra bibêźe ka em kengê herrin gund, ew bes e.».

Me bi hev ra gotina xwa di dawiya heftê da kir yek u rabun ser xwa.

De śevbaś  bavo, śevbaś!

Źi te ra źî Beghyanî’yê min, źi te ra źî!

Raperin / Murady: "Hate Ber Dêrî"

Rêwîtiya Duyem Ya Berbi Kurdistan’ê Va -3-

Min deriyê blokê vekir u ketim korîdorê.

Seetekê dereng mayî bum.

Herhal bavê min aniha bê sebir li benda min bu.

 Ćaya «Newroz» ya ku min źi bavê xwa ra bir.

Tenê bu.

Kekê min źi heftekê berî rêwîtiya min di têlefonê da gotî bu ewê nekarin werin.

Tevî ku tam bellî nebuye źî biźîśkan gotiye îhtîmalen źina we bi nexwaśiya penćeśêrê/qansêrê ketiye. Ligorî encamên tehlîlan tenê ew îhtîmal hanîne zmên.

Tabî vê surprîza nepayî her tiśt di nav malbatê da tevlihev kir u berda ...

Ez bi turika xwa ya giran, ku li ser piśta min bu, u bi ya di destê xwa da peya heta qata ćaran derketim.

Korîdar mîna sala derbazbuyî bu.

Min l’ zengila deriyê  bavê xwa xist.

Doxo u bavê min li navenda

Erzingan’ê li ser ćarśiya bin herdê.

Źi hêla hundir va kesek nêzîkî dêrî bu, bêyî ku dêrî vebike, «Ew kî ye li wir?», got.

Dengê xwarziyê min Doxo bu. Doxo źi Elmenye’yê ćar roźan źi berî min hatî bu Erzingan’ê. Lê min nedizaniya ku li ba bavê min e.

«Ez im, dîniko, dêrî vebike!»

Bi hêdîka derî pićekî vekir u sekiniya, «Herre, em te nas nakin, dizzo!».

Paśê hate îmanê u ez berdam hundir.

Me gelek sal bun ku hevdu nedîtî bu.

Źi piśtî ku me hevdu himbêz kir, min mêze kir ha wa ye bavê min źî li hêla din ya salonê berbi me va tê.

Me bi nermî hevdu himbêz kir. Paśê berbi odeya runiśtinê ćun.

Ew li ser sofayekê, ez li ser sofeyekê runiśtin.

Derengmayîna min pićekî di wî da bê rehetî ćêkirî bu.

Źi piśtî ku min sebeba derengmayîna xwa źê ra, pićekî rehet kir.

«Yanî tiśtekî nabêźim, normel e. Her tiśt dikare bibe. Min tenê hindikî merax kir, loma.»

Doxo hate ba me u dixwast ez bi wî ra herrim mitfexê u xwarina ku bavê min roźek berê patî bu, em bi hev ra bixwin.

Bavê min kartof u gośt bi hev ra kelandî bu.

Tabî pîlava bulxurê źî li cem bu.

Ciwan Haco: "Hey Hey"

Rêwîtiya Duyem Ya Berbi Kurdistan’ê Va -2-

Em hatin li Stembol’ê daketin.

Tevî ku em dereng mayî bun źî qet xema min nebu.

Balafirgeha Erzingan'ê.

Ez bê lez berbi deriyê der va ćum, derketim der u dîsan di deriyê din ra ketim hundir.

Mîna sala buhurî, gava ez cara yekem hatî bum u ću’bum Îzmîr’ê, vê carê źî balafira min ya berbi Erzingan’ê ewê li perona 406an rabibuya.

Min źi vê nimroya 406an qet hez nekirî bu u hîn źî źê hez nakim.

Di ciyekî talde da ye. Nimroya 406 źî li ser deriyê peronê nehatiye nivîsîn. Yanî pirr tevlihev e. Loma ćend seniye mayî bun ku ez par balafirê birevînim ...

Balafira berbi Erzingan’ê źî dereng l’ hewayê ket.

