Dêrsim Bê Av U Bê Kurd Maye -1-

Ez di odeyeke ku li ser ćema Munzur’ê hatiye ava kirin da rudinim.

Źi derî min du-sê kesên din źî hee ne li hundur.

Paca malê berbi źi ćiyayên ku ava Munzur’ê tê va dinêhire.

Kesên ku di hundur odê da ne, nas nakim.

Li der hewayeke xwaś hee ye, germa havînê ye.

Deriyê odê yê berbi der va vekirî ye u ez li śuna xwa ya runiśtî kućeya li der va dibînim.

Di nav dêrî ra li hêla din ya kolanê dukanek li ber ćavên min dikeve.

Tevî ku ez li hundur bum, min hîn li der ti cî nedîtî bu źî, hîssa ku ez li gundekî bibuma, di min da ćêbu.

Lê ez li Dêrsim’ê bum.

Di paca malê ra l’ ćema Munzur’ê meze dikim.

Pirr drêź xuya dikir berbi ćiyayan va.

Sosret e, lê di ćema Munzur’ê da hîć av tune bu.

Xemgîniyeke źanî di min da ćêbu.

Mîna ku li derudorê źiyan mirî ’be, hîsseke sosret xwa di min da daa der.

Pirr pê hêśiyam.

Min berê xwa daa kesên di nav odê da u źi wan pirsî, ka ćend kes li Dêrsim’ê diźîn. Ez bi kîźan zmanî dipeyviyam, nizanim.

Gotin li dor sê hezar kesan li Dêrsim’ê diźîn.

Îcar ez bêtir xemgîn bum. Min xwa bi xwa ra got, divêt hîć nebe sî hezar kes li Dêrsim’ê hee’buna.

Ez derketim ber dêrî. Li der va mîna ku Dêrsim gundekî pirr pićuk buyî ’be, xuya dikir.

Min li ser kolanê berê xwa daa vir u wir źibo ku ez śêniyeke mezin bibînim.

Bê fêde ye, tenê ćend kes li der hee’bun.

Di vê gavê da mînîbusek hat li ser kućê ćerx bu, sekiniya.

Ćend kes źê daketin.

Bi hatina mînîbusê u ćend kesan ez pićekî kêfxwaś bum.

Min xwa bi xwa ra got herhal ewê hîn gelek kes werin.

Dêrsim wekî gundekî bu, vala buyî bu.

Min nedizanî ku ew Dêrsim’î li ku ne, b’ ku da ćune.

Tevî ku min Dêrsim hîć nedîtî bu, merivên li Dêrsim’ê hîć nas nedikir źî, dîtina Dêrsim’ê ya di vî halî da kezeb l’ min bir talanê.

Ez pirr li ber xwa ketim.

Dêrsim di nav ćiyayan da mîna kovika tasekê bu.

Ez l’ wan kaśên li hember xwa dinêhirim.

Ćend heywanên ku li ćêrê ne, dibînim.

Mîna kaśa li gundê me ya li Kevirê Kiran xuya dikir.

...