Lê Źi Derudora Xwa Śerm Dikim

Hîro źî hewayê îmana me kir teneke u em berdan ćolê.
Lê dîsan źî heta piśtî nîvroyê ez źi malê derneketim der u min xwa li malê daa tiraliyê.
Piśtî xwarina nîvroyê giraniyê xwa li min tuź u sor kir, bivêt nevêt min xwa dîsan li ser nivînan berdîberdayî dirêź kir.
Carinan dibêźim, heger pisîng min di vê berdîberdayiya wilo serserî da bibînin, ewdê xweziya xwa bi heśt eźdadê xwa bînin ellawekîl.
Piśtî nîvroyê di seet berbi ćaran da derketim ser pîskîleta xwa u min berê xwa daa Baden’ê, tevî ku doh teqîneke ecêb lê ketî bu u xwaro-maro dićerixiya źî.
Min hîro carekê li sebeba xwaro-marotiya wê mêze kir. Weylooo, ez ći bibînim baś e yaw? Tew tew tewww, têlek bizdiye, loma serê ćerxê xwa weha rut u tazî berdaye ćolê, pepukêêê.
Lê dîsan źî ez derketim u ćum.
Piśtî wegera xwa ez qesî seetekê li malê mam. Paśê qendî pêncdes/dewpênc kîlomêtroyên ćum bezê. Gelekî xwî dam yaw.

Min doh di înternetê da, di vîdeoyekê da pîroźbayiyeke tirkan dît.
Bêbavên heram ćune li Efrîka’yê reśikên Efrîka’yî asîmîle kirine u sonda tirkan li wan zarokên reben dane hîn kirin.
Di vê pîroźbayiyê da hemî berazên tirkan yên qewad li hev hatî bum. Heramzadan ćawan li ćepikan didan, ya staaar, hey tifuuu.
Bi serê kalikên min bibe ku, źi me kurdan berbattir qewmek din tun e.
Me zimanê van bêbavan girt, hanî u xiste devê milletê kurd u aniha źî zimanê me bi bez u lez berbi mirina xwa ya abadîn terre.
Źixwa aqil di me da buye bexdenus, śerm źî ketiye bin pileya sifirê u dike xirrexirr.
Hema hun bibêźin, derziyên bergîlkî źî di me ra bikin, em ê qet «hi!» źî nekin dînime îmanime.
Gava ez terrim bezê yan źî pîskîlet haźotina, hertim ev rewśa me ya lanet kirî di min da nostalźiyeke reś u tarî ćêdike, kurdiya berê ya li Kurdistan’ê tîne bîra min, min nerm dike, dike ku ez źi kezêb bikim qîrreqîrr.
Lê źi derudora xwa śerm dikim.
Dibe ku bibêźin: «Aha yekî din buye evdalê xwadê law!».

Tama Cîgêr U Zimanê Tirkan

Bi serê we bibe ku (h)îsal hewayeke pirr baś di vê meha avrêlê da hee ye u hee bu.
Hîro źî eyameke tam li gorî lotikên germik u nermik xwa di atmosferê da li baa dikir.
Ez hîro sibeh di seet yekdesan/dewyekan da ćum daweta xuruniyekê li ba hevalê min Roman u hevala wî Susanne. Coteke din źî dawet kirî bun.
Xwadê hee ye, ez gelekî źî birćî bubum.
Lê mase źî bi gelek xwarinên xwaśik hatî bu dagirtin ellawekîl.
Yaw piśtî xwarinê hindek maa ku ez di xewê ra herrim.
Ê tabî min diy/dît ku ez ê di xewê ra herrim, ez li śuna xwa rabum ser xwa u ćum li ser sofayê runiśtim.
Piśtî ku Susanne’yê ez di vî halî da dîtim, henekên xwa li min kir u got, «bi xwadê, cîgerim Beghyanî gava tê nîvantiyê, dibêźê „vê u wê bide min, ćima filan u fistix tun in, serê me têśîne u paśê terre li śuna xwa rudine, xwa u ciyê xwa wekî pisîkan nerm u germ dike“».
Lê camêran xwastin ku ez qehweyeke tal vebixwim u hindekî werim ser îmanê.
Welle min qebul nekir. Tenê ćay vexwar. Lê piśtî nîv seetî min qehweyek źî xwast u vexwar. Bi serê we bibe ku wê źî zêde bandor li min nekir, tevî ku ez pirr kêm qehwê vedixwim źî, yanî di ćend roźan da carekê u ewqas ellawekîl.
Nîvanên din heta seet sisiyan runiśtin u paśê rabun u ćun. Îcar giraniya xewê li Susanne’yê pêgirt. Loma rabu ser xwa u ću odeya raketinê. Tabî dawiya dawîn ez u cîgerim Roman tenê man. Me źî gotina xwa hanî ser turnuvaya dawiya hefteya tê.
Em qendî seetekê bi hev ra peyîviyan, me piśta gelek meseleyan śikand, yek li ser yê din zêde kir u wesselam.
Paśê ez rabum ser xwa. Min dît ha ev e cîgerim Susanne źî rabuye. Îcar xatunê xwa li ser sofayê dirêź kir.
Min źi wan xatir xwast u derketim der.
Paśê ćum pîskîlet haźotinê. Lê li ser riya vegerê tiśtek li ćerxa min ya pêśîn hat, min dît ha ćerx hindekî xaro-maro dićerixe.
Welle ez bi vî hawî heta malê hatim. Ći bobelatî li ćerxê hat, min qet fam nekir dînime îmanime yaw.
Pêra ez qesî seetek u 15 deqqan ćum bezê. Di seet 20:30an da dîsan hatim mala xwa.
Min hîro cîger pat, lê kêfa min qet bi tama wî nehat.
Hema hun bibêźin tama cîgerê źî wekî tama zimanê tirkên talanker u wêranker bu, yabo qurbaninooo.
De bila haya we źi tama cîger u zimanê tirkan hee bibe lo.

Serlêdaneke Ćend Seetî

Mîna van demên dawiyê dîsan hîro źî bi têra xwa germik u nermik bu yaw.
Berbi nîvroźê min ću ćend hurumurên xwarinê kirriyan.
Di seeta 12 u nîvan da li ba hevaleke xwa ya Polonye’yî źibo xwarina Oster’ê hatî bum vexwandin. Ez u Monîka em hevdu źi heft salan u vir va nas dikin. Berî heft salan em di heman mala xwandekaran da mayî bun.
Aniha cîgerim Monîka bi hevalê xwa yê Swîsre’yî ra di malekê da dimîne.
Li ba serlêdana min gelek xwarinên xwaśik hatî bun amede kirin. Diya Monîka’yê źî źi Polonye’yê hatiye.
Li gorî gotina Monîka’yê birayê wê mezin berî pênc mehan wefat kiriye. Lê haya min qet źê nebu. Ez bawer dikim diya wê hîn źî gelekî li ber xwa dikeve. Loma źî wê źibo demekê haniye ba xwa ku wê pićekî tesellî bike.
Tew tew tewww.
Ći dibêźin kurd?
Dibêźin: «Tiśtê ćuyî, ću, hêdî nede du!».
Yanî yê ćuyî źi kîsa bavê xwa terre bi dîn u îman.
Di wê navberê da hevalekî min yê berê yê źi heman mala xwandekaran telefon kir u got, ew u hevala wê dixwazin ku min źibo xuruniyeke qerase dawet bikin. Ê helbet min got, «temam heyatim, temam, ćêbu cîgerim». Tabî em ê hefteya tê tev li turnuvayeke pêgoogê/fitbolê bibin, cîgerim źibo me serî lê daye u divêt ez źî di taxima me da karê lîstik ćêkirinê bigirim ser xwa, yanî ez ê bibim motorê taximê
Ez heta seet ćaran li ba Monîka‘yê mam. Paśê hatim malê u min dîsan ću ćend tiśtên din kirriyan u vegerriyam.
Paśê min xwa hindekî li ser nivînan dirêź kir, pićekî westiyayî bum.
Pêra rabum ser xwa u ćum pîskîlet haźotinê.
Lê min beza hîro îhmal kir.
Divêt ez sibeh heyfa hîro hilînim ellawekîl.

Welle di raśtiyê da min ê hîro tiśtek nenivîsiya, lê destê min źê nebu. Xurîniyeke nermik u germik bi dilê min girt.
Dengekî kur xwa li guhên min xist u got: «Roźa ku bê kurdî derbaz buye, roźeke reś e, bê bext e, kurooo. Hiśśś!».

Xalê Ehmê U Raśtiyeke Tal U Tuź Cîgerno

Law hewayeke ći germik u nermik hee bu hîro, weyyy.
Źiber ku aniha li vê derê OSTER e, her der ketiye tatîlê.
Loma źî hîro kar u filan u bêvan źî tune bu.
Di nav vê hewaya germik u nermik da li malê runiśtin helbet ne karê mêrê ćê ye ellawekîl.
Min piśtî nîvroyê serîhilda, derketim ser pîskîleta xwa u qendî seet u nîvekê ćum pîskîlet haźotinê. Di seet sê u nîvan da dîsan bi śun da hatim.
Di seet pêncan da źî qesî seetekê ćum bezê.
Piśtî vegerê îcar min solên pêgoogê li xwa kirin u ćum goog lîstinê. Seetek źî ew sporta xwa kir u hatim.
Yanî min hîro tevda sê seet u nîv sporta xwa kir u wesselam.
Tabî aniha ez pirr nermik u germik bume dînime îmanime yaw.

De ez werim ser meseleya xalê Ehmê yê bîst u yek salî, śekirino.
Berî du mehan xalê Ehmê di Facebook’ê daxwaziya hevaltiyê kir. Êêê, tabî min źî got temam heyatim, ćima na lo?
Xalê me Ehmê kurdî baś dizane, bi taybetî źî gava bi devkî dipeyîve, qey meriv dibêźe mêro fîśekên xwa bi śarźorê va girêdaye u ha ha bi ser me da vala dike, pepukooo.
Lê di warê nivîsînê da xerab nebe źî wekî kurdiya devkî ne ewqas «śarźorkî» ye.
Cîgerim carcarinan tê qursa kurdî źî, lê vê heftê nehat.
Ez werim ser meselê. Min ćend caran źi xalê xwa ra bi nermikî u germikî got, «binêre heyatim xalê Ehmê, heger tu di Facebook’ê da «dev» źi tirkiya kerbavkî bernedî, ez ê meźburî źi lîsteya te derbikevim der u ha ha paśpalkî berbi azadiyê birevim canim cîgerim.».
Lê xalo qet guh neda min. Loma źî min lotikeke bergîlkî li xwa xist u min xwa di nav pacê ra havite der, yanî ser kolanê lo. Helbet min źê ra nućeyeke pirr dilsoź źî nivîsiya u got:

«Cîgerim xalê Ehmê, jiber tirkiya te xaltîka Fatê zilmeke mezin li ser min chêkir ellawekîl. Loma canim cîgerim, ez mejbur mam ku ji lîsteya te derbikevim der u ha ha birevim dînime îmanime. Xaltîka Fatê got, heta ku ew kafir dest ji tirkî neshoy, bi wî ra lotik avêtin bila ji te ra heram be kurooo :) Îcar cancîgerim, roja ku te tifu li tirkî kir, bila haya min ji te hebe, chêbu heyatim? :-))) Em dîsan bibin pismam u pisxaltî yaw, wîîî :)».

Xalê min Ehmê hîro hevokeke pirr balkêś u bi ders tiźî źi min ra wekî nuće śandiye, dibêźe:

«Welle min destê xwe ji tirkî šûštiye lê tirkî destê xwe ji min našo ma ka ez či li wî seriya kim».

Bi raśtî źî em kurd bune esîrê zimanê tirkan, em bixwazin źî ew naxwaze dest źi me berbide.
Qey belaya xwa li pêsîra me xistiye, dixwaze ku zimanê kurdî di gewriya me da bixeniqîne, me źî pê ra bifetisîne, him źî bê telaq kurooo :).
Îcar we fam kir zimanê me kurdî di kîźan halî da ye gurćikino?

Zimanê Kurdî Garantiya Mîlliyeta Kurdan E U Miqeddes E!

Bi serê min u we bibe, min hîro bê navber mêźiyê xwa berda ćolê u hew.
Ne kêm u ne źî zêde, tam śeś seetan werger kir li klînîkê.
Tabî min berbi dawiyê bawîśkên qerase hanîn.
Law ev Oster źî hîro bu belayê serê min. Loma hemî termînên wergerê xwa hîro li min vedan.
Gava ez hatim malê, seet śeś bu.
Hîn ćend deqqe derbaz bubun ku, telefona min lêxist.
Źina pispismamê min li hêla din bu.
Źi min ra got: «Ooo cîgerim, tu ćiton î lo, de hele bazde ser pîskîleta xwa ya agirpêketî u bi vir da were, śekerim. Me masiyên qerase ćêkirine, de were haaa.».
Masî u filan u fistix law. Êêê, xwadê daa min tabî. Di pêncdes/dewpênc deqqan da gêśtim ber dêrî ellawekîl.
Piśtî xwarina masiyên xwa, ćend deqqên din li śuna xwa runiśtim u dîsan rabum ser xwa, min źi ćavên cangîrên mazuvan pać kir u revî-revî hatim mala xwa.
Aniha ez ê piśtî ćarîkekê derbikevim der u herrim gerra nîvê śevê elîm ellax.

Ez dixwazim bi ćend peyvan li ser hevdîtina min ya doh bi heval Polat ra ya li restorenta heval Newzat bisekinim.
Ez heval Polat źi bîst u yek salan u vir da nas dikim.
Di van du-sê salên dawiyê da me hevdu qet nedîtî bu.
Miźara me herre were li ser meseleyên me kurdan bu. Digel peyîvîna me min mêze kir ku cîgerim Polat bi dilekî pirr rehet bi hêla zimanê tirkî da terre.
Ez bi vê yekê pirr aciz bum. Tevî ku cancîgerim bi kurdî baś dizane źî. Lê di van salên dawiyê da kurdiya wî hindekî paśpalkî ćuye ellawekîl. Kekê me zanîngeh źî li vir xelas kir.
Bê guman ew siyasî ći difikire yan źî nafikire, min qet u qet eleqedar nake.
Gava min got, heqqê kurdan li Stembol’ê źî hee ye, ćavkê min rabu ser tapanan u dest bi axaftina tirkî kir. Di gotinên xwa da qîmeta pîvazekê źî nedida kurdî. Tirkî qet ew aciz nedikir. Lê berê rewś li ba wî weha nebu. Diyar e ku di van salên dawiyê da guhartinên bingehîn di wî da ćêbune.
Em qendî du seet u nîvan bi hev ra peyîviyan.
Źiber ku ez ewqas aciz bubum, min rexneyên pirr tuź yên gelemperî li hemberî kesên ku bi tirkî kurdan asîmîle dikin, kirin.
Bê guman ew źî gelekî baś dizane, ku zimanê kurdî ću, hêdî mîlliyeta kurd av bi av ću.
Loma źî parastina zimanê kurdî aîdî her ferdê kurd e, li ći bawer dike bila bike, ćawa diźî bila biźî, ziman pîvana hee buna mîlliyeta kurd ya miqeddes e.
Luksa ti śexsê kurd tun e ku źi ber kompleksên xwa yên śexsî vê miqeddesiyê tarumar bike u wesselam.

Kurd U Ziman, Yan Źî Kurd U Pîskîlet Lo

Berî vê nîvroyê min berê xwa daa sporta xwa. Źiber ku piśtî nîvroyê wexta min tune bu. Min qendî du seetan îmana xwa kir teneke u dest źê berda.
Piśtî nîvroyê min sê seet werger kir u hatim malê.
Lê wexta min zêde tune bu, źiber ku di seet heftan da qursa zimanê kurdî hee bu.
Ćar kes hatî bun qursê.
Paśê ez ćum restorenta heval Newzat. Heval Polat źî li wir bu. Me qesî du seet u nîvan śorbeya tirśikê ćêkir, hevdu guvaśt u berda ćolê.
Welle gava merî bê eleqiya kurdan ya źibo zimanê wan dibîne, meriv heyfa xwa li milletê xwa tîne.
Law ćiqes xirabî hee ne, hemî źî bi serê kurdan da hatine.
Kurd hêdî bune pepukê mala xwa.
Di raśtiyê da dewleta tirkan karê xwa yê dîrokî hanî śunê, bi lêdan, kuśtin, talan u wêran kirinê kurd heta pileyekê hanîn.
Îcar hêdî pêwistiya dewleta tirkan bi van metodan nemaye.
Di nav van sî-ćil salên dawiyê da niźadek yan źî du niźat tevda asîmîle bun u ćun.
Hîro van herdu niźadên handa buyî rola dewletê girtine ser xwa, bi dil u can asîmîlasyona di nav malê da ha ha pêśta dixin.
Yanî asîmîlasyonê mîsyonerên xwa guhertin, aniha me kurdan ev mîsyon hildaye.
Him źî bi awayekî bê guneh daxwaziya siyaset u niźatperestiya tirkan roź bi roź di nav milletê kurd da belav dikin ellawekîl.
Lê źibo vê yekê dewleta tirkan quruśekê źî xerc nake.
Camêran piyên xwa havitine serhev u li kêmaqiliya me dikennin, bavkê mino.
Li gorî sîstema mêźiyê meriv, yanî li gorî noyropsîkoloźiyê, tirkan bi ziman u ćanda xwa ya dizzî, formeke nuh dane mêźiyên kurdan.
Kurd bixwazin źî ne xwazin źî di źiyana xwa ya roźane da wekî tirkekî/ê tevdigerin, źiber ku proxramên tirktiyê di nav ćil salên berdîberdayî da li mêźiyên me hatine bar kirin.
Źibo kurdayetiya di mêźiyên me da źî tenê ćend înformasyonên reś kirî yên li vir u wir u xelet, xwa di hindek kućeyan da didin der u ewqas.
Ma źi kurdekî/e wilo rut u tazî ewdê kurdekî/e ćawa derbikeve u meselê źi binî va ćareśer bike u bike bihiśta qedîm yaw?

