Melodiyên Hezar Salî

Xwadê li źor e, nebe źî ne xema min e, ez źi muzîka klesîk ya kurdî pirr hez dikim.

Bêguman di nav wan melodiyên stranan da keda bi sedan u hezaran kesan hee ye, keda bi sedan u hezaran salan tê da hee ye. Ev formên hîro yên ku min u me sermest dikin, berhema karekî hunerî ya dur u drêź e.

Melodî źî di nav sedan salan ra xwa diguherînin, roź bi roź, sal bi sal kêmasiyên têda heeyî radikin, bi hêdîka digêźin formeke muhteśem ya dema xwa.

Di nav van stran, melodî u peyvan da ruhê însanên bi hezaran salan xwa didin der gava meriv wan guhdarî dike, digel bextewariyeke ebediyen.

Ez źi van melodiyan bê sînor hez dikim, herê, hez dikim.

Xwaśiya ku di dilê min da ćêdibe, nikarim tarîf bikim, źiber ku źi dilê min mezintir in ...

Xelef’ko, Xelef’kê min, berxikê ber dilê xalê xwa, baweriya xwa gelekî bi kurdiya xalê xwa tîne. Di e-maila xwa ya doh da kêfa xwa ya li ser miźuliya min ya bi wêźeya/edebiyeta kurdî ra aniye zmên.

Heger bi ya Xelef’kê min ’be ewê edebiyeta źi van tiliyên xalê wî roźekê bibe destpêka „avangard“a edebiyeta kurdî ...

Hêvîdar im ku ev tiliyên di vî bedenî da Xelef’kê min roźekê xeyelśkestî nekin ...

Yek źi wan klaman klama gelêrî "Tu Kulîlk Î" ye.
Berxikino, xwadê carekê daye kurdan, u li pîvan u sînora dayînê źî qet nefikiriye ...
Ez dibêźim herhal źi bîr kiriye ...

Źixwa xwadê bê xem e ...

Navćeyeke Pićuk U Źiyaneke Bi Ba U Bahoz: Refahiye

Ez di zaroktiya xwa da li navćeya ku gundê me pê giradayî bu, li Refahiye'yê qasî 15 mehan mayî bum. Ez hingê 6 salî hee' 'bum tune bum. Kekê min Vêso źî li dor 11 salên xwa bu.

Bavê min salek berê ketî bu hepsê. Hîn di hepsa li Refahiye'yê da bu. Paśê birî bun Erzingan'ê u pêra źî berbi Sêvas'ê.

Diya min źi piśtî ku bavê min ketî bu hepsê, ćend mehan paśê, yanî wê payîzê gava dar li ser piśta xwa taniya malê, di nav daristanê da źi girekê ketî bu nahalekê/newalekê. Wê śevê berbi sibehê li ser hêla xwa ya ćepê cemidî hatî bu dîtin ...

Paśê hêla ćep ya diya min felc bu. Salek paśê îcar li Refahiye'yê źi ser dîwara li ba mala me ketî bu, li ber ćavên min ...

Paśê li ba karê terzîtiyê yêkî ruyê kekê min Vêso bi îspîrtoyê śewitandî bu ... Kekê min Smaîl mecburen ewê bićuya leśkeriyê, źiber vê yekê malbat careke din heta hucreya xwa ya dawiyê tarumar buyî bu. Qeyda min li Kemah'ê li ba dibistana herêmî hatîbu kirin, ez ćum Kemah'ê. Tam ćar salan li wir mam, lê ćar salên bi agir u śewat, ćar salên bi zilmeke bê pîvan u bê sînor ...

Kekê min Smaîl di bîst saliya xwa da, ku hîn nu li daîreya zîreetê ya dewletê wekî muhendîs dest bi kar kirî bu, mecbur mayî bu ku hemî barê me yê malbatê bigire ser xwa. Kekê min ciwanekî gelekî bedew bu, loma hemî qîzên li Refahiye'yê li duv wî bun, heta mala me dihatin, kar u barê mala me carina dikirin ...

Erd u ezman dizane, kekê min Smaîl însanekî di ser xwadê ra ye. Źibo însantiyê ći hee ye, di wî da kom buye. Ez bawer nakim ku ez careke din kesekî wekî wî di źiyana xwa da bibînim.

Di nav wê feqirtî u belengaziyê da wî hertim alîkariya kal u pîrên bê kes yên li gundê me dikir ...

