Xwadê Bi Zmanê Kurdî Bang Kiriye -2-

Ez dil nakim ku li berevaźî xwadêyê li teniśta xwa tiśtina bibêźim.

Źixwa xwadê ye, yê heeyî u ne’yî di destê wî da ye.

Źi min ra, "Zêde l’ canê xwa nekeve u nexwe. Źixwa ew can źî min daye", dibêźe.

- Herê, ezbenî. Canê ku hatiye dayîn, sparteya/emeneta yê dayî ye.

- Xwa bispêre wî canî.

- Helbet ezbenî. Gava ez xwa l’ vî canî dispêrim, ev can źî xwa l’ xwadiyê xwa dispêre.

- Źi ćiyayên wî canî danekeve.

Ez dudilî dibim, ez ê ćawan źi van ćiyayan daneketima.

- Ćima, ezbenî?

- Gava min di destpêka roźa hafirandinê da ev ćiya u siruśt hafirandin, ez bi zmanê te radibum karê xwa yê bê dawî. Źiber ku ew dengê destpêkê yê heeyî u ne’yî bu.

- Lê hîro canê min pê diśewite.

- Dizanim. Loma ez hîro li vir, li ciyê ku min di destpêkê da her tiśt ćêkirî bu, rudinim.

Ez pićekî li ber xwa dikevim.

Bi destê xwa yê rast giyayên li ser herdê mist didim. Hestên min li nav kulîlkên źi dur va di nav rengan da handa dibin u terrin.

Źi gelî u kortalên kur yên li źêr dengên ku źi heyamên buhurî dihatin, tên di nav guhên min da kom dibin.

- Pirr li pey yê buyî nekeve. Tu yê xwa pê bikuźî, dibêźe źi min ra.

- Biborîne, ezbenî, yê ku vî canî u min disoźe, ...

- Pêda nerre! Tu yê bi yê buyî tenê birîna di canê xwa da bikewînî, u pê bimirî.

- Źibo ku źi bîr nekim ...

- "Bîr" di peyva ćuyî da vêśartî ye.

- Lê "peyva gotî"?

- Hertim li benda yê ku ew gotiye, ye.

- Halê me, ezbenî?

- Helaliya halê ʰᵉwe di "bîr"a ʰᵉwe da puć buye.

- Me bibexśîne, em bîrok in.

- Tu pirr bi merhemet î. Hun serbîrok in. Peyva ʰᵉwe ya ćuyî bîra ʰᵉwe źî bi xwa ra biriye. Źixwa peyva ʰᵉwe ya gotî buye xerîbiyeke xerabe.

- Ya star, henase di vî canî da hindî duu nake, tevî ku ev can dikele źî.

- Gava ʰᵉwe peyva ʰᵉwe ya gotî źi bîr kir u neda pêy, ʰᵉwe zmanê xwa źî kuśt. Zman di peyva gotî da ćêdibe, pê ra diźî u dimire.

- Parra źî em?

- Na. Li pêy xewên bê xewn nekeve, tu yê bifetisî di xewa xwa da. Peyva gotî ti carî źi berî xwadiyê xwa namire.

- Yanî divêt vê gavê em li śuna "zmanê me dimire" bibêźin "em dimirin".

- Herê, di eslê xwa da yê ku dimire, hun in; li pêy ʰᵉwe źî zmanê ʰᵉwe dimire.

- Hingê em vê gavê nîv mirî ne.

- Ev xwaśbîniya te ye. Hun ne nîv mirî ne, hun tev mirî ne.

...