Em Kurd Li Ba Mirinê Źî Dest Źi Zmanê Tirkan Bernadin!

Ev ćend roź in hewa tam li gorî dilê min e.
Yanî ne sar u ne źî germ e, herre were li dor bîst pileyan lotikan tavêźe.
Hîro min tenê qendî seetekê werger kir u xelas.
Hîro psîxiyatrîstekê li klînîkê dawî bi karê xwa hanî u ću klînekeke din.
Ev ćend sal bunn ku min źibo wê werger dikir.
Kêfa min gelekî bi śexsê wê dihat. Ti pirsgirêk heta niha bi wê ra ćênebubun.
Min hîro tenê du seet u nîv sport kir.
Ez dibêźim di van roźên dawiyê da tiraliyekê bii min girtiye yaw.

Min doh carekê li vîdyoya kuśtina endamê DTPê yê Wan’ê mêze kir.
Wêne pirr traźîk bunn.
Lê tiśtekî bala min kiśand di wê vîdyoyê da. Ew źî kurdên me yên ku bi vir u wir da dikirinn qîźewîź, bunn.
Ewqes bi kelecan bunn ku, qet nebêźin. Mîna her demê.
Hêdî ći dibe bila bibe, kurd dikin qîźewîź.
Yanî dewleta tirkan źi binî va psîkoloźiya kurdan kiriye śorbe.
Heger ez śaś nebim, hemî kurd źî di nav travmayên bêderman da digevizin.
Bêguman ev tiśtekî pirr normal e źî. Źiber ku kurd di nav rewśên gelekî barbar ra derbaz dibin.
Qesî diźminên milletê kurd, partî u siyasetmedarên me kurdan źî di vê meselê da berpirsiyar in.
Ez vegerrim ser qîźewîźa kurdên me.
Bi vir u wir da bazdidan, destên xwa li baa dikirinn. Hawar u gazî bilind dibunn.
Lêêê!
Min tenê peyvek źî bi kurdî nebihîst.
Hemî qîźewîźa wan źî bi tirkî bu.
Yanî aniha ez źi xwa dipirsim u dibêźim, gelo źiber ći ew kurdana berbi ćiyan dimeśin, têkośîna ći didin, źibo ći xwa didin kuśtin?
Źixwa zmanê xwa bi destên xwa kuśtinne.
Zmanê tirkan źî hêdî źi wan tirkên spî ćêkiriye.
Bi kurmancî u kurtî, hêdî kurd tam bunne kurdên tirk yên li gorî tirkên niźatperest.
Di vî warî da siyaseta MHP, CHP u AKPeya tirkan u ya partiyên me kurdan, ne kêm u ne źî zêde, źi sedî sed eynî ne.
Yanî em źi zu va bunne xizmetkarên siyaseta tirkan, haya me źi me tun e.