Xaltîka me Gul'ê hee' bu, ći derdê wê hee' bu, xeber źi kekê min Smaîl ra diśand źibo ku ew karê wê hal bike, yan źî tiśtan źi pazarê bikirre u biśîne. Heta ku apê Hesen u xaltîka me Gul'ê mirin źî, kekê min bi her derdê wan ra miźul buyî bu ...

Zarokên xaltîka me Gul'ê tune bun ... Ćîrok drêź e ...

Dengê "r" nedikariya bi lêv bike, loma źî li śuna dengê "r" hertim dengê "l" bi kar taniya.

Gotina wê ya "HeL tiśt di wextê xwa da ćiqas Lindik e", hîn źî di bîra min da terre u tê.
Herhal wê źî bi vê gotina xwa di bîra min da śopek li paś xwa hiśt, herhal ...

Riya ku dikeve Refahiye'yê, berî ku meriv biće Erzingan'ê.

Riya di nav Refahiye'yê da. Em li paś vî ciyê ku min resim kiśand,
rudiniśtin di navbera sala 1975 - 1976an da. Lê ew xanî hêdî nemane.

Bazara Refahiye'yê ya roźên pêncśeman. Berê pirr însan dihatin.

Li vir zarokên tirkên bê bav pirr rê li ber min girtî bun,

kom bi kom dihatin. Lê derbeyên min źi wan ra buyî bun kabus.

Salekî pirr bi êś bu, pirr.

Ez Ê Bićuma

Merkeza gundê me. Ez li ser xerabeyên mala me disekinyam
gava min ev resim kiśand.

Vê carê ez perćeyeke destpêka ćîroka xwa ya ku dinivîsînim, bi we ra parve dikim.

Helbet di sêrî da min digot ez ê bi stîleke normel ya romanekê binivîsînim.

Źixwa esas li ser vê hatiye u tê ava kirin źî.

Lê paśê min destpêk guhart, yanî ez ê bi poeziyeke bê bav dest pêbikim.

Kir źî.

Aha ew perćeya destpêkê li źêr e.

Min źi berî heftekê ew bi dengê xwa qeyîd źî kir, wê źî bi we ra parve dikim.

*

EZ Ê BIĆUMA

Ez ê bićuma.

Ez ê źi piśtî bîst u heft salan bićuma.

Min ê wekî kućikekî harrbuyî li ber wan deriyên śkestî qiyamet rabikira
Min ê heyfa kućiktiya xwa ya tolaz
Min ê heyfa kućiktiya xwa ya pêr u pêrîśan
Di ser kefena taxên wî gundî da bireśanda.

Dibêźin, hêdî li śuna wê malê kevir śîn bune.
Dibêźin, ew kulîlkên śermok bi tevî bayê bakur ref bi ref reviyane.
Herê, ez ê bićuma.
Kevir źî śîn buyî ’bin, ew kulîlk źî ref bi ref revî ’bin, dizanim, ez ê bićuma.

Ez tam bîst u heft salan li benda vê roźê mayî bum.
Ez tam bîst u heft salan li benda vê kêliya bê dîmen mayî bum.

Lêêê ...

Dibêźin, ew avên di nav wan kanî u nahalan da fetisîne.
Dibêźin, ew kevirên di nav wan kanî u nahalan da źi tîbunê qeliśîne
Dibêźin, hêdî ew giya u dar di nav erdê ra ćune.
Herê, ez ê bićuma.
Ew av źî fitisî ’bin, ew kevir źî qeliśî ’bin, ew giya u dar źî di nav erdê ra ćuyî ’bin, ez ê bićuma.

U dizanim, ez ê wekî kućikekî serserî li pey wan śopên westiyayî źi hev biketima.

                                                          

Beghyani Śadî Śarîn

                                                                       Îlon 2014

Govendistan :)

Her cara ku ez govendeke me kurdan dibînim, ez di ber rindî u bedewiya wan ra ewqas bextewar dibim ku, nayê gotin.

Hey xwadêyooo, ev ći rindî u zengînî ye ku te daye van kurdên serkundir, hi?

Ev ći estetîk e, waweylê waweylêêê smile emot

Bavê mino, xwadê carekê "ćandeke efsunî" daye kurdan, lê haya kurdan źi gewhera di mala wan da tun e, herê welleh u billeh.