Du źinên tirk yên sal girtî u bi ćarśefan li ba min runiśtî bun, bi roźî bun.

Dayik u keć bun.

Min xwarina xwa ya ku hate belav kirin, xwar.

Wan paśê xwarina bi xwa ra girt u bir malê.

Balafira me bi qasî 25 deqqan derengmayî di seet 16:00an da daket. Ez li balafirgeha Erzingan’ê nîv seetî zêdetir li benda turika xwa mam.

Źiber vê yekê bi têra xwa aciz bum.

Balafirgeheke ewqas pićuk u li dor ćil deqqeyan payîn!

Di dawiyê da xaltîkeke berpirsiyar got ewê turikên rêwiyên źi Ewrupe’yê li wê hêla din werin der.

Turika min ya bi ćîkoleteyan dagirtî paśê hat. Min hilgirt u berê xwa daa der. Ez ê bi texsiyekê bićuma mala bavê xwa.

Pîkabek li ciyê texsiyan di dorê da bu, ez lê sîwar bum u em ketin rê.

Śofêr pirr bi merax xuya dikir. Yekî ciwan bu. Got, «Ez źi Kelkît’ê me.».

Gelek pirs źi min kirin. Min źî bi du-sê peyvan bersîva wî dida.

Di nav deh deqqan da em gêśtin bloka ku bavê min tê da dima.

Hewa germ bu.

Heqqê rê 23 lîre girt.

Min 25 lîre dayê u xatir źê xwast. Kerta xwa daa min, «Heger pêwistiya we bi texsiyekê hee’’be, hun hertim dikarin têlefonî min bikin.», got.

Min spas kir u berê xwa daa deriyê blokê.

Bavê min ewê li benda min bibuya.

Ciwan Haco: "Hey Dilberê"

Rêwîtiya Duyem Ya Berbi Kurdistan’ê Va -1-

Îcar ez dixwazim di ćend gotaran da li ser rêwîtiya xwa ya berbi Kurdistan’ê va bisekinim.

Źixwa her rêwîtî bi xwa dibe serpêhatiyeke din, dibe maziyeke din ya heebu-nebu, dibe ćîrokeke weylooo u terre.

Tiśt nabe, bila ćîrok bi ćîroktiya bimînin.

Bê ziyan e.

25ê hezîranê ez di seet ćar u nîvê sibehê da heśyar bum.

Di balafira berbi Stembol'ê da.

Min bi keft u left karubarê xwa yê mayî hal kir u bi her du turikên xwa derketim der.

Seet śeś bu.

Gava ez gêśtim rawestgeha tremweyê, min dît ku tremwey źi berî du deqqen ćuye.

Li benda tremweya din mam.

Balafira min ewê di seet 07:40ê da rabibuya.

Wext zêde nemayî bu.

Ez di seet 06:35an da gêśtim balafirgehê.

Śensa min hee’ buye ku ez zêde l’ gîśeya bîlêtgirtinê negerriyam.

Min bîlêt girt, turika xwa ya ćîkoleteyan daa hundir, turika din bi xwa xwa ra girt u bi lez berbi deriyê derbazbuna hundir va meśiyam.

Ew źî hal bu.

Paśê heta l’ qata źêrîn daketim. Li trêna ku wir li benda rêwiyan bu, siwar bum u trên berbi salonên payînê yên balafiran derkete rê.

Ez di wextê xwa da gêśtim salona payînê.

Paśê derî vekirin u em yek bi yek derbazî hundir bun.

Źi piśtî ku em li śunên xwa bi cî bun, gotin ewê balafir qasî bîst deqqan dereng rabibe; źiber ku ćend kes dereng mane!

Di dawiyê da em qasî ćil u pênc deqqan dereng rabun.

Hewayeke germ li derudorê hee’ bu. Tabî ev źî śensa min ya rebenok bu di vê roźa «de ya bi xêr» da.

