Dêrsim Bê Av U Bê Kurd Maye -2-

Ez heśyar bum, źi xewna xwa derketim.

Źi piśtî demekê bi xewarî dîsan derbazî nav xewa xwa bum.

Ez ê dubare bićuma xewna xwa ya li Dêrsim’ê.

Birryar bi vî hawî hatiye dayîn.

Ez wekî lîstikvanê sereke yê di fîlma xwa da tenê li pey rola xwa ketime u źê pê va ne mafê min u ne źî hêza min hee ye ku berê ćîrokê bidim ciyekî din.

Źi niśkê va min xwa di nav odeyeke ron u vekirî da li ba tedaviyekê dît.

Em li Dêrsim’ê ne.

Lê îcar Dêrsim’ê wekî baźarekî mezin xuya dikir.

Havîn e u li der hewayeke pirr xwaś hee ye.

Ligorî dengên ku źi der va dihatin odê, li ser kolan u kućeyan śêniyeke rengîn hee’bu.

Ez, xaltîka terapîst u źina nexwaś, em di odeyekê da li hember hevdu runiśtine.

Derî u pace vekirî ne, wekî ku em li bexćê runiśtî bibin, hîsseke hilo di min da ćêbu.

Ez wergêrrtiyê dikim źibo źina kurd ya ku hatiye tedaviyê u bi zmanê elmanî nizane.

Bi źina kurd ra ez bi kîźan zmanî dipeyîviyam, nizanim.

Lê wergêrra ku min bi zmanê elmanî dikir, tê bîra min.

Terapîstê ći dipirsiya, nayê bîra min.

Źi piśtî ku seetek derbaz bu, terapîstê tedavî bi dawî kir.

Źi tevgerrên wê hilo xuya dibu ku pićekî leza wê hee’bu.

Gava em bi hev ra rabun ser piyan, źina kurd xatir źi me xwast u derket der.

Lê divêt xaltîka terapîst li ser kaxizekê wergêrrtiya ku min źibo seetekê kirî bu, testîq bikira.

Bi lez kaxiz îmze kir u daa min.

Em bi hev ra derketin ber dêrî. Ew li pêś bu. Turikek u dosyeyek di destên wê da bun. Bi lez berê xwa daa kućeya li hemberî me.

Fîstanek li ser wê bu.

Ez pićekî li paś mam.

Gelek meriv li ser kolanan b’ vir u wir da dićun u dihatin. Di vê kêliyê da gava terapîst serê xwa ćerx kir u berbi hêla min va nihêrî, ez ketim nav kolaneke din.

Riya min pićekî berbi źêr va diću. Hewa pirr xwaś bu. Her der kesk bu. Li kêleka riya min nahalek źî hee’bu.

Min got, «Ez ê źi vir heta Erzingan’ê bibezim.» u min dest bi beza xwa kir.

Źi piśtî sed mêtroyan sekiniyam. Solên min ne źibo bezê bun.

Li hêla din min dil dikir ku ez carekê herrim ser ćiyayên li dor Dêrsim’ê źî, źi berî ku tarî bikeve ser herdê.

Min berê xwa daa nahalê, ez ê derbazî hêla din bibuma u bićuma serê ćiyan. Źiber ku av di nahalê da hee’bu, ez berbi hêla din bazdam.

Gava bedena min l’ hewê ket, źi niśkê min bi hêz bedena xwa guvaśt. Ez daneketim ser herdê. Her ku diću bedena min berbi źor va bilindtir dibu. Ez di vî halî da heta ser kaśa li hemberî min firiyam.

Paśê peya derketim źor. Li ser rê riya trênan hee’bu. Lê ray tune bun, li śuna rayan kebloyên êlektrîkê raxistî bun.

Min, «Herhal źi zu va ye ku trên nayên van deran» got xwa bi xwa ra. Ez li ser riya trênê ha ha meśiyam. Min źi dur va ćend kes dîtin, digel stasyona kevin bun. Lê ez nećum hindê wan.

Îcarê dilê min bi riya hesin ya xerabe pirr ʰêśiya.

Ez l’ demên berî fikiriyam.

Min got, «Herhal wan însanên li van deran źî ev śop li paś xwa hiśtine u ćune.».

Ez źi xewna xwa derketim.

Lê vê carê di odeya xwa, di nav ciyê xwa da bum.

Źi der va berfa ku her der spî kirî bu, tarî źi herdê rakirî bu.