Kî ći dibêźe bila bibêźe, źi kurdê otentîk baśtir kes nikare bibe kurdekî resen u hunermendekî unîversel, ihi :)

Fermo:

GOVENDISTAN

Kemah

Dawiya dawîn em gêśtin Kemah’ê.
Hewayeke pirr germ hee’ ’bu.
Tevî ku dibistana herêmî li śuna xwa bu źî, derudorê pićekî cuda xuya dikir.
Ew loźmanên mamosteyên qewad u avahiya raketinê ya xwandekaran ne li śunên xwa bun.
Li śunên wan dibistanên din vekirine.
Di dema min da tenê dibistana seretayî u navîn hee’ ’bu.
Lê vê gavê kirine koleź u beśên taybet yên zanîngehê.
Aśxane źî hîn li ciyê xwa bu.

Em pêśta ćun wan her du sinifên ku ez ćar salan di nav wan da mayî bum.

Paśê qasî seetekê li der, di bin daran da runiśtin. Berê ew dar, bank u mase li wê derê tune bun.

Ya rast, min qet dil nedikir ku rabibim ser xwa u wê derê terk bikim.

Ez baś dizanim ku ez ê dîsan vebigerrim wê derê ...

Ez baś dizanim ku ez ê dîsan vebigerrim wê derê u ez ê dîsan li xwa bigerrim ...

Dibistana di dema min da (1976-1980)

Nîgên me :)

Îdare bikin ha :)

Kemah u tirkên bê bav.

Ev ćiyayên li hember Dibistanê.

Ava ćema Firat'ê li ber dibistana me derbaz dibu/dibe.

Lê hîro hema hema av di ćema Firat'ê da nemaye.

Parka Ćayê Ya Li Ser Riya Kemah'ê

Em di 3ê îlona 2014an da źi Erzingan'ê derketin rê u me berê xwa daa Kemah'ê.

Em ê bićuna Dibistana Herêmî (înternat) ya Kemah'ê ya ku di sala 1976an heta 1980an da bu'bu cehenema di zaroktiya min da.

Di rê da kek u źinbrayê min gotin li vir nêzzîkî Kemah'ê parka ćayê hee ye, aîdî malbatake elewî ye.

Em ćun u daketin źêr. Li źêr źinikekê got, "Em vê gavê girtî ne."

Me got em ê tenê carekê di nav ra derbaz 'bin u ewqas.

Paśê em ćun cem źinikê źî. Got, "Mixabin avên kaniyan îsal pirr zu zuwa bun, loma me derî girt."

Di nav axaftina me da (ez bi herkesî ra kurdî axiviyam) min bi kurdî got, "Ma hun kurmanc in?"

"Wîîî, helbet em elewî ne. Em li malê tenê kurmancî deng dikin. Ê zmanê me ye haaa.", bi kurmancî bersîva min da :)

Wekî berê bu.

Berê źî źibo me hemî kurmanc elewî bun, hemî elewî zî kurmanc.

Kêfa min pê hat :)

Paśê em dîsan derketin źor u me berê xwa daa Kemah'ê.

Peyva Hemî Derdan: "Heval"!

Źi berî bi salan bu, min digot ez bêźenasiya/etîmoloźiya peyva kurdî "heval" lêbikolim u binivîsînim.

Paśê ez hêrs ketim u min dest źê berda.

Ê de ez ćawan hêrs nekevim bavê mino, hi?

Mîna gelek tiśtên me yên din, ev zmanê me yê ku qasî ćend graman tê źî di destê "śoreśger u siyasetmedar"ên kundir da bu śorbe u ću.

Qaśo bune xwadî felsefeyeke temam.

Mêr źi źin, keć, law, dê u bavê xwa ra dibêźe "heval".

Źin źi mêr, keć, law, dê u bavê xwa ra dibêźe "heval".

Law źi dê u bav, dapîr u bapîr, xal u ap, xaltî u meta xwa ra dibêźe "heval".

Neviyên du-sê salî rabune źi dê u bav, dapîr u bapîrên xwa ra dibêźin "heval".

De îcar qeśmeriyên din źî hun bi xatira xwadê u dê u bav u "hevalên" xwa lê zêde bikin.

Herê, xususiyeteke ehmeqan ya esasî ye, di bin tiśtên beredayî da kompleksên xwa îdeelîze dikin u pê wextê xwa derbaz dikin.