Tirk Serê Kurdan Ćawa Bi Manîpulasyonan Dikin Tirśik u «Tirkî»

Min hîro zêde kar nekir. Tenê qendî du seetan werger kir u ewqas.
Vê hêvarê min tenê qesî du seetan sport kir. Helbet eyameke bash źî li der hee bu.
Ê tabî mîna her demê dîsan hîro di seet heftan da min ê qursa zimanê kurdî źî bida.
Hîro tevda ćar kes hatî bun.
Lê hîro em gelek li ser hindek miźarên rêzimanî u peyvan sekiniyan.
Bi tevîhev me hindekî berê xwa daa dema berî ćend hezar salan, mahneya peyvan koliya, daku cîgerim xwandekar bikanî bibin baśtir źê fam bikin.
Ez ê bibêźim, gava ew hînî van tiśtan dibin, gelek kêfa wan tê.
Tabî min hîro cara yekem di qursê da bêźenasiya/etîmoloźiya peyva kurdî «hîn» (yanî wekî «hîn bun») źi wan ra got. Ez dibêźim pirr pirr śa bun bi vê yekê.
Lê min bi xwa źî bi salan serê xwa pê hêśandî bu.
Berî salekê bu, dawiya dawîn min rehê peyva «hîn» vegot.
Bê guman vê źî rehetiyek di serê min da ćêkir.
Ez dibêźim, aniha vê gavê li ser vê erda kalik, źi derî min ev ćar kes źî mahneya vê peyvê dizanin.
Lê ez ê li vir nebêźim. Bixwazim źî nikanim. Hindekî tevlihev e yanî gurćikino.

Ev du roź in ku dewleta tirkan dîsan roźeva kurdan ser u bin kir.
Manîpulasyonên dewleta tirkan bi raśtî źî hertim tam di noxteya dewduyan da lêdixe.
Em kurd ewqas bune pepuk ku nayê gotin, em ne tên xwarin ne źî tên havitin ellawekîl.
Lê serê me źi yê Misto’yê Beton źî hiśktir e. Qîźewîźa me ye, me xwa rut u tazî kiriye u berdaye ćolê. Bîsmîlle bîsmîlleee, ćima ku?
Ći buye babam? Wey namzetên BDPê hatine veto kirin law.
Êêêêêêêêê?
Ćênabeeeee! Bibe źî źi porê xaltîka Fatê yê henne kirî va kuro!
Law ev tirk ći źîrek in dînime îmanime. Bi lotikên kerkî bi carekê va roźeva kurdan siyarî qantirê kirin ellawekîl.
Him źî ći lotik havitin bê bavan.
Miźara «perwerdeyiya zimanê kurdî» ya di nav kurdan da bi derbeyeke qantirkî kirin toz u li baayê xistin elîm ellax.
Hêdî ziman u filan u bêvan di serê kurdan bu ćîroka «hee bu, nebu».
Aha welle dewleta tirkan wilo bi me ra dilîze.
Em ći bikin źî, em ći bifikirin źî, dawiya dawîn her tiśtê me di destê dewleta tirkan da ye.
Ê de bila biźî îradeya azat u ne azat, cancîgerno :-).
Ma îcar îradeya we li ći alemê ye, yabo qurbanino?

Lotikên Kerbavkî Yên «Dezgeha Bilind Ya Hilbiźartinê»

Hewayeke pirr xwaśik hee bu hîro. Lê dîsan źî min nekanî sportê bikim ellawekîl.
Ez berî nîvroyê ćum karê wergerê u min qesî ćar seetan li klînîkê werger kir.
Di wê navberê da carekê ćum pirtukxaneya baźêr źî, źibo ku dema sê pirtukên li ba min dirêź bikim.
Helbet min źi pirtukxanê sî pirtuk dên girtine, lê yên din min di înternetê da dirêź kirin, yanî heta śeś mehan carekê divêt ez pirtukan źibo carekê biben ba wan u li wir bidim dirêź kirin.
Gava min pirtuk dan dirêź kirin, min źi xatunê pirsiya, ka pirtukên din źî bi raśtî hatine dirêź kirin yan na.
Got, «naaa». Loma źî wê got herre ba maseya înformasyonê, źi wan ra bibêźe bila ćareser bikin.
Piśtî ku min li ba maseya înformasyonê meleseya xwa hanî zimên u wan lê mêze kir, gotin, śekerim wexta wan źî tiźî buye, divêt tu wan źî hîro bînî, yan na ewdê źi te ra serê pirtukekê des/deh frank ceza were.
Tabî wekî din źî ćare tune bu. Loma źî ez dîsan hatim malê, min bîst u du pirtukên din źî girtin u birin pirtukaxanê, dem dan dirêź kirin.
Yanî hindek maa ku dîsan makbuzeke 220.- frankî wekî ceza źi min ra biśînin lawo.
Śansa min hee buye ku min li wan pirsiye, pepukê pepukêêê :-).

Hîro «Dezgeha Bilind Ya Hilbiźartinê» bi birryareke kafirbavî (hun dikanin bi kerbavî źî bibêźin) gelek namzetên BDPê veto kir. Di nav van namzetan da Leyla Zana, Hatîp Dîcle, Gülten Kiśanak u hwd. ćend kes hee ne. Bi raśtî źî tirk ewqas qewad in, bi hemî dek u dolaban dixwazin kurdan źi siyaseta legal dur bixin, źibo ku bikanî bibin berxwadana kurdan ya meśru di nav medyaya cîhanê da wekî pirsgirêka terorê nîśan bidin.
Ći derewan bikim, ez źibo Ertugrul Kürkćü qet u qet li ber xwa nakevim.
Ćênabe ku kurd hertim herrin qomserekî tirk bînin u li serê milletê kurd bikin bela.
Berê źî Dogu Perînćek u Yalćin Küćük’ê herî kemalîst u kerbav hanî bun u kirî bun bela. Bê guman van herdu bê namusên kemalîst źî bi têra xwa di nav tevgera kurd da manîpulasyonên pîstirîn kirin. Em pê qayîl bibin źî nebin źî Öcalan u PKK pirr di bin tesîra manîpulasyonên van da mane.
U vê źî piśta tevgera netewî ya kurd tam di navê da śikand u kir kud.
Law de bi wir da herrin haaa, qet nebe hun xwa xelas bikin babam, waweylêêê.

Hilbiźartin U Lîstikên AKPê

Hîro li der hewayeke xwaśik hee bu. Dilê meriv pê germ dibu.
Digel vê źî min dîsan xwa li giraniyê daniya u heta piśtî nîvroyê derneketim der.
Di seet 15 u nîvan da derketim ser pîskîleta xwa u derketim ser rê. Heta nêzîkî Baden’ê ćum u hatim.
Piśtî wê źî qendî seetekê ćum bezê. Paśê paayiya/paqiźiya mitfaxê kir, serê xwa śuśt, kincên qilêr havitin makînê u hwd.

Min di nućeyan da zêde tiśtekî balkêś nediya.
Tenê nućeya li ser serokê diyanetê prof. dr. Mehmet Gürbüz bala min kiśand.
Mêro ćuye tev li mewluda ku li stadyuma Amed’ê hatiye darxistin, buye.
Bi deh hezaran kes tev lê bune.
Piśtî ku mêrê ćeqilmast bi kurdî axaftina xwa kiriye, pêra źî bi kurdî mewluda Mela’yê Batt’ê xwandiye.
Diyar e ku AK Partî dixwaze źibo hilbiźartinan bi ćend hestiyên xerabe kurdan bixapîne.
Ak Partî di śexsê milletê kurd da siyaseteke pirr berbat u pîs dimeśîne.
Doh min di nućeyan da xwandî bu. Lawê A. Türkeś źî di AK Partî’yê da buye namzet.
Camêr gelekî pesna Ak Partî’yê dida.
Hêdî niźatperestên MHPeyî źî ciyê xwa di nav AK Partî’yê da dibînin.
Bê guman tirk tirk e, di kîźan partiyê da dibin bila bibin, ti cihêtî nîn e.
Me gelek ćepgirên tirkan dîtin.
Hindek źî wan kerbavan bi navê «Türk Solu» kovarek derxistin.
Lê bê namusên heram bi navê kemalîzmê xwîn źi devê xwa diriźînin.
Źi sibehê heta hêvarê pêśniyazên tune kirina milletê kurd dikin, hêrîśên herî qelleś li hemberî milletê kurd orxanîze dikin.
Offf of, gava ez li ehmeqiya me kurdan difikirim, hestiyên min dilerizin bi dîn u îman lo.

Zimanê Kurdî U Serboriya Min

Min hîro zêde piśta xwa nelivand. Piśtî nîvroyê qendî seetek u nîv ćum pîskîlet haźotinê ewqas.
Ya raśt hewa hîro baś bu.
Lê ez tenê li malê runiśtim. Min di înternetê da di navnîśaneke li ser zimanê kurdî «Dersa Kurdî» da ha ha bi hindek kurdên me yên li Ewrupê ra da ber «chat»an.
Ći bikim babam, gava mesele dibe zimanê kurdî, nikanim zêde xwa bi paś da bikiśînim.
Gelek pirs di serên wan da hee ne. Nizanin ku ći ćawa ye.
Loma źî ez carcarinan xwa bi xwa ra dibêźim, heqqê min nîn e ku ez xwa bi paś da bikiśînim.
Min heta hîro bi salan, nîviyê źiyana xwa źibo zimanê kurdî daye, bi salan śev u roź min kar kir źibo vê yekê.
Dem hee bun ku min di dema xwandina xwa da pere nedidît ku heqê rê bidim u herrim zangehê.
Gelek deman ez di wan zivistanên bi serma u seqem da peya dićum zangehê di ber gola Zürich’ê ra.
Carinan baayekî wilo dihat ku, min źi meźburiyetê ruyê xwa vedigerand hêla paśiyê u bi vî halî paśpalkî dimeśiyam.
Dem hee bun ku min hêvaran tenê bi tomatesekê îdareya xwa dikir.
Heta sibehan li ser masê hînî dersa xwa dibum, bêyî ku rabikevim, min devuruyê xwa diśuśt, piyaleyek śîr vedixwar u dîsan dićum zangehê.
Carcarinan ćavên min wilo sor dibun u hêśeke weha berbat didan min ku, min hîn źî ew roźana źi bîr nekirine ...
Loma źî ez xizmeta zimanê kurdî, wekî mîsyona xwa ya dîrokî dibînim.
Roźa ku min ev mîsyona xwa hanî śunê, ez ê bi dilekî aram u bextiyar oxira xwa źi xwadê bixwazim u terkî diyar bikim.

Ez U Lotikên Bergîlkî

Yaw min hîro zêde kêfa xwa xera nekir.
Piśtî nîvroyê min ću seetek werger kir u hatim malê.
Ev hefteke ku ez tenê carekê cum sportê. Derbeyên hefteya ćuyî feleket hêś didan canê min. Ne tenê ev, herweha hestiyên min źî berbat têśiyan ellawekîl.
Bi kirasê heft pîran, min hîro dîsan dest bi sportê kir.
Di seet pêncan da ćum qada pêgoogê. Roźên îniyan pêgoog tê lîstin.
Ćar taxim hee bun, yekê źi van xwast ku ez bi wan ra bilîzim.
Min źî got, «temam cîgerim, problem nîn e».
Seetek u nîv me îman li hevdu ćikand. Dawiya dawîn em bi serketin. Lê gola zêrîn ya dawiyê wan kafirbavan havitin me.
Paśê min berê xwa daa ciyê fîtnesê yê zangeha Irchel’ê. Źixwa li kêleka qada pêgoogê ye.
Min du seet źî li wir bazuyên xwa kirin wekî śorbeya nîskê u reviyam hatim mala xwa.
Ê tabî serê xwa śuśtin, xwarin, înternet u filan u fistix, lotik u motik, dem derbaz bu.
Źiber ku hîro ez birîndar nebum, ez ê sibeh bi têra xwa herrim pîskîlet haźotin u bezînê.
Welle, ku xwadê daa min, ćend lotikên din yên qerase źî bavêźim, cancîgerno.

Kurdên Bin Sînorê U Elewiyên Me

Min doh nekanî tiśtekî binivîsînim.
Doh piśtî ku ez źi qursa kurdî derketim, ez u Ceren em heta Örlikon’ê bi hev ra meśiyan.
Paśê me li nêzîkî mala min li ser kolanê gotina xwa hindekî dirêź kir. Îcar me carekê mêze kir ku ha seet źi 22 u nîvan derbaz buye.
Min doh piśtî nîvroyê heta hêvarê werger li klînîkê kirî bu. Paśê ez bi lez hatim malê, min pirtukên xwa girtin u derketim ćum qursê.
Yanî bi kurtî u kurmancî, ez gelekî westiyayî bum.
Loma źî min hindekî xwa li tiraliyê xist. Ê de bila ewqas źî destur hee be lo, wîîî.

Hîro źî kêm-zêde eynî tirśik ćêbu. Min bê navber ćar seet werger kir. Paśê cum mensaya zangehê u xwarina xwa ya hêvarê xwar u hatim mala xwa.

Di nućeyan da min hîro tiśtekî balkêś nediy/nedît.
Lîbye hîn źî di destê Gaddafî da dike qîrreqîrr.
Li Suriye’yê Beśar Esad’ê qewad hîn źî li ser desthilatê ye. Dixwaze ku bi lîstikên ruvîkî îmana xelkê bike teneke.
Lê kurdên me yên bin sînor hîn źî ti tiśt bi dest nexistin. Loma źî hilweśîna sîstema dîktatorane u niźatperest ya Esad źibo kurdan tiśtekî pirr zerurî ye.
Aniha vê gavê perćeyê ku hêrî zêde nêzîkî azadiya xwa ye, ew źî perćeyê pićuk yê bin sînorê ye.
Ez dibêźim heźmara kurdên bin sînorê li dor sê mîlyonan hee ye. Dibe ku hindekî zêdetir źî bibe.
Bê guman ev heźmareke ne kêm e. Heger kurd bixwazin, dikanin gelek tiśtan li Suriye’yê biguherînin. Źixwa sîstem di destê kêmayiyeke dîndar ya elewî-śîî da buye wekî bombe. Lê divêt meriv van elewî-śîîyên ereb u kurdên elewî tevlihev neke. Ti eleqeya kurdên elewî u elewî-śîîyên ereb bi hev ra tun e.
Kurdên elewî bi esl u feslê xwa źi dîn u felsefeya pêxember Zerdeśt têne.
Loma em kurdên elewî tevda bune pepukê xelkê u kemalîzma qewad u tecawîzcî, gulinooo.

Roźa Min Ya Berdîberdayî

Li der eyameke berbat hee bu hîro. Yekcar germayiya hewayê des/deh pile daket, ango źi bîst u pêncan (25°) dakete dewsê (13°) pileyan.
Di vê navberê da carekê ćend dilop baran źi hatin ser erdê.
Min nîvroyê ću li klînîkê seetek u nîv werger kir.
Piśtî nîvroyê ez ê bićuma Bülach’ê, min ê li wir, li Kantonschule’yê (dibistana baźêr) li ser bîrhanînên xwa yên zaroktiyê u siyaseta ku li hemberî zimanê kurdî tê kirin, înformasyon bidina xwandekaran.
Divêt min di sinifekê da du caran semînar bida.
Her carê źî pêncdes/dewpênc xwandekar hatî bun. Źixwa xwandekarên din bernedan hundir, źibo ku bila herrin di semînerên din da beśdar bibin.
Piśtî xelas buna semînaran em di odeya mamosteyan da hatin ba hev. Li gorî gotinên wan, di semînerên din da xwandekar gelek kêm bune, hetta li ba semînerekê di cara duyem da qet kes nećune.
Welle li ba semînera min beśdar gelek bun.
Li hêla din źî semînera me gelekî baś derbaz bu.
Li odeya mamosteyan pakêtek wekî diyarî dan min, yan ćîkoleteyên xwaśik. Di nav zerfekê da źî du set frank tê da, Susanne hanî u xiste nav turika min. Helbet min nedizanî ćiqes tê da ye. Piśtî ku ez hatim malê, min vekir u diy/dît.

Źiber ku pîskîleta min li ba klînîkê bu, ez dîsan peya ćum wir. Gava ez derketim ser pîskîletê, min dît ku ha Nurśen źî li ser kolanê dimeśe. Ez bi hêdîka ćum ba wê, min li zengila pîskîletê xist u sekiniyam.
Piśtî silavên xwadê me hindekî gotina xwa dirêź kir. Bawer dikim em qendî seetekê bi hev ra li wir peyîviyan. Welle ez dibêźim kêfa me herduyan źî li śunê bu, loma źî me zêde bala xwa neda wextê.
Gava ez gêśtim malê, seet 18 u nîv bu. Min bi lez tiśtek vexwar, pirtukên qursa zimanê kurdî girtin u dîsan vegeriyam zangehê.
Pêśta ćum mensayê. Min Śefîk, Zekî u Memet źî li mensayê dîtin. Piśtî xwarina min em rabun ser xwa u ćun qursa kurdî.
Hîro tevda pênc kes hatî bun.
Yaw aniha we źi vê roźa min ya berdîberdayî ći fam kir, śekirno?

