Tarumarkirina Gundên Kurdan, Dawiya Zman U Kultura Kurdan E!

Di van roźên dawiyê da hewa li dor 25 pileyan (25°) germ e.
Baayekî germ źî źi bakurê Efrîka’yê xwa berbi me drêź kiriye.

Tevî ku germayî li dor 25 pileyan e źî, l’ meriv pirr germ tê.

Eynî wekî hewaya li Kurdistan’ê ye.

Vê sibehê digel pîskîlêthaźotinê di ber zeviyekî ćandî ra derbaz dibum, giyayê birrî li ser erdê bu.
Źê bêhna welêt dihat bi xwadê.
Her cara ku bîna giyaya birrî tê pozê min, hema welat tê bîra min.

Êh, ez ći bikim, ez ê bi van bîranînan îdare bikim, heta ku ev xewna min roźekê bibe rastî.

De ez dîsan werim ser nivîseke xwa ya din ya ku min źi berî du roźan di FBa bê bav da parve kirî bu.
Nivîs ev bu:

«Xalê me Cemil Bayik gotarek bi navê "Axa Qedîm Li Benda Me Ye" nivîsiye.
Di vê gotarê da daxwaza ku kurd dîsan vebigerrin ser axa li gundên xwa, kiriye.
Bêguman milletê ku gundên xwa vala kiriye, mirina xwa źî testîq kiriye.
Gundên hemî milletên li ser vê erdê ćavkaniya "zman u kultur"a her milletî ye.
Min di gelek gotarên xwa da ev mesele anî bu zmên.
Ez di vê meselê da bi Cemîl'ê me ra me.
Lê mixabin u mixabin, wekî gelek tiśtên din, di vê meselê da źî PKK pirr dereng maa, him źî tam 30 salî.
Gelo ewê aniha źi wan malbatan ćend heb vebigerrin cî u warên xwa?
Źixwa dewleta tirkan u PKKê bi zmanê tirkan îmana heft ecdadê van însanan kir teneke u berda ćolê, tevda źî asîmîle kirin.
Ma ev kurdê ku asîmîle buye u buye tirkekî temam, ewê ćiton vebigerre gundê xwa?
Divêt PKK di vê meseleyê da rexneyeke tuź li xwa bike. Źiber siyaseta PKKê ya pirr "înternesyonelîst, pismamtî u bratiyê", millet pênc quruś qîmetê źî nade kurdîtiyê.
Millet êdî bi yek dengî dibêźe, "Ha tirk ha kurd, ferx nake. Biźî Galatasaray u Fenerbahće!".
Tabî ez aniha baś nizanim, ka bi rastî źî PKKê tehlukebuna vê meselê fam kiriye yan na.
Heger hun źi min bipirsin, ez bawer nakim.

Heta ku źibo vê yekê hewldanên pirr taybetî, teśfîkên qanunî u maddî neyên kirin, ewê wekî leqleqa vala bimîne u herre.
...

http://ku.firatajans.com/news/cihan/axa-qedim-li-benda-me-ye.htm».

Li Ewrupê subvensiyonên herî zêde źibo gundiyan tên dayîn.
Di sala 2013an tam 60 mîlyar eyro hatiye dayîn.
Tevî ku rewśa gundiyên Ewrupî baś e źî, pêwistiya wan bi hariyariya maddî tun e źî, ev subvensiyon tên dayîn.
Ćima?
Źiber ku zmanê her milletî, kultura her milletî bi heebuna gundiyan va girêdayî ye.

Bêguman vî śerê di navbera PKK u dewleta tirkan da îmkaneke zêrîn xiste destê tirkan, źibo ku kîmyeya kurdan parî bi parî bikin, yanî gundên kurdan yên ku heebuna zman u ćanda kurdan bun, źi bin va xerab bikin.

Divêt kurdan ev śer źi nav sînorên Kurdistan’ê derbixista, li baźarên tirkan bikira.
Lê nekirin.
Generalên tirkan gava gundên kurdan tarumar dikirin, li hêla din źî li peravên zeryayê tatîl u kêf dikirin, him źî bê parêzvan.
Ćima?
Ew ceseret źi ku derê digirtin?
Źi siyaseta xwa ya ku di nav PKKê da serketî bu.
Ti kesê ku źi vî śerî zirar neditiye, nayê li ćareseriyan źî nagerre.
Ev rastiyeke biyoloźîk, psîxoloźîk u xwezayî ye.
Źixwa kêfa siyasetvan u generalên tirkan li śunê bu, źi vî śerî feleket qezenc kirin.
Êêê, ćima śev u roź rêklama śer nekin bavê mino.
Drêź nekim, me di vî śerî da feleket handa kir.
Helbet me dikariya gelek tiśtan qezenc źî bikim.

Nebu.
Kemalîstan bi merivên xwa yên wekî Y. Küćük, D. Perînćek u gelekên din her tiśt bi kontrol kirin.
Temam, ew karê xwa dikin, ne mentixî ye ku meriv li ser zêde xwa b’êśîne.

Ćima PKKê nekaniya rê li ber vê yekê bigire?
Źiber ku ti carî «mîllî» nefikiriye, źiber wê yekê.
Kes u partiyê ku mîllî difikire, rudine u hêsabê vê yekê dike.
Zeruriya bi destxistina mafên xwa yên heebunê u herî însanî dibîne.

Hahooo, va ye baranê dest pê kir.
Feleket dibare.
Camêrê Swîsre’yî yê ku di eynî malê da dimîne, gava din kete hundir.
Tew di avê da maye :)