Tabî canikên me peyva xwa źî bi mentixa zmanê tirkên qewad bi kar tînin, loma dibêźin "heval!", nabêźin "Heval-o! Heval-ê! Heval-ino!".

Źibo ku peyva "heval" źî li ser "mehneya" xwa ya berî ćend hezar salan nekin "îdeelîzmeke nu" u me bi saxî nekin nav gorê, min dest źê berda u xelas, ihi.

Resimên Źi Gundê Me Yê Tenha

Ziyereta min ya li gundê me ya źi berî ćar mehan. Źi piśtî ku ew resim źi min ra hatin śandin, ez pêhesiyam ku min qet resimên bi têra xwa bedew nekiśandine, mixabin.

Wext pirr kêm bu, pirr. Her tiśt ewqas bi lez ćêbu ku, min nekariya bala baśtir bidim dîmenên bedewtir yên gundê me.

Źixwa makîneya resiman u kamereya min li mala kekê min mayî bun, taa li Edremet'ê. Min ev resim źî bi makîneya kekê xwa ya ku min źi wî ra wekî diyarî birî bu, kiśandin.

Li pêśiyê, yanî li paś vê mala bi ćatu xerabeyên mala me tên dîtin

Paś mala me. Ez di nav gîriyeke źi kezebê u bi êś berbi źor va meśiyam, źibo ku kekê min Smaîl min di wî halî da nebîne. Lê ew her li du min hat. Loma źî riya me drêź bu u em heta cem gola gundê me ya li źor, heta ArîGaz'ê ćun.

Navenda gundê me.

Mala apê Śamo u Qero. Li vir millet pirr dihate ba hevdu.

Pêś mala apê Smaîl, yanî xaltîka min Kîraz'ê. Em li vir pirr dilîstin. Ciyekî freh bu. Gundî źî li vir pirr kom dibun.

TRT6 Bi Dengê Dengbêźan Bu TRT KURDÎ

Hîro min got ez carekê bikevim TRT 6ê.

Min got ez bi kurdî stranekê guhdar bikim.

Îcar min mêze kir ku  navê TRT 6ê guhartine u kirine TRT KURDÎ.

Hella hellaaa, hella hellaaa ...

Bernameyeke taybet ya dengbêźan hee' bu. Hetta hetta źi kurdên Xoresan'ê źî dengbêź hatî bun (źi eśîreta me kurdên Śadiyan źî gelek malbat źi berî 5 sed salan hatine surgun kirin).

Tevî ku bername profesiyonel nehatî bu amade kirin źî, kêfa min gelekî bi dengbêźan hat, yekî źi yê din baśtir distra, herê welleh.
Tabî źina elmen ya ku bu'bu dengbêź źî pirr balkêś bu. Bi kurdiyeke pirr bedew dipeyîviya.

Min qasî nîv seetî lê temaśe kir.

Lê helbet di nav dengbêźan da di ser qralê dengbêźan rehmetî Śakiro ra kes tun e.

Śakiro: "Emro" [= "Îro"]

Bi Rênas Mîran

Darên Biyan U Bihiśta Min

Li gundê me gelek darên biyan hee ne.

Ez dibêźim li gelek deverên Kurdistan'ê darên biyan mewcud in, her weha ćam, spîndar u mazî źî pirr in.

Tabî ez sebeba vê yekê nizanim.

Erdê li herêma me pićekî sor e. Helbet erdeke pirr xwaś e. Ez źê pirr hez dikim.

Lê li ba min ciyê darên biyan pirr cihê ye.

Hezkirina min ya darên biyan bê sînor e. Ez śexsê xwa u darên biyan nikanim źi hevdu cihê bikim. Bi baweriya min ćîrok pirr drêź e.

Di zaroktiya min da min digot li her derê ku dareke biyê hee ye, ew der bihiśt e.

Loma źî her cara ku min li ciyekî dareke biyê didît, min dest bi ćêkirina hopikekê dikir, źibo ku bila bihiśta min bêtir mukemmel bibuya.

Bêguman, ku roźekê ew roź hat, divêt li ser u dor gora min darên biyan werin ćandin.

Ewê ev yek bibe daxwaziya min ya ebediyen.