Swîsre’yiyan Hîro Îmana Biharê Kirin Teneke

Hîro źî wekî roźên dawiyê hewayeke pirr xwaś hee bu.
Min piśtî nîvroyê tenê qendî seetekê werger kir u hatim.
Di seet 16 u nîvan da ćum pîskîlet haźotinê. Pêra min berê xwa daa bezê.
Lê digel bezê piyên min hêśeke pirr ne xwaś dan min. Hîn źî lêdanên roźa îniyê yên li ba goog lîstinê xwaś nebune. Dibe ku heta dawiyê vê heftê źî derbaz nebin.
Helbet wê gavê ez ê roźa îniyê nikarî bibim goog bilîzim.
Bi raśtî źî kafirbavan bê dîn u îman li lingên min xistine. Di dema lîstinê da min ewqas zêde serê xwa pê nehêśandî bu.
Ê tabî piśtî germayiya bedena meriv derbaz dibe u pileya adrenalînê dadikeve, îcar malik li meriv diśewite, cîgerno.

Źiber ku hîro «Sechse Läute» li Zürich’ê hee bu, piśtî nîvroyê resmî tatîl bu.
Yanî Swîsre’yî hîro hatina biharê bi darxistinên mezin yên li ser kolanan pîroź dikin.
Cilên xwa yên tradîsyonel li xwa dikin, sîyarî erebeyên bi hespan dibin. Bi komên muzîkźenan, bi komên śagirtan, ciwanan, mêran, źinan, dezgehên sîvîl u ne sîvîl, komên tax u navćeyên baźêr berbi navenda baźêr dimeśin.
Ligel meśê hurumurên xwarinê yên śîrîn źî bi ser temaśevanan da tavêźin.
Digel ciyekî navend yê baźêr źi daran quleyeke mezin ćêdikin u li ser quleyê źî berfemêrekî (Böök) dadićikînin.
Paśê di seet 18ên li vir da êr/êgir lê didin. Li gorî geśiya êr u bi lez teqîna berfemêrik, texmînên Hecî Sofkî li ser hewaya îsal tên kirin.
Dibêźin ewdê îsal hewayeke pirr germ ćêbibe.
Ka ew śansa me, kaaa?
Bi xwadê me destê xwa źi zu va źi hewaya germik u nermik śuśtiye babam.
Tew bila herro baran nebare, ew źî têra me dike, birê min.

Yaaa Staaar!

Tevî ku hewa hîro ewqas xwaś bu źî, min ti tiśt nekir.
Doh min gotî bu ez ê sportê bikim. Lê mixabin ku hêśên min yên źi pêgooga roźa îniyê qet kêm nebun.
Min nexwast ku rewśa xwa xirabtir bikim.
Welle ći dibe bila bibe, sibeh xwadê źî were, nikane min pê bigire.
Ez hîro hêvarî tenê qendî ćil deqqan ćum meśê. Wekî din min hemî wexta xwa li malê derbaz kir ellawekîl.
Tabî wekî źi edetê min dîsan piśtî nîvroyê telefonî bavê xwa źî kir.
Ćima bu, nizanim, lê bavê min li ser welatên misilman pirr diqehiriya.
Her ćendî min xwast dilê wî hindekî haś bikim źî, zêde bi ser neketim.
Di nućeyan da li ser rewśa Suriye’yê min hîro tiśtek nediy. Welle ez ê pêsîra Suriye’yê qet bernedim. Di vê sala 2011an da śansa milletê kurd ya ku vî perćeyê pićuk u sêwî źi bin zilma erebên qewad xelas bikin, ne xewn u xeyal e. Raśtiyeke berbićav e.

Li Źeponye’yê erdhêźa nuh (bi 7,1 lêdanê) dîsan zirarên mezin daye hawîrdorê. Niha śeś atomreaktor hatine girtin.
Cara yekem li Tokyo’yê pênc hezar kes li hemberî atomreaktoran derketine ser kolanan u protest kirine. Źi ćil mîlyon kesên ku li Tokyo’yê diźîn, tenê pênc hezar kes, yabo qurbaninooo!
Ći ecêb e, heta niha źî li Źeponye’yê mixalefeteke bi hêz dernektiye u siyaseta resmî ya hukumetê nedaye ber lotikan.
Tew ewdê bi radyoaktîvîteyê bimirin, hîn źî camêr kuna xwa nalivînin.
Ewqas ava bi radyoaktîf kom buye, hêdî di depoyan da źî nikane were girtin. Gelek sewze bi radyoaktîvîteyê xera bune. Lê evdalên xwadê dîsan źî źi berazên qerase ra nabêźin «ćuśśś».
Źepon mîlletekî bi kîbîr in. Loma źî ewdê zu bi zu dev źi vê kîbîra xwa ya mîllî bernedin.
Îcar ći qizuluqurt li kurdên me yên kole hatiye, ez nizanim. Camêran xwa rep kirine, dikin qîrreqîrr u kezebên xwa di ber źeponan ra disoźin u dikin pizot yaw.
Ya star, yaaa staaar, bê lome nebe lo!

Tevliheviyên Roźane

Źiber ku doh li ba goog lîstinê lingên min bi têra xwa derbe xwarî bun u perćifî bun, min nekanî baś rabikevim.
Ligel ćerixîna di nav cilan da canê min pirr têśiya.
Vê sibehê di seet desan/dehan da rabum ser xwa. Nîvroyê min ću ćend tiśtên xwarinê kirriyan u hatim.
Hîn vê gavê źî lingên min têśin. Min berî du seetan derman têda.
Ka heta sibeh ti guhartin ćêdibe yan na.
Lê di raśtiyê da planên min yên cihê źibo hîro hee bun. Min ê hîro gelek sport bikira. Bi xwadê, bivê nevê meriv nikane li ba hewayeke husan xwaśik wexta xwa berhewa derbaz bike.
Hêdî sibeh ći dibe bila bibe, ez ê kêfa hewaya xwaśik źi dest xwa bernedim.
*
Li Suriye’yê protestên sîvîl dîsan dest pê kirine. Li gorî gotinan kêm-zêde ćil kes hatine kuśtin.
Li herêma Kurdistan’a pićuk źî meś hatine li dar xistin. Lê hîn li hev ketineke mezin pêk nehatiye.
Li Misir’ê źî xelk dîsan daketiye ser «meydana azadiyê». Lê îcar leśker xelkê bi zimanekî tund tehdît dike. Daxwaza millet ya ku H. Mubarek were dadgeh kirin, ligel leśkeran antîpatiyê ćêdike.
Bê guman tevgera leśkeran ya statukoparêz bi desthilatdariyê va girêdayî ye. Dibe ku sibeh, dusibeh meśên din ćêbibin u daxwaziya dadgeh kirina leśkeran źî bixwazin. Yanî elîta desthilat ewdê desturê nede ku di nav civakê da kevneśopiyeke wilo ćêbibe.
*
Min hîro di vîdeoyekê da hêrîśa li ser konên sîvîl yên li Amed’ê mêze kir.
Gava min guh li zimanê beśdarvanan daa ku, ći bibînim, camêran źi derî zimanê tirkên qewad pê va, peyvek źî bi kurdî bi kar nehaniyan.
Hey bila lanet li we u ehmeqiya we bêt u xelas. Di destê tirkan da bune nimuneyên herî berbat u rezîl. Hîn źî pê nehasiyane ku namusa camêran di bin destê zimanê tirkan da buye sifir quruś.
Îcar tirk li me mehluqatên aqilsivik ći bikin źî, me heq kiriye.
Hêdî em di destên siyasetvanên śarlatan da bune berdośên kultura zimanê tirkî u hew.

Piśtî Śeś Mehan Dîsan Goog Lîstim

Min hîro roźa xwa berdîberdayî derbaz kir.
Karê min źî hîro tune bu.
Tenê źibo seetekê ćum semînerekê u ewqas.
Gava piśtî semînerê źibo xwarina nîvroyê daketim mensayê, min li mensayê kurdekî me yê źi Kurdistan’a baśur diy/dît. Hîn em li ba xwarina xwa bun, îcar Zekî, Śefîk u Elîfe’yê silav dan me u derketin der, źibo ku li der rubinin.
Paśê ez źî qendî pênc deqqan ćum ba wan.
Di seet du u nîvan da hatim malê. Min dil dikir ku herrim pîskîlet haźotinê.
Lê min nekir. Źiber ku em ê di seet 5an da li ser qada googê ya Irchel’ê goog bilîstina.
Loma źî ez tenê qendî pênc deqqan ćum bezê. Pêra min berê xwa daa ciyê fîtnesê u qesî 45 deqqan bedenhêziya xwa ćêkir.
Lê min di tam seet 5an da entremana xwa xelas kir, derketim u ćum ser qadê.
Cîgerim Roman li wir bu.
Piśtî ćend deqqên din koma din ya ku hertim roźa îniyê googê dilîze źî hat.
Me qendî du seetan îmana hevdu kir teneke u wesselam. Dawiya dawîn me mać 10 u 4 bi dest xist.
Źiber ku ev śeś meh in ez qet nelîstî bum, ez u Roman em li ber qeleya me sekiniyan.
Ya raśt piyên min piśtî nîv seetî kêfa xwa qet bi xamiya xwa nehanîn. Lê dîsan źî ez lîstim.
Aniha vê gavê herdu lingên min źî perćifîne.
Ćend bê bext hee bun ku, qet nayê gotin ellawekîl.
Meriv dibêźe bêbavino źibo kuśtinê hatine goog lîstinê babam.

Pêgoog, Turnuve U Zaroktiya Li Pêy Googê

Di vê meha avrêlê da îsal hewayeke gelekî baś li der hee ye.
Meriv dibêźê qey havîn hatiye. Him hewa germik u nermik e, him źî roo/rooź xwa li ezmên pal kiriye, ha ha dilê me diperitîne babam.
Min piśtî nîvroyê heta seet 17an qesî sê seetan werger kir u hatim malê.
Berî du roźan min bi hevalê xwa yê Swîsre’yî Roman ra soza xwa kirî bu yek ku em hîro di seet 18an da bi hev ra herrin seetekê googê bilîzin.
Gava ez di seet 18an da ćum qada pêgoogê/fitbolê, Roman li wir bu. Me bi hev ra seetekê entreman kir u vegeriyan.
Di 30yê avrêlê da turnuveyeke pêgoogê hee ye.
Cîgerim Roman em źî bi tîmekê qeyd kirine.
Loma źî divêt em hindekî li ber bikevin u amadekariyên xwa bikin.
Ya min, ev śeś meh in ku ez qet goog nelîstim.
Di zaroktî u ciwantiya min ya teze da ez googbazekî pirr bi nav u deng bum. Ne tê gotin u ne źî tê xwarin ellawekîl.
Źiber ku em gelekî feqîr bun, birayê min yê ku xwadîtî li min dikir, nekanî bu ku min biśîne Stembol’a tirkan (her ćendî di raśtiyê da Stembol aîdî kurdan bibe źî).
Goog perćeyek źi bedena min bu. Min ewqas źê hez dikir ku, nikare were gotin.
Di gelek lîstikan da destur nedihate dayîn ku ez bi lingê xwa yê raśtê li googê bixim, yan źî pasan bidim hevalên xwa.
Tiśtê ku min bi googê nedikanî bikara, tune bu.
Texnîk u estetîka bi googê, orxenîze kirina tîma xwa, wekî makîne bê navber beza min, serê tîma li diźî me tevlihev dikir.
Kêfa camêran qet bi min nedihat. Loma źî hertim faulên pirr berbat li min dikirin.
Navê min li Stembol’ê źî di nav Erzingan’iyan da deng vedabu.
Lê nebu qismet ku ez herrim di nav taximeke mezin da bilîzim.
Bêxtê min ev buye.
Sî salên piśtî zaroktiya xwa, hîn źî carinan źi xwa dipirsim: «Ma ez ê hîro li ku bibuma, heger ez di taximeke mezin da pêgoog bilîstima? Ma min ê wekî hîro xwadîtî li ziman u milliyeta xwa bikira yan na?».
Qet nizanim. Dibe ku min bikira. Ez dibêźim semîmiyeta dil u mêźiyê meriv źi hemiyan girîngtir e. Li ku derê buyîna mirov tenê tiśtekî «îzafî ye».

Roman dixwaze ku ez di turnuveya 30yê avrêlê da li navenda qadê bilîzim, lîstika tîma me ava bikim. Heyatim dibêźe, «yên din nikarin vî barî hilbidin ser xwa u heta hêvarê bi performans di nav tevgerê da bimînin.».
Ê tabî ez źî hêdî ne wekî gurê berê me, birê min.
Bi dîn u îman, divêt ez niviśteke qirase bidim ćêkirin u wê źî bi kirasê heft pîran bidim pêćandin yaw.

De Bila Hîro Źî Filan U Fistix Bibe, Wîîî :-)

Hîro dîsan hewayeke biharî xwa li der li baa dikir.
Heger śaś nebim, ewdê sibeh hindekî din germtir u nermiktir bibe welle.
Hîro di seet yekê da li ba zangehê bum. Min ću li mensayê xwarina xwa ya nîvroyê xwar u paśê źî derketim u ćum klînîkê.
Min ê di seet yek u nîvan da dest bi wergerê bikira. Du termînên min hee bun, ango min ê qendî du seetan karê wergerê bikira.
Gava ez di seet ćar u nîvan da źi klînîkê derketim, bi lez hatim malê. Min kincên sportê li xwa kirin u ćum bezê.
Piśtî nîv seetî min beza xwa xelas kir. Pêra ćum ciyê fîtnesê. Min qesî pêncî deqqan entremana bedenhêziyê/bedenćêyiyê ćêkir u vegeriyam mala xwa.
Wekî her demê min serê xwa śuśt, xwarineke pićuk amade kir, xwar u ćum qursa zimanê kurdî.
Hîro tevda śeś kes hatî bun.
Piśtî qursê ez bi Aynur u Ceren’ê va heta ber mala min meśiyam.
Źiber ku riya wan hîn dirêź bu, piśtî xatir źi hevdu xwastinê, wan dîsan dest bi meśa xwa kir.
*
Ha ev e dîsan li Suriye’yê tiśtek nebu. Di nućeyên hîro da tê gotin ku dewleta niźatperest 48 girtiyên kurd berdaye.
Bê guman Baśar beg źi kuna xwa ditirse.
Li gorî ragiyandina medyayê, li Suriye’yê rewśa awarte ya źi ćil salan u bi vir da hatiye rakirin.
Welle tirsa zorê serê meriv dikelîne u dike pelul bi dîn u îman.
Lê heta ku ew qirikdirêźo li ser desthilatdariyê bimîne, halê me kurdan ne ti hal e.
Tevî vê źî śansa kurdan ya ku li perćeyê pićuk azadiya xwa bi dest bixin, ne xewn u xeyal e. Dibe ku ev xewn u xeyalên bi sedan salan hefteya tê bibin raśtî.
Law, ma źi vê nermiktir u germiktir ći hee ye, qurbaninooo?
Yaw bi sê telaqên źin berdanê, ez ê hema daweteke qirase li dar bixim.
Ma hun dizanên ez ê serê govendê bidim kê, hi?
Welle gurćikino, bi soza mêrê ćê ez ê bidim xaltîka me ya agirpêketî Fatê, ihi :-).

Roźeke Belbelokî

Hewaya hîro xera nebu. Źi sibehê heta vê hêvarê tav li ezmên bu.
Bê guman wekî berî ćend royan ewqas germ nebu.
Ez vê sibehê di seet heft u nîvan da rabum ser xwa. Di seet heśt u nîvan da min ê werger bikira.
Yanî bi ser hev da min hîro sê seet werger kirin. Di raśtiyê da pênc seet bun. Lê źiber ku du termîn hatin îptal kirin, tenê sê termîn bi śun da mayî bun.
Piśtî nîvroyê min ću qendî seet u nîvekê sporta xwa źî kir.
Di seet heftan da qursa zimanê kurdî hee bu. Loma źî ez bi lez hatim malê, min serê xwa śuśt, pariyek nan di nav sê-ćar deqqan da xwar u derketim der.
Ez tam di dema xwa da gêśtim qursa kurdî.
Hîro śeś kes hatî bun. Du heban gotin, dibe ku ew paśê nikarî bibin werin.
Bi baweriya min, dilê camêran u zimanê kurdî zêde li hev nakin, tevî ku kurdiya devkî ya herêma xwa dizanin źî.
Ev herdu hevalên ku naxwazin werin, di raśtiyê da heta niha qet rêk u pêk tev li qursê nebun. Li malê dersên xwa nakin. Ćawan źi qursê derdikevin, wilo źî vedigerin u têne qursê...
*
Di nućeyên hîro da min tiśtekî balkêś nediy/nedît.
Tevî ku ev ćend roź in ez li benda buyerên li Suriye’yê me, atmosfer hînê źî bi têra xwa li wir germ nebuye.
Lê ći dibe bila bibe, divêt kurd bi śiklekî źîrane atmosferê germtir bikin.
Perće buna Suriye’yê ewdê li ser riya ava kirina Kurdistan’a mezin, stuneke pirr bi xurt bi erdê da daćikîne.
Bi serê kalikê min bibe, me hertim digot em ê pêśta źi perćeyê mezin dest pê bikin u Kurdistan’ê azat bikin.
Lê dîrok carinan henekên xwa li mirov dike u dibêźe, «qaśo hun źî zane ne ha, hey tifuuu», u tiliya xwa tavêźe me ellawekîl.

