Bîranîneke Bi Destpêka Kurdiya Min Va Girêdayî

Di vê hewaya bê bav da ti guhartin ćênebunn yaw :(

Serma ha serma.

Tabî aniha li vir tatîl e, źiber berbi ezmên ćuyîna hezretî Îsa.

Loma źî her der girtî ne.

Êh, źi me ra źî wekî pisîkan serê xwa l’ ber xwa xistin u pê va tiśtekî din namîne.

Ez ê hîro bîranîneke xwa ya kevin li vir belav bikim.

Min źi berî heftekê di Facebook’ê da źî bi kurtî belav kirî bu.

Wê roźê, gava ez digel refên pirtukan disekiniyam u hilo difikiriyam, ćavê min l’ pirtukeke kevin ya di nav refan da ket.
Min ew derxist u ćavek lê gerrand.
Di nav da kertek hee' bu.
Li ser kertê resima Celadet Bedirxan’ê nemir xuya dikir.
Min ćerixand u l’ paś mêze kir.
Kert źi xalê me Firat Cewerî hatî bu.
Heger ne śaś 'bim, divêt źi berî 20 salan hatî 'be śandin.
Mixabin tarîx li ser nehatî bu nîvîsîn.
Xalê me Firat Cewerî eynen weha digot:

"
Dostê delal Beyhanî
Źi ber ku em bawer in entresa te źi pirtukên me ra heye, bê ku em źi te bipirsin, va ye em źi te re diśînin. Mafê pirtukan tu ćiqasî diśînî tu u kêfa xwa.
Bi silavên dostaniyê
Firat Cewerî
"

Di dema berê da źibo ku ez bikarim rupeleke bi zmanê kurdî bi dest bixim, wê rupelê bêhn bikim, pićekî wîcdana xwa pê rehet bikim, ez wekî kućikan ketî bum duv nivîsên bi kurdî.
Lê pirr kesat bu.

Bi hezar u yek zehmetiyan min carina tiśtên gelekî kevin b’ dest dixistinn.

Źi piśtî ku ez hiynî xwandin u nivîsîna bi kurdî bum, hîcar min dest b’ gerrîna pirtukên kurdî źî kir.
Źixwa dîtina pirtukan tiśtekî bê îmkan bu.

Źi derî ćend heban pirtuk źî tune bunn.

Carekê ez ćuyî bum śevekê.

Min li ser standekê kovara Nûdem’ê dîtî bu.

Min bi lez yek girte destê xwa u di nav ćavan ra derbaz kir.

Kovar bi śiklekî speyî hatî bu amade kirin.

Ćend hebên ku li ser standê bunn, min hema kirriyann.

Hema wê śevê min dest bi xwandinê kirî bu.
Kêfa min bi kurdiya kovarê pirr hatî bu.

Roźa din min denggośkî/têlefonî kovarê kir, yanî mala Firat Cewerî.

Min źê rica kir, daku bila heźmarên din yên kovarê źî źi min ra biśîne.
Tabî min dawa abonetiyê źî źê kir... Bi vî hawî têkiliya me bi hev ra ćêbu.

Źiber ku xalê me Firat Cewerî ev nexwaśiya min dizaniya, qet pêwist nedidît ku źi min bipirse, ka ew pirtukên nuderketî źi min ra biśîne ya na.

Pirr paśê ez pêhesiyam ku, pirtuka min ya yekem ya ku min di sala 1990î da xwandî bu, ew źî pirtuka Firat’ê me buye.
Yanî pirtuka wî ya bi sernavê «Girtî» bu. Paśê min ev pirtuk du carên din xwandinn.

Ez hîn źî carina wê pirtukê bi heycaneke mezin digirim destê xwa u ćîrokekê źê dixwînim.

Hîn źî ew dema ku min dest bi xwandina wê kirî bu wekî doh li ber ćavên min e.

Serê min feleket pê têśiya. Min nedikaniya her tiśt tam fam bikira.

Lê źi piśtî xwandina her ćîrokekê kurdiya min źî pićekî baśtir dibu.

Bi taybet źî gava peyvên ku min di zaroktiya xwa da bi kar taniyann, dihatinn bîra min, ez dibum wekî ćuk, źi kêfê dibim ćarbaskî bi xwadê ...
Helbet piśtî ku min pirtuk wê havînê li ba hewuza li nêzîkî mala xwa xwand u xelas kir, min mêze kir ku ez êdî pirtukên din źî dikanim bi rehetî bixwînim.
Wê roźê ez li ber tavê ćar seetan runiśtî mayî bum. Ćerma min śewitî bu li ber tavê. Lê min qet ferx nekirî bu, ez ewqas bi dil u can ketî bum nav pelên zmanê kurdî, ewqas źi xwa ćuyî bum.
Loma źî ez gelekî spasdarî wî me ku xalê me Firat ew pirtuk nivîsiye u diyarî zmanê kurdî u milletê kurd kiriye.

Ey xwadêyooo, ew ći bextiyarî bu ku te didaa vî feqîrê xwa.

Min bi zmanê xwa kurdbuna xwa, însanbuna xwa kifś kirî bu ...

Lê de hun carekê li van qeśmerên hîro mêze bikin.
Tevî ku meriv hîro dikare li ser hîv u Mars'ê źî hiynî kurdî bibe, tenê yek źî dev źi qewadî u qehpikiya zmanê tirk, ereb u farsên tecawîzkar bernade.
De bila qewadî u qehpikiya wan heraman daîmî 'be!