Ev peyva me ya kurdî "bî" di nav hemî zmanên hîndî-ewrupî da eynî ye. Qasî ku xuya dibe źi berî 5-6 hezar salan źî li gundên kal u bavên me ev dara "bî"yê hee' 'buye.

Riya ketina gundê me.

Kaniya li ber mala xaltîka Sirmê,
du sed mêtro li źorê mala me ye.

Ziyereta Gundê Me

Ziyereta źi berî ćar mehan ya li gundê me ez bi xwa ra girtim u bir.

Hîn źî pêsira min pêgirtiye u bernade. Bi hêztir gewriya min diguviśîne.

Mîna ku źi min ra bibêźe: "Bê bextooo, tevî ku sebeba heebuna te ez bi xwa bum źî, te 27 salan tenê carekê źî li xwa neda ku nêzzîkî min bibî!"

Mêrga gundê me ya ku li źor źi ber mala me
dest pêdike u heta źêr, heta bostanan terre.

Li źor, li hêla cep ya mêrga gundê me
(5.9.2014, seet li dor nîvroyê)

Bê Govend Źiyan Nameśe

Xwadê kultureke ewqas kevin u zengîn daye kurdan ku, meriv li ba milletekî din hew dikare vê zengîniyê bibîne.

Lê mixabin kurd di nav guhê gê da ramediyayî źi xwa ćune.

Tirk, ereb u farsên qewad li hêlekê ha ha kultura kurdan ya dîrokî tarumar dikin u li hêlekê źî ha ha kurdbunê di bin heywantiyê ra dibînin.

Ê be hey kurên kerê, heger kurd wekî millet źi heywanan źî xerabtir in, hingê ćima hun kultura wan didizzin u mohra heywantiyê li xwa dixin, hi?

Êêê, ez dibêźim di vê yekê da fîtnetiyeke din hee ye welleh.

We got herê?

Bê nezer, qasî ku diyar dibe di xwîna xaltîka me da kurdîtiya bi śorba nîskê u dew hee ye, herê welleh u bille :)

Kurdên Darik

Ez dibêźim dilê me kurdan ewqas nermik u nazik e ku, nayê gotin. Hema li ku derê cîhanê pelikek zirarê dibîne, xwîna di mêźiyê me kurdan da dikele.

Carina ewqas zêde dikele ku, hêdî di me da kurdan da av namîne, em wekî darikê di nav hewśê da hiśk dibin u terrin :)

Peyvek U Deh Sal

[ "bêźenasî" = "etîmoloźî" ]

Ez dibêźim berî deh salan bu herhal gava ez li ser peyva "etîmoloźî" ketî bum nav kefteleftekê.

Hingê min ê bi zmanê kurdî dest bi rêzelêkolînên xwa yên li ser etîmoloźiya zmanê kurdî bikira, di bin navê "Etîmoloźiya Zmanê Kurdî Ya Giśtî" da.

Lê min qet dil nedikir ku peyva "etîmoloźî" bi kar b'înim.

Loma źî ez qasî du salan li ser gelek variyentên vê peyvê yên bi kurdî sekiniya bum.
Di dawiya dawîn da źiber gelek sebebên zmannasiyî yên dîrokî min birryara xwa daa u dest bikaranîna forma "bêźenasî" kir.

Min wê roźê carekê ev peyv di înternêtê da daa Google'ê u mêze kir ku peyva me di nav gelek ferhengan da cî buye, di gelek nivîsan da hatiye bi kar anîn u hwd.

Ez ći bibêźim, deh sal u peyvek ...
Ne derd e, dixwaze bila di sed salî da peyvek 'be, tew bila bi zmanê bav u kalan 'be, bila bi kurdiya birîndar da 'be, tiśtên din teferruwat in.

Xelasiya Zmanê Kurdî Di Ći Da Ye, Hi?

Herhal îcar mesele safî bu. Bawer nakim ku meriv bi van kurdên serkundir tiśtekî źibo zmanê kurdî yê ćavbelek bike.

Xelasî u azadiya zmanê kurdî di dagirkirina Mars'ê da ye u xelas, ihi.
Biźî dagirkirina Mars'ê!

Dewê Tirś Li Ser Hîvê

Kurdino, źixwa li ser vê erda me ya ćavbelqîtî zmanê kurdî źi we ti xêr nedît, de îcar ka em mêze bikin ewê li ser hîvê źi we ći bibe.