Tiraliya Hîro Tam Li Gorî Hewayê Bu

Źiber ku hîro karê min zêde tune bu, min bi temamî wexta xwa li malê derbaz kir.
Piśtî nîvroyê di seet 15 u nîvan da min źibo seetekê werger kir u dîsan vegeriyam malê.
Hindekî westiyayî bum.
Loma źî min qendî bîst deqqan xwa dirêź kir.
Gava ez di seet śeśan da źi ciyê xwa rabum, min ćayek ćêkir, bi nan, hungiv u pendur xwar.
Paśê ez ćum markêtê u min ćend tiśtên xwarinê kirriyan.
Herweha hîro roźa paa/pakiź kirina mitfaxê ya min bu.
Êêê, min mitfax źî paa kir. Heger niha diya min li źiyanê bibuya u ez di vî halî da bidiyama, ewdê bi dengekî berz/bilind «wey pepukê, wey pepukêêê!» bigota u selaweta xwa bihaniya. Bi telaq ewdê weha bibuya.
Li gorî śertên ku me daynîne, kesê/a ku ciyê xwa paa nake, hingê meźbur e ku hefteya tê hemî malê paa bike.
Bi xwadê, min heta niha źî hertim ciyê xwa bi rêk u pêk paa kiriye.
Min sporta xwa ya hîro źî ćêkir. Lê ligel bezê min zêde dirêź nekir. Tenê qendî śeś kîlomêtroyan beziyam u ewqas.
Hewaya hîro pirr berbat bu. Bi carekê va dudes/dewdu pile daket u bu 13°. Tevî ku doh u pêr hewa ewqas xwaś bu źî, kêfa min bi hewaya hîro qet nehat.
Divêt hîśev dîsan giran giran germtir bibe.
Bi raśtî źî hewaya baś meriv pirr nermik u germik dike, birê min.
Źixwa bi lotikan źî ava serê meriv dikele yaw.

Du Roźên Revokî U Xewîn

Min du roź in ku tiśtek nenivîsiya.
Ći derewan bikim lo, wexta min ćênebu u xelas haaa.
Roźa îniyê ez li restorenta heval Newzat bi berpirsiyara orxenîzeya dibistana li Bülach’ê ra hatim ba hev. Dudesê/dewduyê vê mehê ez ê źî wekî nunerê ziman u ćanda kurd-î tev li «hefteya zimanan» bibim u xwandekaran li ser ziman u ćanda kurd-î haydar bikim.
Xwarina me ya hêvara roźa îniyê źi seet 19an heta 20 u nîvan haźot. Xatun Susanne’yê hindek înformasyonên pêwist di derbarê śexsê min da girt, daku bikarî bibe min di destpêkê li xwandekaran bide nas kirin.
Gava ez śeva îniyê di seet 23an da vegeriyam malê, min diy/dît ku ez bi têra xwa xiśo-miśo bume, min zêde xwa negirt, bi lez didanên xwa paa/paqiź kirin u xwa havite nav nîvînên xwa, babam.
Loma min nekaniya tiśtekî u filan u fistix binivîsînim yabo.
Ev yek, śekirnooo.

Doh źî tevrunera min Maura’yê li ba hevalê xwa xwarineke bićuk amade kirî bu. Lê wê ez źî vexwandî bum. Em tevda śeś kes bum. Ez heta seet 23an li wir mam.
Paśê min oxir źi camêrên amadeyî xwast, reviyam u hatim mala xwa.
Bi xwadê, ez doh źî gelekî westiyayî bum.
Tevî ku min zêde sport nekirî bu źî, xewariyê bi min girtî bu.

Sporta ku min doh kir, ew źî bi hevalê min yê Swîsre’yî Roman ra qendî seet u nîvekê haźotina pîskîletê bu.
Lê min hîro him pîskîlet haźot u him źî qendî seetekê źî ćum bezê.
Piśtî vegerê min hindek hurumur xwarin, googa/gooya xwa girt destê xwa u ćum qada pêgooga/fitbola zangeha Irchel’ê.
Min li wir qesî seetekê entremana bi googê kir u dîsan vegariyam u hatim malê.
Law bi serê xaltîka Fatê bibe ku min di nav van du roźên dawiyê da tenê ev tiśtina kirine ha.
Ê tabî, hewa źî dawiya vê heftê ewqas nermik u germik bu ku (25°), ne tê tarîf kirin u ne źî tê xwarin ellawekîl.

Ćend Moriyên Min Yên Hîro :-)

Welle cîgerno, hîro min tiśtekî balkêś nekir yaw.
Tevî ku min tiśtek nekiriye źî, mîna ku min karê deh keran li ser piśta xwa bi vir u wir da birî u hanî bibe, li min têt ellawekîl.
Di seet dudesan/dewduyan da qendî seetekê tev li semerekê bum. Piśtî semînerê min ću źibo seetekê werger kir. Gava min karê xwa xelas kir u xwast ku derbikevim, xatun psîxiyatrîst źi min ra got, «ma wekî din termîna me hîro bi hev ra tun e?».
Min got, «naaa, xelas bu». Dîsan dubare kir u got, «ma tu źi sedî sed pê bawer î? Min digot termîneke me ya din źî di seet sisiyan da hee ye.».
Paśê derket holê ku wê źi bîr kiriye ku źibo termînekê telefonî min bike u źi min ra bibêźe.
Źiber ku wekî din karê min nemayî bu, ez li wê derê mam. Piśtî hatina kesê nexwaś min dîsan seetekê werger kir.
Gava ez hatim malê, seet ćar u nîv bu.
Di seet śeśan da ez ê li restorenta hevalê xwa Newzat bibuma. Ez u xatuneke Swîsre’yî, em ê bihatina ba hevdu. Li gorî gotina wê, ewdê «hefteyeke zimanên biyanî» li dibistanekê, li Bülach’ê, orxanîze bikin. Bi saya heval Newzat xatunê bi min ra źî têkilî daynî u xwast ku ez źî di vê ćalikiyê da cih bigirim, xwandekaran li ser rewśa zimanê kurdî u siyaseta asîmîlasyonê ya ku di nav źiyana zarokên kurdan da aktuwel e, bînim zimên.
Ez ê qendî nîv seetî bipeyîvim u dewpênc deqqan źî bersîva pirsan bidim.
Gava min ćakêta xwa li xwa kir u xwast ku derbikevim, xatunê telefonî min kir.
Min doh źê ra e-mailek śand u got, wexta min tenê qendî seetekê hee ye, źiber ku divêt ez di seet heftan da li ba «hêvara ćandê» bibim. Min got, heger ew bixwaze, em dikarin roźa îniyê źî bêm ba hev.
Piśtî em bi hev ra peyîviyan, wê got baśtir e ku em sibeh bikin, bila teśxele ćênebe.
Herweha wê ez źibo xwarina hêvarê źî ez dawet kirim. Yanî em ê sibeh bi hev ra li restorenta heval Newzat bixwin.
Paśê ez ćum mensayê. Min śîva xwa xwar u derketim ćum ciyê «hêvara ćandê». Hîn kes nehatî bu. Ez kesê yekem bum. Min bi tesedufî hevalê xwa yê Swîsre’yî, Ivo, li wir dît. Ewdê bićuya tev li semînerekê bibuya. Piśtî des/deh deqqan wî oxir xwa źi min xwast u ću.
Li ba vê «hêvara ćandê» em hîro bi zêdeyî li ser miźarên roźane yên siyasî peyîviyan. Helbet miźar bi gelemperî ziman u kultura kurd-î va girêdayî bu.
Aqilsivikiya siyaseta partiyên kurdan, tesîra vê yekê ya li ser mirina zimanê kurdî u hwd.
Tabî źiber pirsa Ceren’ê ya di derbarê «Gilgameś» da źî, em bi têra xwa bi efsaneya Gilgameś miźul kirin.
Kêm-zêde me sê seet wexta xwa bi hev ra derbaz kir u îmana vê «hêvara ćandê» źî kir teneke, śekirno.

Ehmed’ê Kurdî U Roźîn’a Tirkćî!

Min hîro źi nîvroyê heta vê hêvarê ćar seetan werger kir.
Gava ez źi wergerê derketim, seet dihate 18an. Loma źî ez nehatim malê, źiber ku di seet 19:15an da qursa kurdî hîro hee bu.
Lewra ez dîrekt ćum mensaya zangehê źibo śîvê.
Di seet 19an da rabum ser xwa u ćum sinifa qursa me.
Hîro tevda ćar kes hatî bun.
Ceren berî des/deh roźan bi komeke govendê źibo ceźna newrozê ćubu Amed’ê. Berî ku ew bićin min bi henekî got, bila diyariyên me źî źi bîr neke.
Lê wê rabuye śaleke gelekî mezin źi Amed’ê źibo min haniye. Welle ez hindekî sor-mor bum lo. Bi serê xaltîka Fatê bibe, kêfxwaś źî bum yanî.
Êêê, ez ći bikim śekirno, hêdî tiśtê buyî, buye ha.

Min hevpeyvîneke dirêź hîro xwand (http://diyarname.com/news.asp?Idx=4457).
Ez nizanim li we źî nas e yan na. Ma hun źî Ehmed’ê Kurdî nas dikin, cîgerno?
Di sala 1925an da ćêbuye. Apê me źiyana xwa di ber zimanê kurdî ra daye.
Źibo diźminên milletê kurd u kurdî nefret u lanet źi xwa ra kiriye selewat.
Apê me di vê hevpeyvînê da dibêźe:
«Her ku em peyvikekê handa dikin, em tanqekê teslîmî diźmin dikin!».
Bi raśtî źî apê me tespîteke pirr baś kiriye.
Ez bibim, ez ê bibêźim, ne tanqekê, lê em gundekî mezin didin diźminên qewad u bê namus.
Bawer bikin ku ti partî u ronakbîrekî/e kurd yê/ya tewśo-mewśo źî li vê xeternakiya bêbext nehesiyaye.
Apê me Ehmed’ê Kurdî bavê stranbêźa navdar ya Roźîn’ê ye. Roźîn’ê di televîzyona tirkan da bavê xwa Ehmed’ê Kurdî wekî «kurdekî faśîst» bi nav kirî bu.
Ćima, hun dizanin? Źiber ku bavê wê li malê zimanê tirkên qewad berbirr/qedexe kiriye. Xanimê pirr pê hêśiyaye!
Min bi xwa cara yekem Roźîn di RoźTVyê da guhdar kirî bu. Paśê di TRT 6ê da ew dîtî bu.
Źineke pirr bê edeb u aqilsivik e. Kompleksên wê yên śexsî bune belaya serê wê.
Heger derfet ćêbibe, ewdê bê him u gim di kêliyekê da pîhnekê li eslê xwa bide.
Bi dîn u îman, gava ez vê xatuna psîkopat dibînim, atmosfer li min germ dibe.
Ê kećê tu hezar carî qurbana binê lingên wî bavê xwa bibî u wesselam.

Stresa Min Ez Hîro Kelandim Law, Weyyy!

Hîro kelecaniyeke mezin ćêbu.
Piśtî sporta xwa, ez di seet berbi sisiyan da ćum klînîkê. Min ê werger bikira.
Gava ez di seet ćaran da źi wergerê derketim, ez dîsan bi pîskîleta xwa bi lez hatim malê.
Ewdê di seet ćar u nîvan da xizmên min bi erebê bihatina u em ê bi hev ra bićuna dezgeha seqetan.
Lawikekî wan hee ye, niha bîst u heft salî ye u li avahiya seqetan dimîne.
Hîro civîna salê hee bu.
Ez źî wekî wergêr bi wan ra ćum. Wan źi dezgeha berpirsiyar daxwaza wergêrekî kirî bun u navê min źî dayî bun wan.
Bê guman keća wan Meral źî bi elmenî baś dizane. Lê źiber ku ew źi eynî malbatê ye u kesê seqet źî brayê wê ye, ligorî śertên dezgehê nayê qebul kirin ku ew wergêrtiyê bike.
Civînê ewdê di seet 17an da dest pê bikira.
Źiber ku di seet 19:15an qursa zimanê kurdî hee ye, min di rê da got, heger em 1:45an , yanî herî dereng di seet 18:45an rabibin, ewdê baś bibe.
Wan got temam. U em hatin u derbazî ciyê civînê bun.
Lê piśtî ku her tiśt di seet 18:30an da xelas bu, îcar dest bi gotinên vik u vala kirin. Her ćendî min di vê navê da ćend caran źi źina xizmê xwa ra got em rabibin źî, cîgerim zêde li ber xwa neket.
Em tam di seet 19 kêm 5an da rabun, yanî źi qursa zimanê kurdî ra bîst deqqe mayî bun.
Îcar camêrê ku źi dezgeha sosyalê hatî bu, xwast ku bi min ra li ser heqqê wergêrtiyê bazariyê bike. Ya raśt ez hindekî aciz bum.
Tercumantî u bazarî, heylooo!
Min bi hiśkî heqqê wergêrtiyê źê ra got u birriye.
Camêr bi xwa ra źineke ku hînî pratîkê dibe źî hanî bu. Lê xatuna berdîberdayî emma źî xatun bu haaa. Di devê wê da benîśt ha ha benîśta xwa bi teq u req dicuya.
Ê tabî dawiya dawîn ez pênc deqqan dereng mam źibo qursê.
Streseke mezin źibo min ćêbu. Bedena min ha ha germ dibu.
Gava ez bi bez derketim qata duyan, min mêze kir ku tenê du heb «śekirok» hatine.
Kurd u kurdî?!
Cîgerino, em him bune belayê serê xwa u him źî yê xelkê alemê.
Hevalekî min yê Swîsre’yî hee ye. Carekê gava em li ser miźarekê bi hevdu ra dipeyîviyan, źi min ra gotî bu: «Ku maddeyê di destê meriv da xerab/berbat bu, meriv hew dikane źê tiśtekî bi quwalîte ćêbike.».

Hey Tifuuu Li Śansa Me Kurdan, Babam!

Ez hîro di seet des/deh u nîvan da pêśta źibo bîst deqqan ćum bezê. Li ser riya xwa ya bezê min berê xwa daa fîtnesa zangeha Irchel’ê.
Min di ciyê bedenhêziyê da qendî seetekê entremana kir u di seet 12 kêm dehan da vegeriyam mala xwa.
Źiber ku di seet 13an da termîna min ya wergerê hee bu, divêt min bi lez serê xwa biśuśta u bićuma.
Ez tam di wexta xwa da gêśtim klînika psîxiyatriyê.
Min bê navber ćar seet werger kir. Pêra ćum menseya zangehê ya li nêzîkî klînîkê, śîva xwa xwar u hatim malê.
Źiber ku ez hîn têr nebubum, min ćayek źibo xwa ćêkir, bi tevî hungiv u pendura źi Erzingan’ê, yanî paytexta Kurdistan’ê lo, xwar. Tabî hindek źî masta bi dirrikan weki śîranî źi xwa ra helal kir ellawekîl.

Wan roźan reaktora atomê ya li Fukushima’yê buye belayê serê dinê. Vê gavê ćel kîlomêtroyên li dor reaktorê hatine berbirr/qedexe kirin. Li gorî ragiyandinên zanyaran aniha radyoaktîvîte di nav atmosferê da źî belav buye. Berî du roźan zanyaran di nav ewrên li ser Swîsre’yê da źî radyoaktîvîte tespît kirî bun.
Lê andêrê, ev du roź in ku li vir carcarinan śilî/baran źî dibare.
Dibe ku erd bi barîna vê śiliyê bi radyoaktîvîteyê were xera kirin.
Bê guman ewdê sewze, heywan u śîr źî bi têra xwa di bin tesîra vê da bimînin.
Ev ćend roź in ku min ê bićuya îyot bikiriya źiber radyoaktîvîteyê. Lê min her carê źî źi bîr kir u ću. Berpirsiyarên źibo tenduruśtiyê dibêźin, sedem nîn e ku millet bikeve nav geremol u teq u reqê, haaa.
Źiber ku aniha pileya radyoaktîvîteyê bîst hezar (20.000) caran di bin pileya normal da ye.
Welle li ser pilê yan źî li bin pilê, qet źî xema min nîn e.
Divêt ez karê xwa têkuz bikim.
Law źixwa tirk, ereb u farisan tiśtê li me kirî, kirine, yabo qurban.
Îcar ev źaponên bićuk u reaktora wan ći quzul u qurt bu ez nizamin, waweylêêê.
Hey tifuuu li vê śansa me kurdan u wesselam, babam.

Azadiya Kurdistan'a Pićuk U Suriye'ya Dagirker

Doh hewayeke pirr xwaśik u germik li hawîrdorê hee bu.
Helbet bi vê firsendê min źî kêf li ser kêfê kir u îmana heft kalikên xwa bextiyar kir welle.
Pîskîlet haźotin, beziyan u ćuna meśê li gorî demsalê tevgerên di cih da bun bi dîn u îman.
Hîro źî ćum pîskîlet haźotinê. Berî seetekê wegeriyam. Piśtî nîv seetî źî ez ê herrim bezê.
Tabî paśê źî divêt ez serśoyê paa/paqiź bikim, hîroź dora śerśoyê ya min e.

