Kurdino, Aha Źi We Ra Îlana «Demoxretîk Tirkiye»yê Di Newrozê Da!

Hîro Newroz bu. Hat u ću.

Li welêt ći bu, ćiton bu, zêde haya min źê tun e.

Lê min di derbarê Newroz’a Amed’ê da ćend nuće dîtin u xwandin.

Di nav van nućeyan da hayiyên bi parlementera me kurdan Pervîn Buldan’ê va girêdayî ez bê sînor hêrs xistim.

Dibêźin, tevî ku kurdiya vê melkemotê qasî ya kućikekî źî tun e, rabuye kurdiya nameya birêz Öcalan xwandiye.
Tabî ti kesî źî źê tiśtek fam nekiriye.
De hun carekê baś lê mêze bikin, ev źina aqilsivik nikare teksta nivîskî ya di destê xwa da źî bixwîne.

Temam, ez heta ciyekî wê u kêmaqiliya wê fam dikim, lê ći lanet li wan kurdên qeśmer yên din ketiye?

Ma nikarin śimaqekê li vê źina zirr cahil bidin u bibêźin dengê xwa bibirre?!

Nabêźin, źiber ku hemî eynî rezalet in!

Źi yê/ya herî źêr bigirin heta yê/ya herî li źor eynî śorbe ne.
Loma źî me hîn nekariye qasî mafê kerekî tiśtina bi dest bixin.

Min źiber vê yekê ev nivîsa xwa di Facebook’a qewad da belav kir:

«Di nav siyaseta kurd u ya BDPê da taśeroneke din diyar bu: Pervîn Buldan!!!
Vê mehluqeta sefîl hîro di Newroz'a li Amed'ê da bi wê kurdiya xwa ya rezîl u ehmeq careke din zmanê kurdî di mêźiyên kurdan da kir pênc quruś!!!
Aha źi we ra "źina azat" ya îblîs u kemalîst u tirkîperest u kêmaqil!!!
Xwadê bike bila sibeha wê nebe!
Partî u îdeoloźiyên śarlatan u narsîst encax dikarin bibin komediyeyên dîrokî!».

Tabî "qaśo" nameya Öcalan di esl u feslê xwa da vik u vala derket.

Bi ćend gotinên gilower u yên ligorî xessesiyetên tirkên qewad, tê da ti tiśt tun e.

Ti pêśniyazeke konkret źî tun e.
Tenê pîrozkirina Newroz’ê, bratiya gelan, yekîtiya di bin îslamê da, horon u govenda gelên bra, yekîtiya bi Esyeya Navîn u Roźhilata Navîn, ...

Bi rastî ez śaśo-maśo bum.
Ma ev bu nexśeya rê, nexśeya ćareserkirina pirsgirêkê?!
Yan mêźiyê Öcalan bi dermanan temamî xerab kirine, yan źî MITê bi xwa ew name amede kiriye.
Bêguman gava ez vê yekê bi daxuyaniyên Öcalan yên dema revandina wî ruberîhev dikim, dibe ku wî bi xwa źî ew nivîsî ‘be.

Ćênabe ku kurd di nav van śert u mercan da siyaseta heebun u tunebuna xwa ligorî girtiyekî di destê tirkan da bimeśînin.

Ez dibêźim haya kurdan źi pêśketinên di warê tibb u psîkoloźiyê da tun e.

Drêź nekim, źixwa tiśtê ku ez bikarim li vir ćareser bikim źî tun e.

Ez vê pirr baś dizanim, ewê her tiśt ligorî daxwazên AK Partiyê biguherin.

Tabî źiber vê nameya ku "qaśo" aîdî Öcalan e źî min ev nivîsa xwa di Facebook’ê da belav kir:

«Min nameya birêz Öcalan xwand.
Ligorî fikra min ya śexsî, ev nivîs źi destê Öcalan derneketiye (meriv hew dikare tê da śopên usilên fikrî yên Öcalan bibîne).
Derketî 'be źî ne mesele ye.
Divêt ev name bi temamî were redd kirin, heta hetayê.
Nikare menfeetên milletê kurd yê qurbanbuyî temsîl bike.».

Heger ez śaś nebim, di vê meselê da PKK li paś deriyan bi temamî hatiye qanî kirin.

Heger PKK nehatî bibuya qanî kirin, hîro ev name li Amed’ê, di Newroz’ê da nedihate xwandin.

Ev du hefte ne ku źiber vê yekê ha ha propexendeyeke mezin dihate kirin.

Yanî PKK bi temamî herê gotiye.

Lê divêt raya giśtî ya kurd źî di nav vê demê da źibo vê yekê bihata amade kirin.

Bêguman PKK ći dike yan źî nake, bi xwa dizane.
Lê ćênabe ku tenê xortek u kećeke kurd di ber vê peymanê ra were qurban kirin.

Heqqê PKKê paśê źî tun e ku were u bibêźe, «Em hatin xapandin, li ser gotina xwa nesekinîn.».

Ez vê źî dizanim, di nav siyaseteke fêlbaz da ne em kurd u ne źî PKK dikarin bi hêzên din ra qayîśê bikiśînin.
Źiber ku ew kesên źîr u pîspor di destê me da tun in.

Bi bîr u baweriyên vik u vala em nikarin kevirekî xwa źî xelas bikin.

Bi vê mentixa beredayî em ê dawiya dawîn bibin śeqśeqćiyên «Demoxretîk Tirkiye, Roźhilata Demoxretîk, Yekîtiya Gelan, ...» u gelek rezaletên din.

Ê de bila rehma xwadê li me u heft ecdadê me ’be.