Źi Me Kurdan Ra Dîzayneke Nu Ya Kurdistan’î Lazim E

Bi xwadê van roźan hewa baś e.
Tevî ku ne wekî li Kurdistan’a qedîm e źî.
Lê ligorî normên li vir baś e. Vê gavê li dor 25 pileyan e.

Vê hêvarê baraneke kurt źî silav daa me u ću.
Gava din ćum qasî nîv seetî gerriyam u hatim, hewa pićekî hênik bu.

*

Di van roźên dawiyê da gelek buyer pêk hatinn.
Mesela buyera ku li Amudê rudayî bu, rast derket.
PYDê ew kesên sîvîl kuśtine, źiber prostetoya ku kirine.
Di nav da zarokek źî hee ye.

Meśvanan bi yek dengî bang li «artêśa qewad ya Suriyê» kirine ku ew werin Amudê.

Binêrin, PYDê di bin navê kurdîtiyê da millet haniye kîźan astê ku millet rabuye źi qetîl u tecawîzciyên erebên bê namus hariyariyê dixwaze.

Divêt kurd berpirsiyarên vê buyerê bibînin u ceza bikin.

Źixwa bi vê yekê PYD tenê mezintir dibe, ne pićuktir.

Tabî heta ku birryar źi Qendîl’ê nehatiye, bawer nakim ku ti tiśtek bibe.
Di ći fikirê da bibe bila bibe, divêt ti însanê kurd zilmeke hilo qeleś qebul neke, źi kê tê bila bê.
Qet ćênabe ku partiyên kurdan roleke husan kambax bilîzin.

*

Aśtiya ku ewê bihata bakurê Kurdistan’ê, digel gava yekem hema hema fetisiya u ću.
Dewleta tirkan her tiśtî redd dike, me ti soz nedaye ti kesî dibêźin.
Bêguman ez di vê gotinê da ti tiśtekî ćewt nabînim.
Siyaset e, camêr ligorî menfeetên xwa siyasetê dikin.
Lê ez siyaseta me kurdan qet fam nakim.
Ćawan dibe ku kurd bi teehudên wan kućikan siyasetê dikin?
Źixwa di miźareke hilo da A. Öcalan di rewśa esaretê da wekî mixatab nîśan dayîn, têkćuna siyaseta PKKê ye.
Mesele meseleyeke 35 mîlyon însanan e, tabî em perćeyên din yên Kurdistan’ê li hêla din bihêlin. Ev zilmeke bê sînor e li milletê kurd.

Źibo axaftinên li ser meselên weha pêwistiya meriv bi dehan kesên pispor yên źi gelek beśan u dezgehan hee ye.

Manîpulekirina A. Öcalan ya psîxoloźîk di bin van śert u mercan da karê zarokan e.
Loma ye ev panzdeh sal in ku heta hîro tiśtekî konkret źi van axaftinan derneketiye.
Armanceke mîllî qet u qet xuya nabe.
Herre were «stetuya A. Öcalan» u ćend sloganên vik u vala kirine siyaset u ha ha îmana millet dikin teneke.

Min doh di «firatnews.com»ê da sloganek dît, digotinn, «Milletê ku rêberê xwa ne azad e, nikare azat bibe».
De werin źî vê seqetiya mentixî derman bikin.
Ćawan dibe ku heebuna 50-60 mîlyon însanan bi azadiya śexsekî va tê girêdayîn, meriv śaśo-maśo dibe.
Ma ev millet ewqas ehmeq e ku nikare bifikire u xwa bi rê va bibe?
Ma źi piśtî mirina A. Öcalan ya xwezayî qey ewê milletê kurd bi tevayî tune bibe u herre?
Bêguman, ev slogana hanê qasî gramekê źî źibo menfeetên milletê kurd nehatiye gotin, bîlakîs źibo menfeetên xwa yên hizbî ye.
Ev mentixeke totalîter u dîktatorane ye, faśîzan e.
Di nav hemî sîstemên hilo da hertim «serok»ên ebediyen tên hafirandin.

Źixwa «roźhilata navîn» bi van serokên ebediyen tîźî ye.

Ez dixwazim dîsan werim ser siyaseta aśtiyê bi kurtî.

Herkes źî baś dizane, di nav me kurdan da źiyana însanan pênc quruś źî nake, loma źî serok u partiyên me bê fikir ha ha millet ligorî kêfa xwa didin kuśtin.
Źixwa źê pirsîn, bi îxanetê ra yek e, ćênabe.

Ez dibêźim, ku ev qaśo «pêvaźoya aśtiyê» têkću, divêt kurd li hemberî A. Öcalan u PKKê protestoyan li dar bixin.

Ne tirkên qewad, divêt PKK u A. Öcalan werin protesto kirin.
Ćênabe ku partiyeke kurd hêza milletekî bi dehan salan weha bike qurban, pê egoya xwa tatmîn bike.
Bêguman li vir mebesta min tenê «serokatî u konseya PKKê ye».
Keć u xortên ku di nav PKKê da śer dikin, canê xwa didin, karê xwa yê mîllî dikin, źibo zman u azadiya Kurdistan’ê dikin.
Lê bi tevayî źî têne qurban kirin.
Tabî bi vî halî ez bawer nakim ku PKK biguhere, restoresyoneke mezin źî nikare PKKê b’îne ser xwa.
Divêt PKK bi tevayî źi binî va, źi nu va were ava kirin, dîzayn kirin.
Divêt meriv di nav PKKê da sîstemeke demoxretîk ava bike, kesên pispor u zana yên ku bi zmanê xwa dizanin, bi kultura xwa rudinin u radibin, civatê roź bi roź pêś dixin, bikin berpirsiyar, ne dizz, ćeqel, despot u ehmeqên beredayî.