Min hîro nîvroyê lêkolîna bi sernavê «zimanê sanskrîtî -1-» xelas kir u źi amidakurd.com’ê ra śand. Ez ê di pêśeroźê da beśên din źî amade bikim u bidim weśandin. Zimanê sanskrîtî u kurdiya kevn (digel «avestî») «xwang u birayên» hevdu ne u herdu źî źi zimanê «ariya paśîn» têne.
Di derbarê zimanê kurdî da kesê ku lêkolînên «zanyarî» bike/dike, mixabin ku nîn e. Ćend qeraseyên mêran hee ne, ya star, ew ći lome ye heyran. Camêr bi ćîrok u metelokên berdîberdayî îmana zimanê kurdî dikin teneke ellawekîl. Zimanê kurdî dikin wekî śorbeya nîskê.

Di nućeyan da tê gotin ku li Suriye’yê tengasiyên qerase pêk tên. Ez hêvîdar im ku rewś tenê bi van lotikan nemîne u gurrtir bibe u serê Esad’ê kerbav bi mîrkutekê bike daśira herî berbat ya cîhanê, babam.
Lê vê gavê «kurtt» u «durzî» neketine nav tevgerrê. Dîsan źî dibêźin ku Esad’ê kerbav leśker u polîsên xwa bi ser perćeyê pićuk yê Kurdistan’ê da diśîne.
Bê guman tirsa Esad’ê bê namus ya herî mezin, kurd in.
Heta ku kurtt li Kurdistan’a Suriye’yê serî hilnedin u cih li sîstemê teng nekin, dibe ku ti guhartineke bingehîn ćênebe.
Lê divêt berî ku kurtt gavekê bavêźin, peśta hezar carî bifikirin. Ev śanseke weha ye ku meriv nikane dubare bi dest bixe. Luksa kurdan ya ku derfeteke weha hêźa ya dîrokî berteref bikin źî, hîć nîn e.
Li Rusye’yê roźnameya «Pravda»yê di nivîsekê da mizgîniya azadiya Kurdistan’a peśeroźê daye.
Law gava rus «wotka»yê vedixwin, pirr nermik u germik dipeyîvin, birê min.
Lê hêviya min ew e ku îcar venaxwarî bibin u gotina wan raśt derbikeve.
De bila li ser xêrê bibe.

Roźeke Bi Sport U Filan U Fistix

Êêê, min hîro îmana meselê tevda kire teneke u wesselam, cîgerno.
Ez di seet yekan da źi semînerê derketim u ćum bîroya/ofîsa tiśtên diyî. Min hîro sibeh carekê telefon kir u karkerê li bîroyê pirsiya, ka kaskêtek li ba wan hatiye dayîn yan na?
Lê camêr got, «herê, bi tevî śuśeyeke avê hatiye diyîn.».
Min got, «welle min śuśe u filan u fistix handa nekiriye, ya min tenê kaskêtek e.».
Gava ez di seet yekê da ćum bîroyê, min kaskêta xwa ya li dar va kirî, źi dur va dît.
Karkerê bîroyê kaskêta min hanî u daa min. Min spas kir, ćend henekên tewśo-mewśo kirin u źê xatir xwast.
Paśê ez ćum mensayê. Min li mensayê meqerneya bi gośt girt u derketim ber deriyê mensayê. Min di pêncdes/dewpênc deqqan da xwarina xwa xwar u rabum ser xwa. Ez ê bićuma Klînîka Psîxiyatriyê. Kećek źi Awusturye’yê źibo pratîkê hatî bu u kar dikir. Tenê qendî mehekê. Ewdê hîro bi śun da vebigeriya. Min ê źê ra xwaśî u basî di pêśeroźê da daxwaz bikira. Lê gava ez ketim hundir, karkerê ku karê sosyalê li klînîkê dike, źi min ra got, «berî pênc deqqan ću.».
Śansa wê u ya min berbat buye, ez ći bikim. Xatunê ćend caran źi min pirsiya bu, ka ez ê li wir bibim yan na.
Min doh diyî bu. Lê beriya ku ez źi wergerê derbikevim, ew ćuyî bu. Loma źî me nekaniya hevdu bibînin.

Piśtî seet duduyan ez hatim malê. Źiber ku hewa hîro źî pirr xwaśik, germik u nermik bu, seet di sê kêm ćaryekê da ez ćum pîskîlet haźotinê.
Li ser riya vegerê ez ćum dukana kurdê me yê źi Semsur’ê, Fermo’yê. Min hindek mêwe u zebeś kirriya.
Ez bi zebeśê pirr kêfxwaś bum. Min heta niha źî di demsala biharê da zebeś nexwariye.
Ez źi zebeśê pirr hez dikim. Hertim hewaya havînên li Kurdistan’ê tîne bîra min.
Pêra ez ćum bezê. Piśtî vegera min ya źi bezê, min bi lez ćend parî nan bi hungiv xwar, hewlu u lepikên xwa yên źibo fîtnesê girtin u berê xwa daa salona fîtnesê ya zangehê.
Min źi du seetan zêdetir bedenhêzî/bodybuilding kir u di seet nehan da źî hatim malê. Serê xwa śuśt, xwarineke basît amade kir, xwar u ćum gerra xwa ya hêvarê.
Bi tevîhev min hîro tam pênc seet sport kir ellawekîl, gurćikino.
Bi xwadê, gava mesele sport dibe, ez nikanim zêde li ber xwa bidim, dibim wekî golikê moz pêgirtî yaw.

«Kesê ku li ser pêśeroźa xwa nafikire, ewdê pêśeroźa wî źî nebe.»

Ćend roź in ku hewa hatiye îmanê. Germayiya di atmosferê da dilê min źî germ dike.
Meriv bixwaze nexwaze bêtir bi kelecan dibe, daxwaza dilê meriv ya ku dixwaza rabibe ser ćar gavan, ha ha dide ber lotikan.
Źiber ku di van ćend roźên dawiyê karê min zêde bu, min nekanî bi têra dilê xwa herrim sportê.
Digel vê bê śansiya min, min kaskêta xwa źî handa kir, offf of!
Hîro ez ćum bîroya/ofîsa tiśtên diyî, mixabin ku derî girtî bu. Loma źî ev kar źî maa sibehê.
Hey tifuuu :-).
Welle tifu bi vir da, tifu bi wir da, karê min bi tifu kirinê narre sêrî.

Min hîro tam pênc seetan bi kurdî u elmenî werger kir. Tabî serê min bi têra xwa perćifî, bu wekî kundir ellawekîl.
Gava ez vê hêvarê piśtî seet pêncan źi karê xwa derketim, yekser ćum mensaya zangehê/unîversiteyê, źibo ku śîva xwa bixwim u vegerim malê.
Ev demek e, her cara ku ez di nav korîdora ligel mensayê ra derbaz dibim, gotineke balkêś ya di camekanê da xwa li min beloqî dike.
Min carekê li navê xwadiyê gotinê źî nihêrî, lê mixabin ku min navê camêr źi bîr kir u ću. Êh, dibe ku ev źî nîśana kaltiyê u filan fistix bibe yaw :-).
Gotin bi elmenî ye. Husan hatiye nivîsîn:
«Wer nicht über seine Zukunft nachdenkt, der wird auch keine Zukunft haben.».
Ango merî bi kurmanciya germik u nermik bi vî hawî dikane wergerîne:
«Kesê ku li ser pêśeroźa xwa nafikire, ewdê pêśeroźa wî źî nebe.».
Bi serê merê ćê yê berê bibe, kêfa min bi vê gotinê hat, tevî ku ez bi xwa bi zêdeyî kesekî romantîk im źî.
Bivêt nevêt kurtt (= «kurd») u zimanê kurdî hate bîra min. Bê guman pêśeroźa milletê kurtt u Kurdistan’ê źî bi hebuna zimanê kurdî va girêdayî ye.
Îcar kurtt bi xwa bune qurbana asîmîlasyona tirkan, bune qurbana siyaseta partî u ronakbîrkokên duru u zikreś. Me bi saya vê siyaseta heramzade elementên hee buna xwa yên mîllê tarumar kirin u ruhê xwa bi tevayî bi gemariyên tirkan tîźî kirin.
Kesê herî saxlem yê kurtt źî xwa źi kurtt bunê zêdetir nêzîkî tirk bunê hîs dike.
Heger hun li min bawer nakin, de bi kerema xwa carekê źi wan śarlatanan bipirsin, ka ew źi kîźan welatî têne, navê welatê wan ći ye.
Ku we wekî bersîv «Tirkiye» nebihîst, ez ê «kirasê heft pîran» li xwa bikim, ihi.

Roźeke Bi Lotikên Bergîlkî

Hîro min xwa gelekî li tiraliyê daynî.
Gava ez vê sibehê rabum ser xwa, piśtî seetekê min dîsan śunda xwa havite nav nîvînan. Bazuyên piyên min têśiyan, tevî ku min di van du roźên dawiyê da qet sport źî nekirî bu. Haaa, min hîro sporta xwa kir ellawekîl.
Ez dibêźim, ez ćiqas kêm sportê dikim, ewqas źî zêde bazuyên min têśin, ez xwa westiyayî hîs dikim.
Dibe ku baśtir bibe, heger ez navberê nedime sportê.
Lê babam źibo vê źî wextê dixwaze. Źiber ku hewa hîn bi têra xwa germ nebuye, meriv nikane sibehê zu rabibe u herre sporta xwa bike.
Dawiya vê heftê ewdê roź seetekê werin dirêź kirin. Loma źî ez niha bi ćar ćavkî li benda roźa yekroyê/yekśemê me.
Divêt ez vê heftê źî xwa îdare bikim.

Pistî nîvroyê min qesî du seetan, ango heta seet 16 u nîvan werger kir. Paśê bi lez derketim der u ćum nexwaśnaneya Zollikerberg’ê. Kećikeke hevalekî min yê hindî, Raj, ćêbuye. Źiber ku di seet heftan da qursa zimanê kurdî hee bu, wexta min zêda nemayî bu.
Ez bi lez ćum nexwaśxanê, qesî ćil u pênc deqqan li wir, li ba Vidya’yê mam. Navê keća xwa źî Tanîśî daynîne. Lê min Raj nedî. Raj źî ewdê źi kar dîrekt bihata wir. Paśê wî telefon kir u got, ew li stasyoneke ćeft daketiye u nikane di dema xwa da were nexwaśxanê.
Loma źî berî ku Raj bêt, ez źi nexwaśxanê veqetiyam u ćum qursa kurdî.
Hîro tenê sê kes hatî bun. Ew źî cîgerim Bernas, Selda u maestro/hoste xalê Mihê bu :-).
Min kaskêta xwa źî nedî. Divêt ez sibeh carê herrim bîroya/ofîsa tiśtên diyî.
Ka ew śans, kaaa? Mîna ku bi kurdî tê gotin: «Tiśtê ćuyî ću, hêdî nede duu».

Dîsan Newrozeke Bêy Ala «Kesk U Sor U Zer»!

Min hîro berbi nîvroyê ću qendî sê seetan werger kir u hatim mala xwa.
Lê źibo ku hîro qursa kurdî hee bu, ez dîsan di seet śeś u nîvan da ćum zangeha Zürich’ê.
Hîro pênc kes hatî bun.
Piśtî qursê ez bi tevî heval Memo u Śefkî heta Milchbuck’ê meśiyam. Em hema hema qesî seetekê li wir bi hev ra peyîvîn u paśê źî źi hevdu veqetiyan.
Mala min źi Milchbuck’ê ewqas dur nîn e, bi peya deh deqqan dikiśîne. Lê dîsan źî ez li pîskîleta xwa siyar bum. Źi niśkê va ez li ser pîskîletê pê hesiyam ku min kaskêta serê xwa ya źibo pîskîlet haźotinê di sinifê da źi bîr kiriye.
Welle vê yekê ez hêrs xistim. Divêt ez sibeh careke herrim u mêze bikim, ka kaskêta min li śuna xwa ye yan na.

Li gorî nućeyên ku min hîro di înternetê da xwandin, dîsan îsal źî di newroza li Amed’ê da ala Kurdistan’ê nehatiye hildan. Tenê komeke pićuk ala Kurdistan’ê hildaye u li qada meśê gerrandiye u ewqas.
Bê guman meriv źi bê îdraqiya BDPê pirr aciz dibe. Meriv hew dikane siyaseteke ewqas śerpeze temsîl bike.
Tevî ku ev not sal in tirkên niźatperest ha ha nirxên kurdan yên netewî źi holê radikin, di ćavên kurdan da wekî tiśtekî gemar nîśan didin, ev têr nake, îcar siyaseta BDP u PKKê źî li ser van buye ava zemzemê.
Źixwa van herdu zîhniyetên kud źî îdeoloźiyên puć u vala daynîne ber ziman u ćanda kurd-î.
Lê îdeoloźî tên u terrin, yê ku li paś dimîne ziman u kultur e.
Ku ziman ću, hêdî hanîna wî ya bi śun da ne mumkun e.
Loma źî divêt kurt xwa li duv îdeoloźiyên bê mahne nekin qeśmer u nebin sebeba tune buna xwa ya mîllî.
Ev zilm e, ev bê wîźdanî ye.

De Bila Newroza We Pîroź Bibe, Śekirno!

Doh li Kurdistan’ê Ceźna Newroz’ê bi coś hate pîroź kirin. Li gorî ragiyandinên medyaya kurdî, bi mîlyonan kurt tev li wan ćalakiyan bune.
Lê roźa min doh hindekî bêdeng derbaz bu. Min doh nîvroyê pêśta telefonî bavê xwa kir. Hêvarê źî telefonî birayê xwa kir. Tabî keća birayê min Duygu derkete telefonê. Min pê ra tenê bi kurdî deng kir. Wê źî bi tirkî. Lê min careke lê mêze kir ku her tiśtê ku ez dibêźim, fam dike. Îcar min bi devoka me kela dilê xwa li sermayê xist, kir cemed ellawekîl. Di nav gotinê da min got, «binêre cîgerim, ku ez roźekê hatim wê derê, qet nebêźe ku ewdê apo Beghyanî bi me ra tirkî bipeyîve, aha źi min gotin. Heger kêmasiyên te hee ne, herre wan ćareser bike, ihi.».
Welle wê qet kêfa xwa xera nekir u got, «tewlooo, ma ew źî problem e, apo?». Paśê min bi diya wê ra u pê ra źî bi bavê wê ra, yanî birayê min ra gotina xwa bi kurdî dirêź kir.
Min berê źî źi wan ra gotî bu, daku bila źi niha u wir da zimanê tirkên niźatperest u bê namus źi bîr bikin. Wan źî soz daa min.
Ez di facebook’ê da źî bi Duygu’yê ra tenê kurdî dinivîsînim. Xwadê hee ye, kurdiya wê ya nivîskî źî bi hêdîka bi pêś da terre.
Duygu’yê hîro di facebook’ê da kilameke bi kurdî weśandî bu. Min di śîroveya xwa da ev nivîsiya:
«Êêêêê, kurmancî him nermik u him źî germik e, kećê :-). Yaw heyatim zimanê tirkan berde haaaaa ;-). Pać dikim.».
Wê źî wekî bersîv ev nivîsiye (qet destê xwa nadimê):
«Ez ji heznakım zimane tirkan appo berdim walle :) galek spas ez ji pach dikim cawe te da :)».
Li ser bersîva wê min dîsan ev nivîsiya:
«Min ćavên te xwarê. Kećê Duygu, welle bîlle kurmanciya te pirr rind e haaa. Herre dê u bavê xwa źî bike kurmancên raśt :-))). Hêvarbaś heval ;-).».

Divêt hemî kurt vê yekê bikin, ku me nekir, em ti carî nikanin rê li ber otoasîmîlasyonê bigirin. Bê guman bi mîlyonan kurt ewdê îtîraz bikin, ewdê bi zimanê tirkên bê śeref ha ha îmana me bombebaran bikin, ewdê źi leqleqa vala bigirin heta ćêrên derî exlaqê bi ser me da werin.
Lê xem nîn e. Tirkan milletê kurt bi tecawîz kirinan hanîn u xistin vî halî. Ma ćend kurt hîro li wan u van bê namusiyên tirkan difikirin u xwa pê têśînin, ćend kurt? Tevî ku tirk hîro źî eynî tiśtan bi hemî metodên gemar tînin serê kurdan!

Loma źî ćênabe ku kurdên xwadî wîźdan li gorî daxwazên van kesên ku bune qurbana tecawîzên tirkan, tevbigerin. Ev întîhar e! Ew kurt hindî/hêdî bune mupteleya tecawîzen tirkan.
Źibo ku ew bikarin li halê xwa yê derbeder u serserî bihesin, divêt di mêźiyê wan da tofaneke wekî bombeya atomê ćêbibe.
U ew bombe źî tenê «zimanê kurdî» ye!
De bi vê mebestê ez ceźna we ya newrozê bi kurdiya qedîm, kurdiya nermik, germik u gewrik pîroź dikim, śekirnooo!

