Herre Lotik, Were Lotik, Waweylêêê :)

Herê bi xwadê, xwadê daye me u xelas.
Ev ći germayî ye yaw, hahooo!

Meriv hew dikare wekî boxê nav garanê li ciyê xwa bisekine.

Ev deh roź in ku min qet navber nedaa sportê.

Dawiya vê heftê sport u kar u barê min pirr bu.
Tevî ku min bi sond u peyman digot ez ê îcar herrim u bikevim gola Zürich’ê źî, ćênebu.

Berê tiśtekî weha kirin, ne mimkin bu.

Hingê ez nêzîkî golê rudiniśtim, roź hee’ bun ku ez sê caran – sibeh, nîvro, hêvaran – dićum avźeniyê.

Lê ev heft sal in ku ez li hêla din ya baźêr im u heta ber golê źî bi pîskîletê bîst deqqan dikiśîne.

Hîro min xwa bi xwa ra got, divêt ez di demên tên da pićekî mêze bikim, dibe ku ez li hêla din ya baźêr xaniyekî yan źî odeyekê di xaniyekî da bibînim.

Lê mixabin dîtina xaniyekî li vir tenê xewn u xeyaleke vala ye.
Źibo maleke vala sed kes dikevin dorê.
Kireyên xaniyên ćar ćavî źi sê hezar frenkan dest pê dikin.
Yanî meriv li vir źibo kireyên xaniyan kar dike.

Di nav van ćend salên dawiyê da źî modeyeke nu derxistine.

Fîrme u xwadiyên xaniyan malên xwa pićekî renove dikin u źi nu va didin kirê.
Him źî źi kireya eslî carekê, du caran zêde peran dixwazin.

Ez dibêźim lobiyên firmeyên xaniyan pirr bi hêz in, her tiśtî ligorî berźewendiyên xwa didin meśandin.

Bi xwadê, ći dibe bila bibe, divêt ez li hêla din - Wollishofen, Enge - li malekê yan źî odeyekê bigerrim.

Vê hêvarê dîsan ćum bexćeya heval Newzat źî.
Min bi têra xwa av daa dar, sewze u giyan.

Di vê navê da gelek dirrik źî giyayî bun.

Min tasek tîźî berhev kir, śuśt u xwar.

Ez dibêźim qendî nîv kîloyî hee’ bu.

Ew ći xwaśik bun, waweylêêê :)

Van deman sibeh zu radibim u terrim pîskîlêthaźotinê, pêra źî terrim bezê.

Yanî heta nîvroyê karê sportê diqedînim.

Êvaran źî helbet terrim tesîsên fîtnesê źibo bedenhêziyê.

Gava ez hîro peya dićum bexćeya heval Newzat, min li kêleka daristanê xaltîka me Aninna dît.
Źi źor va bi bez dihat, yanî wê źî sporta xwa dikir.
Di nav koma me ya pêśbirka bezê da mesefeya źinan beziya bu, him źî di nav wexteke pir baś da hatî bu noxteya ku ez li benda wê bum, min ćîpa di destê wê da girtî bu berbi noxteya din beziya bum.

Got, «Dibe ku ez dawiya meha îlonê tev li pêśbirka beza li Greifensee’yê bibim.».
Em qasî deh deqqan peyîviyan, paśê ew berbi źêr beziya u ez źî berbi źor meśiyam. Ma qey źi vê baśtir edelet dibe, bavê mino, hi?