Ma Careke Din Qursa Zmanê Kurdî, Hmmm?

Hîro źî li vir hewayeke pirr xwaśik hee bu.
Lê ći heyf u mixabin ku ez bi vê birîna xwa nikarim herrim u bikevim avê.
Ez ê sibeh herrim biźîśk, ewdê deziyên li ser pîlê min bibirrin u b’avêźin.

Min doh dîsan dest bi bezê kir.
Tabî hîro źî.
Vê sibehê li tesîsên fîtnesê yên Irchel’ê min źi seetekê zêdetir pîskîlêt źî haźot.
Helbet bi vê yekê źî kêfa min hat.

Min entremena xwa ya bedenhêziyê hîro nekanî bikim.
Pićekî dereng mam, loma.
Ya raśt min got ez lii maća Spenye u Hirvatistan’ê mêze bikim.

Min di Facebook’ê da hîro dîsan îlana qursa zmanê kurdî belav kir.
Di nav hindek koman da źî weśand.
Qurs ewê di 24ê meha nehan da dest pê bike, heger herî kêm deh kes hee bibin.
Bi sê telaqên źin- u mêrberdanê bibe ku ez bi xwa hêć bawer nakim ku ewqas kes werin.
Kurd in, loma.
Gava mesele dibe zmanê xelkê alemê, hingê kurd bi hezaran oyro didin, terrin wan welatan.
Lê ku mesele hate ser zmanê bav u kalan, ne perên wan, ne wexta wan u ne źî ti źehr u ziqqimeke din rê dide ku hiynî zmanê xwa bibin.
De ez hîro ne zêde serê we u ne źî yê xwa bi’êśînim śekirino.
Bila śeva we bibe wekî hingiv, heyranino.