Pîroź Kirina Ceźna Newroźê Ya Li Bern‘ê

Min doh hêvarî nekanî tiśtekî binivîsim. Źiber ku ez hindekî westiyayî bum.
Wekî ku min pêr źî nivîsî bu, ez doh bi tevî ćend hevalên din ćum Bern’ê. Hevalên ku li ba zangehên li Swîsre’yê dixwînin, źibo ceźna newroz’ê hêvareke xwarin/vexwarin u hevdu nas kirinê amade kirî bum. Tabî źibo vê yekê źî gelek kes dawet kirî bun. Lê źi kesên dawet kirî kêm-zêde pêncî kes hatî bun.
Di trênê da em li ba hev runiśtî bun. Hevalê Elîfe ya ku min cara yekem dît u nas kir, me pê ra heta Bern’ê hindekî serê hevdu tevlihev kir. Cîgerim Elîf li hemberî zimanê tirkî pirr nerm bu. Dil dikir ku em bi hev ra tirkî bipeyîvin, tevî ku dikane xwa bi kurdî bi têra xwa îfade bike. Lê beśdarvanên qursa li Zürich’ê u min daxwaza wê nehanî śunê. Loma źî meseleya me xwa heta Bern’ê dirêź kir.

Em tam di wexta xwa da gêśtin Bern’ê. Ez dibêźim em kesên yekem bun.
Piśtî hatina me bi hêdîka kesên din źî hatin. Lê dawiya dawîn hevalên ku ev hêvar orxenîze kirî bun, li śuna seet 16an, li dor seet 17an dest bi axaftina xwa kirin. Xwa dan nas kirin, navên baźarên xwa gotin, tiśtên ku vê gavê li ba zangehê dikin, hanîn zimên u hwd.

Di vê navê da Eyśe u mêrê wê Cem źî ketin hundir. Me źi dur va silav daa hev u li śunên xwa runiśtî mayîn.
Piśtî ku axaftin qediya, camêran xwarinên ku hatî bun amade kirin, li ser bufeyê rêz kirin u kesên amade dawetî xwarinê kirin.
Ez ćum ba Eyśê. Me hema hema deh sal in ku hevdu nedî bu. Gava ez li Bern’ê dimam, me gelekî wexta xwa bi hev ra derbaz kirî bu, bi salan. Malbata Eyśê ez hertim dawet dikirim. Herweha ez u bavê Eyśê, Ehmed Xoce, me wexta xwa bi zêdeyî bi zimanê kurdî derbaz dikir. Eyśe kurdî nedikanî, hîn wê demê zarok bu u źi bavê xwa hîn dibu.
Bi vî hawî śeś sal me bi hev ra derbaz kir. Paśê min di dawiya 1ê cotmeha sala 1995an da źi Bern’ê bar kir u hatim Zürich‘ê źiber xwandina xwa. Pêra źiber duriyê têkiliyên me hêdî hêdî kêmtir bun. Berî ćar salan źî diya Eyśê, Fatma, wefat kir.

Dema ku ez li Bern’ê bum, min pirr li ber xwa daa ku Eyśe u xwanga wê Zeynep bixwînin u paśê herrin zangehê. Min ew pirr motîve dikirin. Lê bi vî hawî źî bu. Eyśe u Zeynep’ê huquq xwandin.
Min doh dîsan Seylan źî dît. Berî bîst salan Seylan hîn zarokekî pićuk bubu. Gava min berî sê salan li ba buuyekê/dawetekê dîtî bu, hêdî mezin bubu. Du salan li ba zangeha Sant Gallen’ê ekonomî xwandiye. Niha vê gavê li Zürich’ê berdewam dikiriye. Ez bi diyîna wê pirr kêfxwaś bum. Wê got, «min niha bihîst ku tu qursa zimanê kurdî li ba zangeha Zürich’ê didî, lê haya min qet źê nebu, ez źî dixwazim werim.». Min nimreya telefona xwa dayê. Ez bawer dikin ewdê hefteya tê were qursê.
Seylan bi xwa tirk e. Źi hêla dayîkê va hindekî tevlihevî hee ye, yanî dibêźe dapîra diya min bi kurdî deng dikiriye.
Tiśtekê bala min li ba civînê kiśand. Gelek kesan, bi taybetî źî keć u źinan, bi hevdu ra tirkî deng dikirin. Qet źî pê aciz nedibun. Lê ez bi xwa vê yekê bê tarîf aciz bum. Min bi kesên ku kurdî nedizaniyan ra bi elmenî deng kir. Helbet kêfa hindekan bi vê nehat.
Bi xwadê qendî gramekê źî xema min nîn e. Bi raśtî źî halê me ne ti hal e.
Hindî/hêdî pêwîstî bi dewleta tirkan nemaye, kurt bi xwa ketine bin xizmeta asîmîlasyonê u îmana zimanê kurdî dikin teneke.
Di nav kurdan da hîn źî têgêśtina girîngiya zimên di bin sifirê da ye.
Bila xwadê mirovatiyê źi cahilên kurt yên zirzop biparêze.
Bê guman siyaseta kurdan ya aqilsivik «biratî, pismamtî u hwd.» sebebê herî mezin ya vê yekê ye.
Ma kê źi van partî u siyasetvanên kurt śarlatanekî u sextekarekî baśtir dîtiye, bavê min?!

Hevditîneke Tesadufî Ya Li Mensaya Zangeha Zürich’ê

Vê nîvroyê ez beśdarî semînerekê bum. Piśtî ku źi semînerê derketim, ćum mensayê. Min Śefîk u Zekî di dora xwarin girtinê da dîtin. Li herî dawiyê bun. Ez źî li paś wan ketin dora xwa. Min qet dengê xwa nekir heta ku ew bi min hesiyan.
Ê helbet zêde dirêź nehaźot. Camêran ez dîtim.
Cîgerim Śefîk u Zekî têne qursa zimanê kurdî źî.
Hevalekî din yê kurt źî li ba wan hee bu. Min ew nas nekir. Gotin ew źî dixwaze were qursa zimanê kurdî.
Piśtî xwarina xwa em bi hev ra ćun hewśa zangehê ya ku di navika zangehê da ye. Źê ra bi elmenî Lichthof «hewśa bi ronayî» dibêźin.
Wan hemiyan źi xwa ra qehweyek girtin, lê min ti tiśt negirt.
Em qendî seetek u nîv li wir man.
Me gotina xwa li ser gelek tiśtan ra bir u hanî.
Hevalê nuh Mesut wekî kesekî Swîsre’yî bu. Li vir ćêbuye u ćuye dibistanê.
Zêde haya wî źi ziman u kultura kurdan tune bu.
Lê daxwazeke wî ya ku di vî warî da tiśtina bike u vê kêmasiyê źi holê rabike, hee bu.
Źiber ku sibeh li Bern’ê xwandekar u akademîsyenên kurt yên li Swîsre’yê ewdê werin ba hev u bi tevîhev ceźna newrozê pîroz bikin, me źi wî ra źî got. Dibe ku sibeh were.
Herhal ev cara yekan e ku li Swîsre’yê orxanîzeyeke husan li Swîsre’yê pêk tê.
Sibeh ewdê karê min hindekî serê min bihêśîne ellawekîl.
Divêt ez pêśta bićim źi xwa ra abonementekê bikirim. Di raśtiyê da min ê hîro bikirriya, ez ćum stasyonê źî. Piśtî ku xatunê hemî kaxizên min tiźî kir, źi min daxwaza wêneyekê kir. Wey malmêratooo, lê ti wêne li ba min tune bun.
Loma źî min got «ez ê sibeh cartin werim, yabo qurban.».

Îsmaîl Beśîkćî U Netew-Dewlet

Hîro hewayeke berbat li der hee bu. Nîvroyê baranê źî dest pê kir. Ewqas bi hêz nebe źî, lê qet nebirriya.
Piśtî ku ez nîvroyê źibo seetekê tev li semînerekê bum, paśê derketim u ćum karê wergerê. Min qendî du seetan werger kir. Helbet di vê navê da du seet źî vala bu, loma min nekanî yekser werim malê.
Gava ez di seet 17 u nîvan da vegeriyam malê, min bi têra xwa baran li ser pîskîleta xwa xwar.
Ê tiśt nabe, bereketa xwadê ye dibêźin yaw.
*
Xelkê kurd Îsmaîl Beśîkćî baś nas dike.
Herweha fikrên wî źî baś dizane. Helbet divêt mirov «zanîn» u «têgêśtin»ê tevlihev neke.
Mirov dikane gelek tiśtan «bizane», lê nikane «bingeh u cîddiyeta» wan tiśtan «têbigêźe».
«Tênegêśtin» aqilsiviktiyeke me kurdan e.
Sloganên erzan u sotalane îdeoloźiya źiyana me ya roźane u pêśeroźê pêk tînin.
«Têgêśtin»a miźarê u pirsgirêkê, li gorî normên navnetewî li ba me kurdan li binê berośê dixe.
Aqilê me yê însanî kopyeyeke pirr berbat u pîs ya diźminê-n milletê kurdan e.
Kopye źî kopyeya bi sedan ya źi kopyeya berî xwa ye.
Loma źî quwalîte di bin pileya sifirê da ye.
Tiśtê ku em difikirin, tenê ćend bermayiyên li ser sergîna diźminan e.
Lê bi vê źî quretiya me li ezmanê heftan dixe. Em kesekî bi ser xwa ra nabînin.
Halê me hemî xelkên binketî xwadî van xususiyetan in.
Lê halê me źi yê hemiyan berbattir u źêrtir e.
Kompleksên me yên ruhî nikanin werin tamîr kirin źî.
Bê guman di vê miźarê da sucê herî mezin yê partî u siyasetvanên me kurdan in. Źixwa ronakbîrkokên duru u sextekar rehma xwadê li heśt eźdadê keran didin xwandin...
Îsmaîl Beśîkćî merivekî zana u dostê milletê kurd yê herî źi dil u mêźî ye. Źiyana xwa di ber doza milletê kurd ra daye.
Tiśtê ku ew dibêźe, mirov hew dikane piśtguh bike.
Ku Îsmaîl B. got, kesên ku dixwazin fikra «Netew-Dewlet»ê di nav kurdan da wekî tiśtekî berbat propaganda bikin, ew nikanin bibin dostên milletê kurt. Yanî kêm-zêde tiśtên wilo dibêźe.
Ez źi sedî sed van gotin u fikrên wî yên gerdunî testîq dikim.
Ći kes dibe bila bibe, kesên ku vê yekê dikin, kesên herî bêbext u bextreś in.
Qîmeta wan qesî pîzavekê źî nake.

16ê Adarê U Helebće’ya Bi Kul U Birîn

Źiber ku ev du roź in bazuyên min têśiyan, min hîro sporta xwa nekir.
Ev pênc meh in ku min ligel bedenhêziyê (bodybuilding) ćend tevgerên taybetî qet ćênekirî bun. Berî du roźan min źi nuh va dest pê kir. Lê loma źî xavîtî di min da ćêbu. Dibe ku heta hefteya tê dîsan derbaz bibe.
Min hîro tenê du seetan werger kir. Kesek źî li ba termîna xwa xuya nebu.
Piśtî wergerê ez vegeriyam malê, qendî du seetan li malê mam u dîsan di seet heftan da rabum ser xwa u ćum qursa zimanê kurdî.
Hîro pênc kes hatî bum.
Tifuuu :-).
*
Hîro, berî bîst u du salan kuźerê milletê kurd Saddam Husên li Helebće’yê źi pênc hezar kesan zêdetir kurt bi sîlehên kîmyayî kuśt. Lê birînên van bîst u du salan hîn źî bi temamî nehatine derman kirin. Bê guman ewdê hîn demeke pirr dirêź źî źiyî bimînin. Neslê ku tuśî wan hêrîśên barbar hatî bu, hîn li źiyanê ye. Źiber ku tesîra ćekên kîmyayî li ser genetîka (yanî DNAya) mirovan xesarên mezin ćêkirî bun, zarokên wan însanan źî bi gelek nexwaśiyên berbat hatine ser dinê. Mîna ku mirov di nav ćerxeke śeytankî da bibe, śanśa mirov ya ku xwa źê bifitilîne, pirr kêm e.
Ez bawer dikim em kurt milletekî bê bîr u mêźî ne, em her tiśtî pirr zu źi bîr dikin. Bi salan di roźa bombebaran kirina Helebće’yê da partiyên me kurdan dest bi pîroź kirina Newroz’ê kirin, ceźnên mezin li darxistin.
Lê îsal źî ev yek hat kirin yan na, ez bi xwa nizanim. Min li ser rupelên di înternetê da îlanên pîroźbayiyê diyîn. Helbet dibe ku li hindek ciyan ev bêbavî zî hatî bibe kirin u ćend xêrnexwazên aqilsivik tiśtekî weha kirî bibin.
Bila xwadê axê śehîdên Kurdistan’ê źi wan ra nehêle u wesselam, birê min.
Źixwa Saddam li doźehê li benda wan e.
Ha Saddam ha siyasetvanên weha ehmeq yên bê namus, yek źi yê din pîstir u berbattir e.

Roźnameyeke Nuh Ya Bi Kurdiya Kirdkî/Zazakî

Hewa hîro pirr baś bu. Raśteraśt wekî hewayeke biharê bu.
Min di seet 13an da dest bi karê xwa kir u heta seet ćaran, yanî bê navbir sê seet werger kir.
Welle carinan serê mirov têśe, mirov nikane baś konzentre bibe.
Bê guman ez źî kêm-zêde di nav ruh-î haletiyeke wilo ra derbaz dibim.
Him îmana min u him źî wîźdana min śil dibe u dibe wekî pembu yaw.
È tabî dîsan hîro qursa me źî hebu. Bi tevayî pênc kes hatî bun.
Welle ev du hefte ne ku piśtî qursê, gava em derdikevin der, ći keremet e ez źî nizanim, em li ber dêrî li ser piyan gotina xwa dirêź dikin u ha ha meseleyên qerase ćareser dikin.
Hîro źî heman tirśik ćêbu. Lê dawiya dawîn dîsan me nekaniya kevirekî źî li śunê bidin livandin.
Weha hat u weha ću, delîlo delîlo heyranêêê.
*
Di malpera zazaki.net’ê da nućeyek li ser roźnameyeke bi xweru zaraveyê kurdiya kirdkî/zazakî hee ye. Li gorî ragiyandina nućeyê ewdê ev roźnameya bi kurdiya kirdkî di du heftan da carekê derbikeve u źi heśt rupelan pêk were.
Ez bi vê nućeyê pirr kêfxwaś bum.
Zaraveya kirdkî vê gavê źi kurmancî bêtir li ber mirinê ye. Dibe ku heta pênc salan qedera kirdkî bellî bibe. Lê ez bi xwa wekî śexs zêde bi hêvî nîn im. Bê śik sebeba vê yekê em kurd bi xwa ne. Di ti karekî me da cîddiyet tun e. Pênc quruś qîmetê nadin zimanê xwa, nadin kultura xwa.
Xelkê alemê źibo peyveke xwa qiyametê radike, lê em wekî belengazên bê aqil ha ha śorba xwa bi ziman u kultura diźminê xwa dikelînin. Tevî ku diźminan bi hemî hêz u îmkanên xwa berê xwa dane zimanê me, roź bi roź zimanê me dikuźin, bi mîlyonan zarokên kurd herro asîmîle dikin, em hîn źî di guhê gê da kilama aqilsiviktiyê dubare dikin.
Bi kerema xwa, kesê ku źi me kurdan bêtir aqilsivikekî din dîtiye, bila min źê hay bike lo. Yan na, bi xwadê ez ê bi vî derdî bimirim, śekirno.

Mêźiyê Îbo Yê Bi Stranên Tirkî Binket U Ću

Hîro nîvroyê min ću karê xwa yê wergerê kir. Tevda qendî sê seet u nîv haźot. Piśtî wergerê min li mensaya zangehê xwarina xwa ya hêvarê xwar u vegeriyam malê.

Di nućeyên hîro da min nućeya li ser Birahîm Tatlises xwand. Li gorî nućeyan doh hêvarî gava źi televîzyona xwa derketiye u li erebeya xwa siyar buye, ćend gulle lê barandine.
Tê gotin ku aniha vê gavê di komayê da ye. Mêźiyê wî derbeya gulleyê xwariye. Biźîśk dibêźin ew niha di ruh-î haletiyeke felc buyî da ye.
Lê medyaya tirk bi awayekî bê edeb berê xwa daye milletê kurt u kurdan wekî sucdarê vê yekê nîśan dide.
Di bê namusiyê da hew kes dikane qayîśê bi van tirkên heramzat ra bikiśîne welle.
Ći dibe bila bibe, hemî daxwaziyên van bê bavan li ser tune buna xelkê kurt hatiye ava kirin.
Gelo ćima kurt tiśtekî husan bikin?
Ma PKKê ćima heta niha gulle li Îbo nebarandiye źî radibe aniha dike? Ći meseleya PKKê bi Îbo ra hee ye? Bê guman siyaseta PKKê ya źi realîteya cîhanê dur, siyaseta «bi dema neolîtîk» him zirareke mezin dide xwa u him źî dide doza milletê kurt. Li śuna ku siyaseteke Kurdistan’î u kurdîn bide meśandin, bê wate u mahne kesên sîvîl tehdît dike. Bi kîźan aqilî vê yekê dikin, mirov mat mayî dimîne. Bi serî da źî tehdîda li hemberî Îsmaîl Beśîkćî ez śoke kirî bum...
Bi fikra min, dewleta tirkan ya niźatperest bi saya manîpulasyonan rêvabiriyên partiyên kurdan bi temamî xistiye nav destê xwa.
Herê, dewleta tirkan u medyaya vê dewleta taśeron hertim źi van śaśiyên heniya kurdan ya «gundî» îstîfade kiriye, di medyaya xwa da li diźî kurdan bi kar haniye.
Ez hêvîdar im ku di demeke nêzîk da mesulên vê kiryara kuźerane werin pêgirtin u ev mesele źi bin va were ćareser kirin.
Lê bê guman ewdê «gundîtiya me» di nav me da bimîne.

