Dax U Źan, U Bîrokên Bê Bîr

Gava derd giran ’be, bizanin ku rih di kezeba xwa da diśewite.

Heger kezeb neśewite, źixwa derd źî tun e.

Her du źî destbrakên hevdu ne, bi hev ra dixwin u vedixwin.

Dibe ku derdê kurdan tune ’be.

Dibe ku kurdan derdên xwa źi bîr kirî ’bin.

Belkî źî kurd bîrokên sedsalê ne.

Herhal derdê kurdan yê girantirîn «bîrokî» ye.

Dibe ku kurd «bîrokên» bê «bîr» yên li paś mayî ’bin.

Tê gotin ku herkes źi źiyana xwa gazincan dike, ti kes źi ziyana xwa memnun nîn e, lê herkes źi aqilê xwa gelekî memnun e.

Îcar em bala xwa bidin me kurdan.

Derdên me źi sînorên xwadê źî derbaz bune.

Źixwa kezeb buye tertele.

Lê dîsan źî kurdê bê derpî dike qîrreqîrr u dixwaze l’ tirk, ereb u farsên teres bratiya xwa helal bike.

Di mêźiyê kurdan da ti cî nemaye ku nehatî ’be dax kirin.

Gava dax dibe, diśewitîne.

Źana mezin źê pê va dest pê dike.

«Źan» di «daxbun»ê da ye, ne di «daxkirin»ê da.

Ya ku dimîne, dax e, ne źan e.

Kurd bi gilî u gazinc in, bi «dax» in.

Lê źanên xwa źi bîr kirine.
U bi daxên xwa ra ru bi ru mane.

Sosreta xwadê ye, bavê mino, sosreta xwadê ye.