Ya rast hêviya min źi kurdan tun e, lê dibe ku Dewê Tirś li ser hîvê lotikekê li kurdan bixe, herê welleh, ihi.

Di Nav Sê Roźan Da Xelkê Gundê Me Dîsan Hînî Kurdî Bu

Di navbera 4 u 7ê îlona 2014an da źibo 3 roźan ćuyî bum gundê me, źi piśtî sî salan.
Ez bi herkesî ra tenê bi kurdî axaftim.
Tabî ne xema min bu kê źi min fam dikir yan źî nedikir.

Hîn digel silavdayînê dîtin ku ez kurmancî dipeyîvim u śaś bun u man.
Di destpêkê da (yanî wê roźê) kurdî u tirkî tev li hev kirin, carina li kurdiya min dikenniyan, carina kêfa xwa pê taniyan.

Roźa din wê sibehê dîsan hatin mala bavê min, dîsan kurdî u tirkî tev li hev kirin. Lê berbi hêvarê min dît ku hêdî tirkî tev lê nakin u tenê bi kurmancî dipeyîvin.
Dihatin u dićun.

Gundiyên me, digel bavê min yê 95 salî

Wê hêvarê îcar dest bi henekan kirin, gotin, "Yaw tu hatî herkesî dest bi kurmancî kir, yan na, hêdî kes bi kurmancî deng nake welleh. Nelo hele bibêźe, yanî te heta aniha źî kurmancî źi bîr nekiriye? Aniha tu qet bi tirkî nizanî? Welleh heger tu ćend heftan li vir bimînî em ê bi hev ra tirkî źi bîr bikin."
Paśê rabun dest bi rexneyan kirin, gotin, "Ê rast e, zmanê me kurmancî ye, ćima em bi kurmancî deng nakin?"
Hindekan digotin, "Welleh em źî nizanin ku ćima em bi zmanê tirkan deng dikin."

Roźa sisiyan min mêze kir ku hêdî herkes di navbera hev da bi kurmancî dipeyîve.
Hindekan ez hembêz dikirim u digotin, "Law kurdo, min ćavên te xwarine, her hee''bî, tu rast dikî."
Gundiyên me di nav sê roźan da pê hesiya bun ku zmanê wan kurdî ye u ew źî kurd in. Sê roź haaa!

Lê hezar u yek mixabin roźa ćaran, wê sibehê zu em derketin ser riya xwa.
Min got bila dev źi zmanê tirkan ber'din, bila zmanê xwa bi destê xwa nekuźin.
Gotin, "Temam, em ê dest źê bernedin."

Dixwazim vê bibêźim, heger li gundekî tenê kesek xwadî îrade 'be, xwadî cîddiyet 'be, tenê peyveke zmanê tirkên qewad źî nikare bikeve nav gundên kurdan.

Lê mixabin ne ew cîddiyet hee ye, ne ew siyaset hee ye, ne ew zanîn hee ye.
Xelkê feqîr u belengaz di destê siyasetmedarên tirkćî, tirk-î-perest u keroxlî ker da pêrîśan buye u ćuye.
Not:
Mixabin ew resimên ku hatî bun kiśandin, źi berî heftekê hatin u ketin nav destê min.

Xwazî Bi Wan Pîsikên Kurtćî

Bi serê xwadê 'kin, heger kurdan guh bidaya pîsing u miśkên kurtćî ewê aniha di vê pêrîśaniyê da nebuna, herê welleh u billeh.

Peyv Kuśtin

Herê, rast e, meriv dikare peyvikan źî bikuźe, him źî ći kuśtin.

Di nav wan peyvikan da ewê dîrokeke bi hezaran salan, hal u ruhê bi mîlyonan însanan źî pê ra herre, av bi av ...

Bedirxan (Yado û Sediyê Telhê, Memduh Selîm, Celadet u Kamuran Bedirxan)

Huner U Kurd

Tew bila bi kurdî 'be, bila ćiton dibe bibe, ne xema min u bavê min e, ihi :)

Huner huner e bavê mino, ha "keća kerê" ha "kurê kerê", eynî śorbe ye bi xwadê :)

Cil = Dîn

Herhal ne tenê rasthatinek e ku meriv hilo di ber ra derbaz 'be u herre.

Guman tun e, cilên van pîncan yên reś ruhê van pîncan bi têra xwa baś dikute nav mêźiyê meriv.