Dawiya Heftê Xwa Li Bêê Xist u Ću

Di van du roźên dawiyê da tiśtekî balkêś pêk nehat welle.
Min hemî wexta xwa di aramiyeke nermik u germik da derbaz kir.
Tabî berbatiya hewayê ya bi ewran dagirtî, îmana meselê tevda kir teneke.
Lê nebarîna baranê baś bu. Min him doh u him źî hîro sporta xwa ćêkir, yanî him pîskîlet haźot u him źî ćum beza xwa ya tradîsyonel.
Min hîro wext nedî ku telefonî bavê xwa bikim. Divêt ez sibeh teqez vê bikim.
Vê heftê, yanî sibeh ewdê karê min yê wergerê hindekî zêde bibe. Loma ez ê bi têra xwa vê heftê biwestim.
Dawiya hefteya tê ewdê pîroź kirina ceźna Newroz’ê li Bern’ê pêk were. Ev pîroźbayî źi hêla komên xwandekar yên li Swîsre’yê va źibo xwandekar u akademîsyenan tê amade kirin. Helbet li Bern’ê ćêbuna vê pîroźbayiyê kêfa min źî pirr hanî, źiber ku Bern baźarê yekem e ku ez li Swîsre’yê lê cih bume u berî Zürich’ê heft salan li wir mayîme. Herweha ez li Bern’ê bum hemwelatiyê Swîsre’yê źî. Gelek bîrhanînên min li Bern’ê hee ne.
Bern di ćavê min da mîna Kurdistan’eke bićuk e.
Baźarekî gelekî bićuk e. Lê mêrato paytexta Swîsre’yê ye, haaa.

Her Tiśt Ne Wekî Deśta Erzingan’ê Ye

Hîro heta nîvroyê roo/rooź derneket. Gava ez di seet duduyan da źi wergerê derketim der, rooyê źî bi hêdîka xwa źi paś ewrên reśik dida der.
Ez raśteraśt ćum mensaya zangehê, źixwa mensa źi ciyê klînîkê du sed mêtroyan dur e.
Min xwarina xwa ya nîvroyê girt u derketim ber deriyê mensayê, li ba maseyekê runiśtim u min xwarina xwa xwar.
Pêra ez bi lez hatim malê. Hîro ewdê tamîrkerê makîneya ferefol śuśtinê bihata.
Gava ez ketim hundir ku camêr hatiye u ćuye. Kaxizek li paś xwa hiśtî bu. Li ser kaxizê digot, «piśtî kontrol kirinê ti gospe/arize nehate dîtin».
Tewlooo, em dîsan ketin devê kemîna felekê.
Min bi lez telefonî fîrmayê kir u got, «merive we hatiye u ćuye u ti gospe źî tespît nekiriye.». Paśê xatunê ez wî tamîrkerî va girêdam. Got «min ti tiśt tespît nekir.».
Lê helbet tu yê di ćend deqqan da ava ku tê der, nebînî. Źiber ku ev av piśtî du seetan dilop bi dilop kom dibe.
Camêr got, «hingê ewdê hefteya tê cartin were.
Ka xwadê mezin e.

Min hîro nameyek u hemî belgeyên pêwîst yên źibo dezgeha berpirsiyarê wergêran amade kirin u źi wan ra śand. Loma źî barê li ser min hindekî sivik bu. Bi salan e ku min ev kar nekirî bu u loma źî bubu belaya serê min. Źiber vî karê hîro min wext nedî ku herrim pîskîlet haźotinê. Tenê qendî pêncî deqqan ćum bezê u ewqas.
Lê piśtî bersîva wan ya herênî divêt ez îcar nameyeke din ya mezintir amade bikim u serî li «dîplomeya wergêriyê» bidim. Helbet karê min bi van źî neqate. Divêt ez dîsan źibo wergêriyê serî li dadgeha baźarê Zürich’ê źî bidim.
Bi xwadê ev tiśtina pirr wexta mirov digirin.
Bi serê mêrê ćê bibe, wekî din źî ti ćare tun e.

Min Hîro Gelek Karên Bićuk Xelas Kirin

Di nav kêfxweśiya hewaya xweś ya hîro da min gelek tiśtên fermî ćareser kirin.
Ev demek e ku divêt min du nameyên resmî binivîsiyana, lê min xwa li tiraliyê dayniya u karê xwa nekir.
Hîro ći bu, nizanim, yekcar kelecaniyê bi min girt u min dest bi nivîsîna van nameyan kir. Ev amade kirin u xistin nav zerfan. Lê îcar min mêze kir ku pul li malê hîć nemane.
Ê tabî śansa min ya rebenokî ye, gava ez nîvroyê di seet dudesan/dewduyan da ćum zangehê, min li ti derekê otomata pulan nedî. Ez dibêźim tevda źî hatine rakirin.
Hey tifuuuuu!
Lê min nameyên xwa bi xwa ra gerrandin, heta ku ez vê hêvarê źi wergerê vegerriyam malê.
Helbet bêyî ku ez bi pîskîletê werim malê, min raśteraśt berê xwa daa postexanê.
Min him nameyên xwa śandin, him des/deh pulên nameyan u him źî pula źibo pîskîletê kirriyan.
Paśê min kirrîna xwa ya źibo xwarina ćend roźên din bi cih hanî u wesselam.
Źiber ku min doh di seet 16an da qehweyek li restorenta heval Newzat vexwarî bu, śeva ćuyî min nekanî baś rabikevim. Herweha sibehê źî di seet heft u nîvan da rabum ser xwa.
Piśtî rabuna min xatuna źi fîrmeya aletên texnîkî telefon kir u źi min pirsiya, ka ew dikanin sibeh montaźvanekî źibo makîneya ferafol śuśtinê biśînin yan na?
Min got, «temam heyatim, ćêbu, wîîî. De biśînin haaa. Hindî/hêdî tevrunerên min sêrî hildidin, kećko!».
Welle me qewla xwa kir yek.
Min pêra telefonî fîrmeya sardankê źî kir. Berî du mehan qulpê destikê cemeddankê śikiya bu. Camêr got ewdê aniha perćeyê śikiyayî bi postê biśînin. Êêê, min ev kar źî kir u îmana meselê źi binî va safî u zelal kir, oxxx.
Lê divêt ez sibeh źî nameyeke din binivîsînim u źi dezgeha berpirsiyarê wergêran ra biśînim. Helbet ligel vê źî ez ê hîn gelek belgeyên li ba min kopî bikim u têxim nav.
Aha śekirno, hun źî dibînin ku karê min buye belaya serê min yaw.

Welle Bihar Hat

Hewaya hîro źi doh xwaśtir bu. Li gorî ragiyandina meteoroloźiyê heta serê hefteya tê her tiśt baś xuya dike.
Min hîro źî zêde kar nekir. Piśtî karê qesî seetekê ez ćum tev li semînerekê bum.
Paśê min berê xwa daa restorenta heval Newzat. Gava ez ketim hundir restorentê, źi heval Newzat pê va kes tune bu.
Her ćendî ez pirr kêm qehwê vedixwim źî, min hîro ba heval Newzat qehweyek źibo xwa ćêkir u vexwar. Lê ez dibêźim hîn źî bandora qehweyê derbaz nebuye. Xwadê bike xewa min ya hîro tevlihev neke.
Min u heval Newzat, me gotina xwa li ser rewśa restorentê dibir u taniya. Cîgerim Newzat dixwaze ku hindek guhartinan di restorentê da ćêbike. Lê hevparê wî zêde serê xwa bi van tiśtan nahêśîne. Loma źî hemî bar bi ser wî da maye.

Seet di śeśan da ez ćum menseya/xwaringeha zangehê. Min li wir xwarina xwa ya hêvarê xwar u di seet heftan da rabum u ćum qursa zimanê kurdî. Śeś kes hatî bun.
Me heta seet nehan dersa xwa kir u paśê zi hev veqetiyan.
Aha ev e ez aniha li malê me u li ser maseya xwa runiśtime.
Min hîro sporta xwa źî nekir. Bê guman ez ê sibeh heyfa hîro źî źê hilînim.
Min di malperên kurdî da nućeyên li ser tehdîda Śivan’ê me u hindek ronakbîrên din da diyîn u xwandin.
Bi serê we u min bibe, kî dibe bila bibe, tehdîda ku li diźî kurdekî-ê tê kirin, divêt bi tundî were rexne kirin. Ćênabe ku kurd źiber fikrên cihê hevdu tehdît bikin.
Hindî/hêdî em di sedsala bîst u yekan da ne.
Loma źî ez wekî śexs tehdîda ku li diźî van kesan hatiye kirin, śermezar dikim.

Roźeke Germik U Nermik

Hîro hewayeke baś hee bu. Piśtî nîvroyê kêm-zêde neh pile (9°) bu.
Loma źî min piśtî nîvroyê, gava ez źi karê wergerê vegeriyam malê, derketim ser pîskîleta xwa u ćum pîskîlet haźotinê.
Paśê źî min źi seetekê zêdetir berê xwa daa bezê.
Lê ligel bezê piyên min gelek li min giran bun/hatin. Westiyayî bun.
Źiber ku hîro qursa zimanê kurdî hee bu, di seet berbi 19an da min îcar berê xwa daa qursê.
Berî seetekê dîsan hatim malê.
Lê sibeh zêde karê min tun e. Li śuna vê ez ê herrim tev li semînerekê bibim.

Nermiya Li Ber Rooźê

Hewayê hîro hindekî źi hiśkiya xwa nerm kir. Mîna doh ewqas bê îman nebu.
Li gor ragiyandina nućeyên hewayê, źi sibehê pê va ewdê hewa germtir źî bibe.
Gava min hîro piśtî nîvroyê źibo ćil deqqan wext bi dest xist, ez ćum ber zangeha ETHeya Zürich’ê, li ser nerdîvanan xwa li ber rooyê/rooźê berdîberdayî dirêź kir. Bi raśtî źî źiber germayiya rooyê ez bi têra xwa nerm bum u wesselam. Hema mirov dibêźe tam bum pembu dînime îmanime.
Min beza xwa ya hîro berî nîvroyê ćêkir. Piśtî nîvroyê wexta min tune bu.
Xwarina xwa ya vê hêvarê źî min li menseya zangehê xwar.
Bê guman xwarina li der xwarin źibo mirov gelekî wexta vala ćêdike, yanî dema patin u śuśtinê źi mirov ra dimîne.
Beriya bîst deqqan źî źi gerra xwa ya hêvarê vegeriyam.
Divêt ez aniha bi hêdîka rabibim ser xwa u herrim rakevim.
Ez ê sibeh hindekî zu rabibim u herrim wergerê bikim. Helbet piśtî nîvroyê źî ti karê min yê din tun e.

Sermayê Îman Li Min Ćikand

Hewayeke pirr berbat hîro li der hee bu.
Her ćendî berbi nîvroyê roź derket źî, hewa zêde germ nebu. Baayekî bêyom xwa di nav cîgehê/mekânê da li baa dikir.
Gava min piśtî seet duduyan berê xwa daa pîskîlet haźotinê, hîn min sariya hewayê bi têra xwa hîs nekir. Źiber ku baa źi paś va dihat, hîn her tiśt li śunê buu.
Lê di dema wegerê da baayekî hiśk u sar ha ha li ruyê min dida. Hema hema bernedida ku ez bi pêś da baźom.
Carcarinan ez heta pileya sekinînê źî dihatim.
Bi raśtî źî riya heta Zürich’ê vê carê źibo min pirr dirêź xuya buu.
Serê min dikir ku źiber serma u baayê bicemidiya welle.
Lê axirî giran bi giran min pê li pedala xwa kir.
Piśtî ćil u pênc deqqan ez gêśtim Zürich’ê, yanî hatim mala xwa ya li Örlikon’ê.
Ez di rê da gelekî birćî bubum. Loma źî min bi lez ćayek daynî ser, du-sê parî nan źê kirin u bi ćaya xwa xwar.
Ez ê hîn di seet 17an da bićuma bezê źî. Lê min proxrama xwa pêk nehanî.
Serma li bedena min ketî bu.
Loma źî min birryara xwa girt ku li malê bimînim.
Bi gotina mêrê ćê u mêrê berê yê didanzêr, ćalakiya min ya hîro tevda źi vê pêk tê.

Min hîro nîvroyê bi bavê xwa ra źî telefon kir. Li gorî gotina wî vê gavê li Erzingan’ê źî hewa sar buye. Lê wî źî wekî min rik kiriye, derketiye der, ćuye gerra xwa ya roźane u dîsan wegeriyaye malê.
Xwadê hee ye, em, yanî em law u bav hindekî li hevdu dićin/diśibin, ellawekîl.

Keća Kurdistan’î «Avesta»

Źi doh va ye ku min serê xwa zêde bi pirsgirêkên dinê va nehêśand.
Ligel hindekî kar u barê roźane u sporta xwa ya hîro tiśtekî din yê aktîf nekir.
Xwadê hee ye, carinan tembeliya qedîm źî li mirov pirr xwaś tê ellawekîl.
Ez dixwazim li ser navê kećeke kurt (=«kurd») bisekinim.
Gava em berî deh roźan, ango di 24ê meha sibatê da li kafeteryaya zangeha Zürich’ê źibo «hêvara ćandê» hatî bun ba hev, źi beśdarvanan hevaleke źi Erzingan’ê got, «ez malbateke elewî nas dikim, vê malbatê navê keća xwa «Avesta» dayniye.».
Ez gelekî śaśo-maśo bum. Min got, «ćiton yanî navê keća xwa «Avesta» daynîne? Ma haya wê malbatê źi eslê vê peyvê hee ye yan na?».
Heval Ceren got, «welle li derekê xwandine ku ev peyva navê pirtuka pîroź ya elewiyan buye. Bawer nakim ku li ser vê peyvê tiśtekî zêde bizanî bibin.».
Hahooo, heylooo, malbateke me ya elewî rabuye li gorî riwayeteke źi rîweyetan navê keća xwa «Avesta» dayniye, weweylêêê.
Bi raśtî źî li hêlekê kêfeke bê tarîf di min da ćêbu, lê li hêla din źî ez tevda mat mayî mam
Min hema li śuna xwa got, «ez dixwazim diyariyekê li wê kećikê bikim.».
Lê hemî bi hev ra li min kenniyan.
Min dubare kir u got, «heger hun źî navên husan xwaśik li xwa bikin, bi peyman ez ê diyariyan bidim we źî haaa.».
Ez hîn źî li ser diyariya xwa difikirim. Di vê navberê da fikrek di min da ćêbu, ćêbu źî, lê ez hîn bi temamî baś nizanim ku ćawan bikim.
Ez dibêźim ez ê tîśortekê bikirim. Li ser tîśortê, ango li ser singa tîśortê ez ê bi kurdî «biźî» binivîsîm u li bin peyva «biźî» źî wêneya serrupela pirtuka «Avesta»yê bidim ćêkirin.
Yanî ez ê bi kevirekî du sêvan bixim destê xwa. Him ewdê pirtuka Zaraduštra «Avesta» u him źî navê keća Kurdistan’î «Avesta»yê li ser xuya bibe, oxxxxx.
Bi xwadê źi vê baśtir huner u filan u fistix nabe dînime îmanime.
Welle cîgerno, kesên ku dixwazin diyariyan źi min bigirin, bila bi lez navên xwa biguherînin, źi min gotin, ihi.

Ziyareta Li Ba Malbata Jenny u Manon

Xwadê hee ye, ez hîro źî pirr westiyam dînime îmanime yaw.
Hîro nîvroyê źi malê derketim u vê hêvarê di seet 19 u nîvan da źî bi śun da vegeriyam.
Gava ez vegeriyam malê, min li deriyê malbata Jenny xist. Hîro źî Jenny derî vekir. Kêfa wê bi ziyareta min hat.
Rebenê, Jenny, ruyê wê hîn źî perćifî xuya dike.
Lê Jenny hîro bi têra xwa henekên xwa bi me tevan ra kir. Qet li śuna xwa rehet nedisekiniya.
Gava miźar hate ser vampîran, Jenny u Manon yekcar bi hêla min da bazdan, xwastin ku hilbikiśin ser pîlên min u min di gewriya min da gez bikin. Lê nekanîn hilbikiśin, źiber ku min qet hariyariya wan nekir.
Hindekî xeyal śikestî bi vir u wir da bazdan, dîsan bi ser min da hatin. Welle ći kirin źî, ćênebu.
Dawiya dawîn Jenny xwast ku ez serê xwa berbi źêr xwar bikim.
Min got, «tewlooo, ma kê dîtiye ku mirov serê xwa źibo vampîran weha xwar bike u xwîna xwa bide miźandin, wîîî?».
Dê u bavê Jenny u Manon kenniyan u gotin, «welle te raśt got, ti kes źî tiśtekî weha nake.».
Lê Jenny u Manon qet dil nedikirin ku dest źi min berbidin. Paśê bavê wan źi masa xwarinê rabu, bi hêdîka hate cem me, Jenny u Manon girte nav himbêza xwa, ew pêgirtin u ez źî yekcar berbi dêrî beziyam.
Bi xwadê min xwa bi vî hawî źi wan herdu kafiran xelas kir.
Gava ez gêstim ber deriyê min, wan li qata źêrîn deriyê xwa vekirin u bi hev ra źi min ra gotin: «Oxir bibeee!».
Êêê, źi min ra źî źi derî «źi we ra źîîî, kećikinooo!» gotinê pê va tiśtekî din nemayî bu.
De bila źi we tevan ra źî oxir bibe, śekirnooo!