Firat Guneś: "Cemo" (bi kurdiya zazakî)

Zarokên Ćil Salî Yên Porspî

Îsal źî rêwîtiya min ya berbi Kurdistan’ê va bi dawî bu.

Źi 25ê hezîranê heta 7ê temmuzê.

Bi saxî ćum, u bi saxî źî vegerriyam.

Li ber dibistana gundê me (4.7.2015)

Di vegerra xwa da min perćeyek źi roźên buhurî bi xwa ra girt u haniya.

Śopên kur li paś mane.

Tiśt hee’ bun ku źi binî va kor bu’bun.

Yên mayî źî bi qîrr u hawar bun.

Min însan dîtin, nîvmirî bun.

Min kêzik u mêś dîtin, źi kezeba reś mîlîtanên ćavsor bun.

Min av dîtin, rehma dilopên xwadê b’ ser herdê da vala dikirin.

Min gur dîtin, bi śermokî u xurur berbi ćiyayên xwa dimeśiyan.

Min hirć dîtin, bi xemgînî l’ ćavên meriv dinêriyan.

Min kevirên źi dîwarên kuśtî dîtin, bi hurmet u merhemet bun.

U min roźên ćil salî yên bi rik u kîn dîtin, bi zarokên ćil salî yên porspî.

Ciwan Haco: "Ax U Eman"

Ez Ê Bi Axa Xwa Ćavên Xwa Biśom

Rê li ber min drêź bune.

Źi dur va tenê ewrên di halê xwa da xuya dibin.

Ez l’ wan, ew źî l’ min dinêrin.

Em hêsaba hevdu dikin bi mêranî.

Lê niyeta min xerab e.

Xwadê bila bi rehma xwa ’be vê carê.

Ez li benda wan im.

Ew źî li benda min in.

Bi xwaśî yan źî xerabî, em ê di ber hevdu ra derbaz bibin.

Ez ê bi baskên balafira xwadê mekan u dîmenên xewnên xwa biguherînim roźa pêncśemê.

Źi niśkê va.

Źi kezeba serhiśk.
Bi canekî perperitî.

Ez ê roźa pêncśemê xwa li ser erda xwa drêź bikim, bêhnćikiyayî, bi axa xwa ćavên xwa biśom.

Axxx, ez ê wê dabikim b’ ser xwa da bi merhemet u bereket.

Ez ê dabikim zerre bi zerre.

Ciwan Haco: "Diyalog"

"Miźên Śêlo"

Miźên Śêlo

Bi miźên śêlo źî ’be
Ez ê derdên sêwî yên vî dilî l’ vê herdê birêsim
Bê tevn

20.6.2015, 00:02, Zürich


Kezebino, versiyona XWANDÎ di "dropbox"ê da ye.

«Bextê Spî»

Bextê Spî

Ne gulên puśulreś b’ min divêt in

Ne źî dengên bextreś.

14.6.2015, 16:23, Zürich

Nîv-Maratona Li Zürich’ê

Hewa vê gavê li vir feleket xwaś e.

Lê mixabin źiber birîndariyên ku min li ba sportê kirin, heta aniha źî min nekariya ligorî dilê xwa tamê źê bigirim.

Hêviya min ev e ku hîro roźa dawiyê ’be u ez sibeh źê dest bi tamkirinê bikim.

Doh nîv-marathona bi navê «Forchlauf»ê hee’bu. Min di nivîsa xwa ya doh da źê behs kirî bu.

Ez heta ciyê nîv-maratonê bi peya u bez ćum. Carina beziyam, carina meśiyam, źibo ku bedena xwa germ bikim, bê ku xwa zêde biwestînim tabî.

Di seet 18:35an da li wir bum.

Min ću nimroya xwa ya pêśbirkê girt. Paśê pićekî entremana xwa kir u ćum ketim nav koma bezê. Di seet 19:00ê da ewê dest pê bikira.

Hêśa piśta min hema hema min qet hîss nedikir.

Lê baluga ku di pêćiyê pićuk yê lingê rast da derketî bu, pirr kêm xwa dida hîss kirin, tevî ku min bi bandaźekê baś pêćayî bu źî.

