Got Negot, Got Negot, Ê Kê Got Bavê Mino?

Tevî ku hîro li vir carina tav hee‘ bu źî, hewa hîn źî sar e.

Heta heftayekê źî ne baś xuya dike.

Lê roźa yekśemê źî Marathona Zürich’ê hee ye.

Ez bi xwa źî sê caran tev l’ Marathona Zürich’ê buyî bum.

Źiber ku hertim di meha avrêlê da tê l‘ dar xistin, êdî ez tev lê nabim.

Yanî protesto dikim.

Qey tu dibêźî sayku em li Ekvetor’ê diźîn, di nav germayiyê da roźên xwa derbaz dikin, îmkanên entremanê bê sînor in, camêr rabune di vê meha sar da marathonekê orxenîze dikin.

Ez dibêźim źiber vê sermaya heeyî ewê gelek kes roźa yekśemê nerrin u tev lê nebin.
Ê tabî heqqê marathonê (100 frank) yê dayî źî li ba rêvabiran dimîne.

Di nućeyan da tê gotin ku Öcalan gotiye, «Min negotiye ku bila hêzên me derbikevin derî sînoran.».

Lê ez bi xwa nizanim ku l’ kê bawer bikim.

De îcar ew nameya ku di Newroz’ê da hatî bu xwandin ya kê bu?

Hingê divêt Öcalan bigota ew name ne ya min e.

Lê negotiye. Hingê ćima dibêźe,«Min negotiye.»?

Temam, hetta astekê em ćavên xwa bigirin.

Ćawan dibe ku him BDP u him źî PKK di meseleyeke hilo hessas da dikevin nav kêmasiyeke weha u li pêś bi mîlyonan însanan nameyeke weha dixwînin?

Hingê meriv dikare bibêźe BDP u PKK ketine nav kemîna tirkan.
Hingê meriv bi rehetî dikane bibêźe ku ev śeqśeqa li ser aśtiyê xewneke vik u vala ye, bê esl u fesl e.

Loma źî divêt BDP u PKK bi îtîna tevbigerrin, źixwa psîxoloźiya kurdan bi temamî buye śorbe.

Ez dibêźim, źiber ku BDP u PKK hêsaba śaśiyên xwa yên siyasî nadin, bi hêsanî her tiśtî dikin qurban. Divêt îmkana ku BDP u PKK werin mehkeme kirin źî hee’ ’be.
Meriv nikare heta hetayê milletê kurd u menfeetên milletê kurd bike qurban.

Her xwarina lêdana di nav siyasetê da rewśa kurdan ya psîxoloźîk xerabtir dike.

Însan heywanên psîxoloźîk in, ćênabe ku meriv milletê xwa di ber siyaseteke têkćuyî ra ha ha bike qurban.

Ez bi xwa bi dehan însanên kurd yên ku źi kurdbuna xwa nefret dikin, źi kurdbuna xwa xatirxwastine, nas dikim.
Van însanana bi salan wekî qantir karê PKKê kirine.

Hema hun bibêźin hemî xerabî źî di ser serê van kesan ra derbaz bune.
Mesela gelek hee ne ku di nav śer da birînên xedar girtine, seqet ketine.

Lê hîro di nav psîxoloźiyeke pirr xerab da ne.

Ti dezgeheke me ya netewî źî tun e ku bi pirsgirêkên van fedakarên milletê xwa ra miźul bibe.

Min gelek buyer dîtin.
Bi rastî źî gava tên bîra min, di gewriya min da dike asê.

Tabî S. Demirtaś dibêźe, «Öcalan di derbarê elewiyan da ev u ev gotin.».
Di nameya ku di Newroz’ê da hatî bu xwandin, ne elewî u ne źî êzdî derbaz dibun.

Vê gavê elewiyan reaksiyonek nîśan dan.

Dereng źî man.

Min źi berî salekê źî di gotarekê da gotî bu, divêt elewî źi BDPê u partiyên tirkên heram veqetin, partiyeke elewiyan ya Kurdistan’î ava bikin.

Bi BDPê tenê ewê siyaseta BDPê ya kemalîst li kurdên elewî were ferz kirin.
Źixwa heta aniha źî vê BDPeya taśeron tenê ev kar kiriye, ha ha pesna qetîl u tecawîzciyê milletê kurd Misto daye u qaśo dahîbuna wî qewadî di dilê milletê kurd da daćikandiye u dadićikîne.