Hevdîtinên Vala U Lîstikên Tirkan Bi Kurdan Ra

Min hîro źî hemî wexta xwa li malê derbaz kir. Karê min yê wergerê hîro źî tune bu.
Tenê di seet 4an da ćum pîskîlêthaźotinê u pêra źî qendî seetekê beziyam.
Źiber ku doh lastîka min teqiya bu, min ću pêśta yeke nu kirriya u ew pê va kir.
Hewaya hîro źî wekî ya doh pirr xwaś bu, di ser bîst pileyan ra bu (20°).

Min di nućeyên hîro da tiśtekî balkêś xwand.
Nuće li ser hevdîtina PKKê u dewleta tirkan bu. Ew hevdîtina hatiye qeyd kirin źî, yanî bi deng bu. Min bi xwa nedî, dibêźin vîdeo źî hee buye, lê paśê ew vîdeo bi lez hatiye derxistin.
Bêguman min źî wekî gelek kesan mesele merax kir u xwand.
Aniha ez nikanim zêde tishtekî bibêźim, divêt ez hindekî li ser bifikirim.
Lê li gorî nêrîna min, dewlet di śexsê PKKê u A. Öcalan da, bi xelkê kurd ra dilîze.
Min ti cîddiyetî di vê hevdîtinê da nedît.
Tirk wekî ruvî ne.
Dubare u dubare pesina «tevgerê» u «A. Öcalan» didan.
Divêt meriv bi baldarî tevbigere, xwa nexe nav dafika tirkan.
Ez dibêźim tirk pirr baś dizanin, ewdê bi śer nikanî bibim piśta kurdan li erdê bixin.
Lê bi lîstikan vê yekê dikanin bikin, wekî berê.
Min źi nunerên PKKê ti tiśtekî konkret nedît. Daxwaza wan ći ye, ći źi dewletê dixwazin, qet bellî nîn e.
Helbet tirk ćavên diya xwa ne, bi gotinên gilower u leqleqa vala bi me ra dilîzin.
Bi fikra min bibe, ez ê bibêźim, tirk pirr baś dizanin ku hîn źî em tênegêśtine, ka bi raśtî źî tiśtê herî esasî źibo kurdan ći ye.
Lê ew bi xwa wî «tiśtê esasî» bi têra xwa nas dikin.
Ew źî «zmanê kurdî» ye!
U di makeqanunê da garantiya «zmanê kurdî» ye!
Lê źi nunêrên PKKê Sabrî Ok tenê carekê di nav axaftina xwa da ev mesele «hindekî bi tesedufî» anî zmên u ewqas.
Yê tirk bi awakî fêlbaz mesele li hev gerrand u bersîvek źî nedayê.
Źi vê hevdîtinê diyar e ku ti plan u proźe di destê nunerên PKKê da tune bun.
Ev tiśtekî pirr traźîk e!
Źibo vê yekê tenê ćend hevok bes in, ne zêde.
Ew źî «zmanê kurdî» u «nasnameya kurdan ya mîllî» ye.
Ha, di pratîkê da ew ćawan tên pêkhanîn, ew źî karê siyasetê ye u bi ya min bibe, qet mesele źî nîn e, heger daxwazî hee bibe!