Wext hat u me dest bi beza xwa kir.

Digel kîlomêtroya pêncan hêśa pêćiyê bi balug zêdetir bu.

Źibo ku zêde nebe, îcar min mecburî śiklê beza xwa pićekî guhart. Tabî ev yek źî bu sebeb ku di ciyên din da pirsgirêkên din derbikevin.

Ez her bi tempoya xwa ćum, min zêde gaz nedayê, yanî heta ber sînora xwa nećum. Tirsa min ew bu ku ev baluga di pêćiyê pićuk da xerabtir bibe u ez dest źi bezê berbidim.

Źiber ku hewa germ bu, min tîśorta xwa źî di rê da derxist.

Gava em hatin u gêśtin kîlomêtroya 16an, min pićekî din gaz dayê. Em wekî kom pênc kes bi hav ra dibeziyan. Di rê da carina ew zi  min derbaz dibun, carina źî ez źi wan derbaz dibum.

Lê gava rê pićekî hilu/rast bu, wan nekariya bi tempoya min werin u ez pićekî źi wan dur ketim.

Dema ez gêśtim noxteya dawiyê seet 20:28:24 bu, yanî min 21km di nav 1:28 deqqe u 24 seniyeyan da bi dawî kirî bu.

Sala derbazbuyî 1:26 deqqe u 56 seniye bun.

Min îsal tam 90 seniye xerabtir kiriye.

Lê sala derbazbuyî bu’bum yê 16an, îsal bum yê 14an. Pićekî wekî îronî xuya dike, lê em ćikin, tiśt nabe, bila carina îroniyên weha germik u nermik źî hee’’bin.

Êêê, seqetiyên van deh roźên dawiyê rê nedan ku ez dema xwa ya par baśtir bikim.

Ciwanê ku di nav koma min da bu paśê hate ba min, «Mixabin min nekariya di dawiyê da bi te ra werim.».

«Tiśt nabe, źixwa ew źî tenê ćend seniye ne, sala tê dikarî heyfa xwa bigirî.»

Kenniya. «Ma tu trîatlet î? Tu ćawan entremana xwa dikî? Tu bi xwarinê ćawan dikî? Bedena te gelekî sportîv xuya dike, ...»

«Hema entremana xwa bike u bes e, yabo qurbano, tiśtê din bedena te xwa bi xwa dike. Serê xwa bi wan zirt u virtên vala yên di nav rêkleman da ne’êśîne ...»

Min li qada dawiyê sê heb xaltîkên din yên ku li klînîkê kar dikin źî dîtin. Her sêyan źî mesefeya 15 kîlomêtroyî kiriye.

Em pićekî bi hevdu ra peyîviyan, paśê ew ćun serśokê u ez źî dubare berbi malê va beziyam. Nîv seet źî heta malê kiśand.

Di rê da birćîtiyeke feleket l’ min girt.

Ez bi lez ketim mitfaxê ...

Ê de tiśtê din źî hun texmîn bikin ...

Ew baluga bêbav bi têra xwa mezin buye, tê da xwîn źî kom buye.

Ez ê heta du roźan bipêm u paśê di ciyekî da bibirrim u hew, ihi.

Ciwan Haco: "Gula Sor"

CIA Buye Heyranê Zmanê Kurdî

Heta seetekê, yanî tam di seet 18an da divêt ez źi malê derbikevim u herrim pêśbirka bezê ya nîv-marathonê (21 kîlomêtro).

Li Fluntern’a Zürich’ê ye u źi hêla zanîngeha Zürich’ê va tê orxenîze kirin.

Seet di 19an da dest pê dike.

Sala derbazbuyî źî tev lê bu’bum.

Lê mixabin îsal di van deh roźên dawiyê da hêśandina piśta min ya du carî, îmkan neda ku ez bi rêk u pêk entremana xwa bikim.

