Yekśemiyeke Dilfireh

Hîro źî hewaya germik u nermik xwa li hawîrdorê l’ baa dikir.
Vê sibehê di seet dewyekan da ćum pîskîlêthaźotinê, qasî seetek u nîv.
Paśê źibo pêncî deqqan ćum bezê.
Di seet duduyan da hatim malê.
Min Jenny u Manon li der dîtinn, min kurdiya wan carekê test kir.
Lê herduyan źî gotinên «Navê te ći ye? Navê min Jenny ye» nekaniyan baś b’înin bîra xwa.
Min got, «heta min serê xwa śuśtiye, bi lez hîn bibin, yan na, ez ê we nebem MacDonalds’ê.».
Gava ez di seet sisiyan da ćum mala wan, ew źî źi der va hatinn hundir.
Min dîsan źi wan pirsiya, lê îcar zaniyan.
Helbet pêra em bi hev ra ćunn MacDonalds’ê, me xwarina xwa xwar u hatinn malê.
Paśê dayika wan qehweyek ćêkir, me vexwar u źi piśtî seetekê źî ez hatim mala xwa, yanî derketim qata źor u ewqas :)

Wekî din tiśtekî balkêś pêk nehat.
Lê ez li vir dixwazim śîroveyeke xwa ya ku min źi berî ćend roźan di Facebook’ê da kirî bu, bi we ra parve bikim.
Źixwa hun ê meselê fam bikin, loma źî ne pêwist e ku ez li ser miźarê careke din bisekinim :D

«Xalê Rêzan, tevî ku ez di hindek xalan da maf didim te źî, lê di gelek noxteyan da źî mixabin źi heddê xwa bêtir surrealîst î.
Tiśtê ku ti mantiqeke xwa di xwezayê da tun e, îddîa dikî.
Ez bawer dikim di vê meselê da fikrên sosyalîzmê yên ku di bin dagirkeriyê da pêkhatinne, roleke esasî dilîzîn.

Tu li ciyekî dibêźî:
«Wekî rêxistineke çepgir, dixwaze li şûna parçekirin, parvekirin û birêvebirinê, gelan bike yek û bira.».

Ez nizanim tu bi kîźan gelan ra dixwazî bratiyê bikî.
Źiber ku ez baś dizanim di nav xwezayê da tiśtekî weha tune bu, tun e u ewê qet nebe źî, referensa te kîźan xweza ye u ći ye.

Heger daxwaza PKKê ev bratiya bi tirk, ereb u farsan ra bibe, bêguman redda PKKê źî wekî kurd ewqas zerurî ye.
Kurdê ku hîn nikare bi zmanê xwa dibistanekê vebike, zarokxaneyekê vebike, du kurdên ku nikarin bi zmanê xwa du hevokan rast binivîsîn, ev dawa azadî u bratiya ći u kê ye, ez nizanim.

Di miźara DYEyê da źî tiśtek neket serê min, pirr xeyalperest xuya dike.
Yanî DYEyê dixwazin dewleteke kurd, yanî Kurdistan'eke mezin ava bikin, lê PKK u rêberiya PKKê dibêźe na em qebul nakin, em ê bratiya gelan ava bikin, yanî bi śiklekî dixwaze Kurdistan'ê bike qurban, ne wilo?!
Bibore ćavkê mino, divêt meriv bi herdu lingên xwa li ser erdê bimîne.

Heger PKK ev bibe, bêguman ez ê heta hetayê źî li diźî PKKê bibim. Ev diyar e.
Yanî ev kurd źibo bratî u kêfa tirk, ereb u farsên qewad têne tecawîz kirin, têne kuśtin, ne?
Ez nizanim ka haya kekê min źê hee ye yan na, ligorî ku min di nućeyekê da xwandî bu, keć u źinên kurd źiber pariyek nan u av terrin laśên xwa difirośin. Źiber ku van gelên ku tu dibêźî nizanim ći u ći l’ heft eźdadê van însanan kiriye.
Heger ev bratî li ser laśfirotina keć u źinên kurd yên mehrum dixwaze were ava kirin źî, heramiyeke bê efu ye.

Drêź nekim, źixwa xweza hertim fikir u tevgerrên raśt di nav bêźingê ra derbaz dike. Kesên ku ligorî śertên xwezayê yên ebediyen nadin u nagirin, nikarin zêde xwa îddîa bikin.
Bêguman di vê meselê da serdestiya zmanê tirkan di mêźiyê kurdan da makîneya sereke ye ku kurd xwa bi mentelîteya tirkbunê îfade dikin. Xwa tirk dihesibînin, tevî ku li hemberî sîstema bi zmanê tirkan fikrên berevaźî diparêzin źî.».

Aha ew ayet źî ev bu śekirino.