Qezeya Li Ber Mala Min

Hewayeke bi baa hîro li Zürich’ê hee bu. Rooź/tav źî li ezmên bi ser baźêr da dibiriqiya.
Hîro nîvroyê berî ku ez herrim karê wergerê, ez li balkonê li ber rooźê runiśtî bum. Min serê xwa śuśtî bu. Bi serê xwa min bi hêla nav malê da mêze dikir u piśta min li ber tavê buu.
Yekcar di vê kêliyê da min dengê lêdanekê li ser kolanê bihîst. Min bi lez serê xwa ćerixand ser kolanê. Ha min dît ku ev e kećikeke pićuk li erdê ketiye u diqîrre.
Źiber ku berćavokên min ne li ber ćavên min bun, min nekanî kećikê nas bikim.
Piśtî sê-ćar saniyeyan ez pê hesiyam ku ew kećikê li ser kolanê hevala min Jenny ye, keća cîrana me Jenny ya śeś salî. Hey tifuuu.
Îcar min got, weylooo, erebê li Jenny xist.
Ez bi lez beziyam odeya xwa, min serkirasek havite ser xwa u bi lez bazdam der.
Min dîî ku ha ev e diya Jenny Gabi źî gêśtiye Jenny. Ćend kesên din źî li wir kom bubun. Paśê źineke ciwan źî źi restorenta Thailand’î derket u hat ba me u pêra źî telefonî acîlê kir.
Heta des/deh deqqan polîs u acîl hatin.
Di devê Jenny da hindekî xwîn dihat. Rebenê, devuruyê xwa źî li bexćeyê zarokan tevda hîn nuh boyax kiriye.
Paśê Jenny bi dê u xwanga xwa Manon siyarî erebeya acîlê bun u ćun nexwaśxanê.
Gava ez vê hêvarê źi kar vegeriyam malê, ez bi lez ćum supermarketê, min pakêtek ćîkolete, pakêtek mêweyên hiśk kirî u turikek mêwiź kirriyan u min ćum li deriyê mala Jenny xist.
Hahooo, Jenny derî vekir. Min silav dayê u hema bi lez diyariyên xwa daa Jenny. Gelekî kêfa wê hat.
Ruyê wê yê hêla raśtê hindekî perćifî bu. Got, «didaneke min źî śikiyaye, yaaa. Tu dizanî, hêśa min źî hee yeee».
Piśtî girtina dilê Jenny, xwast ku ez wê hembêz bikim u źi erdê rabikim.
Bavê Jenny źî li wir buu. Pirr bi hêrs xuya dikir. Źi min ra got, baśtir e ku min ew kes nedî, yan na min ê hestiyên wî bifiranda/biśikanda ellawekîl.
Mixabin ez źi meźburî źi wan veqetiyam, źiber ku ez ê bićuma qursa zimanê kurdî.
Ka ez sibeh careke din li halê Jenny bipirsim.
Lê śansa Jenny hee buye ku bi van birînan źi vê pevketinê xelas buu.

Roźeke Bi Ha U Ho :-)

Min hîro nîvroyê qendî sê seetan werger kir u hatim malê.
Di seeta 16 u nîvan da ćum bezê. Piśtî bedenhêziya xwa ya li malê bi lez serê xwa śuśt u dîsan di seet 19an da derketim der u ćum qursa zimanê kurdî.
Vê gavê źî dîsan li malê me.
Ya raśt ez hindekî westiyayî me źî. Śeva ćuyî źî min nekanî baś rabikevim.
Loma źî vê sibehê zêde li ser xwa nebum.
Źiber vê yekê min piśtî nîvroyê qehweyeke tahl vexwar u îmana ruhê xwa kire ćar baskî, birê min.
Lê aniha bandora vê dopîngê źî derbaz buye.

Di nućeyên hîro da min tiśtekî balkêś nedî.
Heman tirśikên berê xwa li baa dikin. Rewśa li welatên ereban hîn eynî śorbe ye.
Xalê me El Qeddafî hîn źî li ber xwa dide. Lê mêro nizane ku deftera wî źi zu va li hev hatiye daynîn.
Ez dibêźim cîgerim El Qeddafî źî vê dizane. Lê mêro nikane li xwa mikur were.
Ma mikur were ći dibe, babam?
Wekî din ćare źî nemaye.
Bi gotina bi kurdî ya germik u nermik, «yan herro, yan źî merro!».
Zu yan źî dereng ewdê źi pêsira wî pêbigirin u wî bînin li cihekî minasip bidin runiśtandin.
Lê helbet dibe ku heyatim El Qeddafî xwa bi xwa dawiya źiyana xwa ya lotikvanî bîne u berê xwa bide bihiśta bi heftê horiyan. Źixwa li bihiśtê źî tenê lotikvanên vê cihanê bi vir u wir da lotikan tavêźin dînime îmanime lo.
Ya staaar, ev ći tirśik e ku tu li me xerîban dixî, heyatim?

Ku Me Vê Carê Źî Pepuk Li Vê Pepikê Kir ...

Min doh hemî wexta xwa li malê derbaz kir.
Westiyaneke giran li ser min hee bu. Xwasteka ku qet źi nav cilan ranebim, di min da ćêbu. Lê dîsan źî ez berbi hêvarê rabum u ćum bezê.
Hîro berî nîvroyê min ćuu qendî sê seetan werger kir u hatim malê.
Źê va qet źi malê derneketim der. Dibe ku ez piśtî vê nivîsa xwa źibo nîv seetî herrim meśa xwa ya hêvarê. Ya raśt hewa źî li der hîro pirr sar e, yekcar serma kete ser erdê.
*
Li Lîbya’yê rewśa siyasî roź bi roź xwa diguherîne. Li gorî ragiyandinên di nućeyan da El Qeddafî perće bi perće hêza îqtîdara xwa handa dike.
Vê gavê serhildêran hindek herêmên serbaźarê Lîbya’yê, Trîpolîs, bi dest xistine.
Lê El Qeddafî vê yekê red dike u dibêźe «her tiśt di bin qontrola hukumetê daye.».
Emerîka li hemberî Lîbya’yê ketiye nav ćalakiyên pirr bi fireh. Bi ći hawî dibe bila bibe, îcar di mesela xwa da bi birryar in u dixwazin El Qeddafî źi textê dabixin. Bi ragiyandina nućeyekê, vê gavê leśkerên Emerîka’yê xwa li dor sînorên Lîbya’yê xistine nav amdekariyan. Lê serhildêr hariyariya Emerîka’ u welatên din yên roźavayê naxwazin. Aniha deverên petrolê yên li Lîbya’yê źi sedî pêncî ketine destên serhildêran…
Li hêla din mixalefeta li Suriye’yê źî «roźa hêrsê» îlan kiriye. Heta vê gavê tiśtekî mezin li welêt pêk nehatiye. Lê dibe ku di van roźên tên da ev pêla serhildêran xwa bigêźîne Suriye’yê źî. Bê guman rewśa Suriye’yê kurdan pirr-pirr eleqedar dike. Divêt kurt di kemîna xwa da bi ćar ćavkî li benda vê roźê bipên u mafên xwa yên netewî bi – zorê źî bibe – dest bixin.
Źiber ku ti kesî źi kurdan nepirsiya bu, gava dewletên dagirker Kurdistan’a qedîm tam di navikê da kirî bun ćar u pênc perće.
Ev meseleyeke dîrokî ye di navbera milletê kurt u diźminên kurdan da.
Dîrok źî xwa dubare nake. Śansa dayî źî hertim wekî pepik naxe devê mirov.
Ku me vê carê źî pepuk li vê pepikê kir, îcar me bi temamî bi nav da kir u wesselam.

Li Kurdistan’a Baśur Ći Dikele Yabo?

Vê demê li Kerkuk’ê śorbeyeke pirr diźminane tê kelandin. Dewletên ku Kurdistan’a qedîm dorpêć kirine, bernadin ku milletê kurt li welatê xwa di aramiyê da biźî.
Piśtî rudanên li Silêmaniye’yê niha źî Kerkuk u baźarên din yên li Iraq’ê ketin nav bahoza karwanê.
Bê guman li baźarên din yên Iraq’ê ći dibe u ći nabe, me eleqedar nake. Lê buyerên li Kurdistan’a Baśur divêt hemî kurdên xwadî wîźdan bixe nav fikir u ramanên dîrokî.
Bi baśî yan źî xirabiyên xwa, di ber Baśur ra milletê kurt bê pîvan xwîna xwa riźandiye.
Ne tenê perćeyekî, berevaźî vê, kurdên li herêmên din źî ev heman erk u śahadetî bi cih hanîne.
Loma źî ez dibêźim, ku ez bi xwa źi Kurdistan’a Bakur, źi herêma Qoćgîrî’yê me, mafekî min yê tarîxî li Kerkuk’ u Musul’ê źî hee ye.
Tirkên ku hîn doh źi Asya’ya dur bi śur u kêrên dizzî hatin herêma me, qet xwa źi maseya leśxwarinê bi paś da nakiśînin. Bi hemî hêz u fêlbaziyên Osman’î gorna milletê kurd dikolin.

Bi raśtî źî mirov hew dikane xwa bigêźîne înformasiyonên duruśt. Źi her hêlê va dengekî cihê derdikeve.
Divêt desthilatdariya Kurdistan’a azat bi lez pirsgirêkên milletê kurt ćareser bike, demoxrasiyê bi pêś da bixe, guh bide daxwaziyên xelkê me.
Ćênabe ku gendelî wekî sîstemeke xwezayî xwa berbelav bike, millet di feqîrî u belangaziyê da bihêle.
Têkośîna milletê kurt ya bi hezar salan źibo ćend leśxwaran nehatiye dayîn.
Divêt hêśa me źî, kefa me źî bibe ya me hemiyan.
Lê li hêla din źî, hîć u hîć ćênabe ku kurt xwa di destên diźminên xwa da bikin lîstika berdîberdayî.

Pevketina Min Ya Bi Bîskîletê Hîro :-(

Źi derî beza xwa u beśdar buna semînerekê pê va li ba zangeha Zürich’ê, kêm-zêde min dema roźa xwa bi tevavî li malê derbaz kir. Oxxx.
Ev ćend roź in ku carinan baran u carinan źî berf dibare. Derudor hîć hiśk nabe. Loma, gava ez hîro nîvroyê bi bîskîleta xwa źi zanîngehê derketim u berbi mala xwa va dihatim, li ser rê bi bîskîleta xwa yekcar rep ketim ser erdê, źiber hesinê riya tramvayê.
Tevî ku ez pirr giran dićum źî, gava min li ser riya tramvayê xwast derbazî hêla din bibim, ev bobelatî hate serê min.
Mîna ku min berê źî hanî bu zimên, ev du heften e ku ez bi bîskîleta xwa ya lezane terrim u têm. Lê têrmaśê źiber tekirên/ćerxên xwa yên gelekî zirav, zu bi zu li min radibe xezebê. Gava pê li frenê dikim, qet guh nade min u ha ha bi pêś da taźoy. Yan źî gava tiśtekî bićuk tê ber ćerxan, dixwaze bi lez tewśa/parsenga xwa handa bike, bê bavêêê!
Hey tifuuu!
Bi xwadê divêt ez źibo demên bi baran u berf bîskîleteke din ya bi ćerxên stur peyda bikim. Yan na, ewdê roźekê belayeke pirr berbat were serê min. Heta vê gavê źî źi hemî pevketinên/qezayên mezin bi birîndariyên pirr mezin xelas bume. Ćend caran źî bi bextekî ecêb źi mirinê filitîme.
Ya staaar, de wî ćavkê xwa yê śîn hertim li ser min bigerîne lo, weyyy.

«Hêvara Ćandê» Ya Hîro :-)

Hîro nîvroyê ez ćum tev li semînerekê bum źibo seetekê.
Paśê bi lez hatim malê u min kincên xwa yên sportê li xwa kirin u ćum bezê. Piśtî vegera xwa min entremena bedenhêziyê/bedenćêyiyê kir, bi lez avek bi ser xwa da berda u dîsan bi lez bi bîskîleta xwa ćum wergerê, seet śaźdes/dewseś buu. Gava ez dîsan hatim malê, seet 17:30 buu.
Divêt ez di seet 19an da li ciyê «hêvara ćandê/kulturê» bibuma. Mehê carekê, roźên pêncśeman em li ciyekî tên ba hevdu u li ser dîroka zimanê kurdî, kultura kurdî, dînên kurdan dipeyîvin.
Hîro em tevda śeś kes bun; ćar keć u du mêr. Hêvara me gelekî baś derbaz buu. Loma źî li śuna du seetan, tam sê seetan haźot.
Źi beśdarvanan sê keć tên qursa zimanê kurdî źî, keća din źî ewdê piśtî du heftan were qursê.
Lê Cemîl kêm-zêde źi herêma me ye, źi Sêvas’ê ye. Asîmîle buye u źi malbateke elewî tê, mîna hemî beśdarvanên din, ez źî di nav da.
Serê Cemîl aniha pirr tevlihev xuya dike. Li hêlekê dibêźe dibe ku ew tirk bibe, lê li hêla din źî, źiber ku apê wî digotiye ew kurd bune u bi kurdî dipeyîviye, nizane ku ći bike. Feqîro, loma źî hewl dide xwa ku bi śiklekî fantastîk elewîtiya xwa źibo vê yekê wekî îspat bi kar bîne, yanî eslê xwa bi tirkan va girê bide, tevî ku xwa źî qet pê bawer nake.
Berê li ba kurdên elewî tiśtekî husan qet tune buu.
Mesela li ba me digotin «hemî kurmanc (ne «kurd!») elewîn e, hemî elewî źî kurmanc in.».
Lê mixabin ku źi ava kirina komara tirkan u vir da dewleta tirkan li ser kurdan siyaseteke ewqas barbar meśand ku, hindî kurd xwa bi xwa esl u feslê xwa înkar dikin, xwa tirk dihesibînin.
Ći dibe bila bibe, Cemîl’ê me gelekî memnun źi «hêvara ćandê» derket u ćuu mala xwa. Mîna ku xezneyeke zêrîn dîtî bibe, dilxwaśiya xwa hanî zimên.
Gava me oxir źi hevdu xwast, źi min ra got, «qesî ku ez dibînim, ev hemî źî têne qursa zimanê kurdî, lê ez nayêm. Loma źî ez dikarim źibo van «hêvarên ćandê hindekî pere źî bidim.»».
Herê welle, cîgerim Cemîl rehê xwa dîtî bu. Bextiyariya wî di peyvên wî da xwa bi pizot dida der. Ma źi vê xwaśtir ći hee ye?
Min got, «ev hêvara ćandê bê pere ye Cemîl’ê min, bê pere ye. Tew tu desturê nede ku di navbera te u rehê te da her tiśt were qut kirin, ew bes e, dilê min, bes e.».

Min Hîro Kêfa Xwa Xera Nekir Welle

Welle her ćendî dinê tevlihev dibe źî, źiyana min hîro bi aramî derbaz buu.
Źi derî seetekê werger u qursa zimanê kurdî pê va tiśtek ćênebu. Lê hîro di qursê da ćend ruyên nuh źî hee bun.
Min sporta xwa ya roźane pêk nehaniye. Wexta min tune buu.
Piśtî ku min hîro nîvroyê li ba zangehê qeyda xwa kir, ez ćum restorenta heval Newzat. Lê Newzat li wir nebu. Hevparê wî got Newzat roźa paśîniyê źibo ćend roźan bi zarokan ćuu tatîlê, ćuun serê ćiyayekî bi hev ra.
Ez qendî pêncdes/dewpênc deqqan li ba wî mam u dîsan derketim der u ćum wergerê. Helbet piśtî wergerê źî hatim mala xwa, źiber ku ez ê paśê bićuma qursa zimanê kurdî.
*
Di nućeyan da tenê leqleqa vala hee ye. Herre were herkes źî bi halê Śivan’ê me va eleqedar dibe. Ya raśt herkes źî dixwaze ku Śivan Perwer li gorî berźewendiyên xwa u yên partiya xwa bi kar bîne.
Bila źî bikin.
Ma Śivan serê xwa xwariye, bila ew źî desturê nede ti kesî, bila nebe lîstika di destên gemar buyî da.
Ku mirov li xwa xwadîtî nekir, kesên din bi kêfxwaśî kurtanan li mirov dixin.
Bila Śivan dest źi hunera xwa u Kurdistan’î buna xwa gavan bi paś da nehavêźe, wekî din ći dike bila bike, ew u kêfa xwa.
Yaw bila źî bi paś da gavan bavêźe, mêro ev ćil sal in ku xizmeta kultura kurd u kurdî dike. Ku me hemî kurdan ewqas xizmet bikira, em ê heta niha hezar carî rizgar bibuna dînime îmanime.