Pêr digel beza li ser makîneya banda bezê di pêćiya pićuk ya lingê rast da balugeke bê bav źî derket. Ez ê aniha bi saxlemî bipêćim.

Tirsa min ew e ku ev balug serê min digel bezê b’êśîne u ez mecburî bezê li ciyekî bidim sekinîn.

*

Tê gotin ku CIAyê zmanê kurdî li ser malpera xwa zêde kiriye.
Wey ez heyrana CIAyê ’bim!
Min ćavên CIAyê xwarine, herê welleh u billeh!
Xwazî bi van roźan ku me ev keremeta xwadê źî dît, him źî belaś ha.

Hêdî źi hîro u pê va bila her biźî CIA!
Bavo, em bi dil u can bi we ra ne, ihi!

De hele hun li vê yekê mêze bikin, birêz CIAyê girîngiya zmanê kurdî fam kiriye u konkret gaveke dîrokî havitiye.
Lê mixabin «kurdên» me yên kundir kurê kundiran hîn źî kunektiyê di ber zmanê tirk, ereb u farsên qewad u namerd ra dikin.

Bi kerema xwa, bi serê kê dikin bikin, ka hele carekê li neynika xwa mêze bikin u źi xwa bipirsin, ma hun źî kundir in yan na.

Heger ligorî gotina neynikê ya piśo-piśo hun kundir ’bin, hingê divêt hun źi bîr nekin u źê bipirsin, ka źi sedî ćend hun kundir in.

We got «okey»? 

De ya bi xêr, bavê mino, ya bi xêr!

Ciwan Haco: "Dil Ketime"

Bîranîneke Din Av Bi Av Ću

Hewa hîro bi têra xwa xwaś bu.

Di vê hefteya pêś me da źî baś xuya dike.

Ev hefteyek bu ku min bi dor pêśta hêla piśta xwa ya rast u paśê źî ya ćep hêśand.

Źi berî heftekê źi piśtî sportê min digel vekiśandina bazuyan hêla rast ya piśta xwa zêde vekiśand.

Tam xwaś bu’bu ku min îcar hêla ćep xerab kir.

Bi xwadê ewqas źî kundirtî nabe.

Ći dibe bila bibe, va ye hêla ćep źî hema hema xwaś bu.

Źiber vê kundirtiya min e ku min entremana xwa ya vê hefteya dawiyê nekariya ligorî dilê xwa bikim.

Ê tabî vê ćarśema li pêś me źî nîv-marathon hee ye.

Hîro min entremana xwa ya rêk u pêk haniya śunê.

Helbet dubare bi bav u kekê xwa ra peyîviyam.

Bavê min pirr kêfxwaś e źiber ziyereta min ya berbi Kurdistan’ê va. Tevî ku hatina kekê min bi temamî bellî nîn e źî, ez dibêźim ewê bi dibêtiyeke mezin źi Edremît’ê were Erzingan’ê.

Bavê min hîro di têlefonê da got, xwarziyê min ew mala wan ya ku em bi salan di nav da mayî bun, u źibo min bu’bu bîranîneke bê dergeh, daye hilweśandin.

Tevî ku min sala buhurî źê ra gotî bu bila destê xwa lê medê źî, mêro daye talan kirin.

Sala buhurî gava ez ću’bum wê derê, klîta dêrî nedayî bun min ku ez bikevim nav malê. Gotin me źi bîr kiriye. Tabî qet nehatî bu aqilê min źî. Min qet aqil nekir ku źi bavê xwa bipirsim.

Min hemî hesreta di dilê xwa da źibo serlêdana xwa ya îsal haś kirî bu.

Lê felek e, ne tenê xayîn e, rasterast qewad e.

Îcar ev bîranîna źî di gewriya min da asê maa u ću.

Dereng mam.

Bila mala derengmayînê tarumar bibe!

Tiśtê ku di wextê xwa da ćênebuye, źixwa ne kêmî derbederiya qehpikeke sedsalî ye.

Ciwan Haco: "Bilura Min"

Helbest: Mîr Celadet Bedirxan