Min hîro pirr berbat dest bi roźê kir u îman di xwa da kir bexdenus.
Ez ê di seet desan/dehan da li klînîkekê bibuma źibo wergerê.
Lê têrmaśê, bi pîskîletê hema hema qendî nîv seetî dikiśîne.
Îcar śansa min e, berî ku ez ê źi malê derbiketima, śiliyê/baranê xwa berda ser erdê.
Źiber ku ez bi erebe u tramvayê źi ćuyînê hez nakim, bi pîskîleta xwa derketim ser rê.
Aha, bi serê pêxember Zerdeśt bibe ku ez bi têra xwa di rê da bum hevîr.
Piśtî ku ez gêśtim ber klînîkê, baranê źî xwa berda ćolê u yekcar birriya.
Bi telaq, śansa min ne ti śans e babam.
Paśê min piśtî nîvroyê li klînîkeke din du seetan werger kir u hatim malê.
Êêê, di seet ćaran da cîgerim Roman hat, em ê bi hev ra bićuna entremana pêgoogê. Lê gava me li ser qada pêgoogê dest pê kir, îcar karkerê ciyê sportê yê unîversîteta Irchel’ê źi dur va dengê xwa bilind kir u got: «Law oxlim di bin baranê da lîstin berbirrk e/qedexe ye, de bi wir da herrin yaw, wîîî!».
Êêê, em dîsan paśpalkî vegeriyan malên xwa.
Di seet heftan da zengila dêrî lêxist. Gava min derî vekir, min mêze kir ku hevala min Jenny li ser nerdîvanan runiśtiye u bi śiklekî qurnazkî dixwaze ku źi min ra tiśtinan bibêźe. Jenny hîn śeś salî ye u keća cîrana min e. Lê em hevalên hevdu yên pirr baś in, tevî ku Jenni carinan hêrs dikeve u min terk dike źî. Cîgerim hertim min bi dîtina hevalekî din tehdît dike. Helbet em carinan aśtiyê źî di navhev da ćêdikin ellawekîl.
«Êêê, tuuu» got, «ma sibeh wexta te hee ye ku min heta sîrka zarokan bibeyî, hiii? Tu dizanî, diya min u Manon (xwanga wê ya du sal mezintir e) nexwaś ketine, loma haaa!».
Piśtî ku me bi hev ra daa u stand, paśê min got, «ćêbu, ćavśînê, wîîî».
Tabî di vê navê da diya Jenni źî weha nexwaś derket u hat.
Gava min źi Jenny ra got bila xwarina hêvarê źibo dê u xwanga xwa ćêbike, got «ez hîn bićuk in, nikanim ha, ma tu nabînî, weylooo!».
Îcar kurdîtiyê bi min girt u min got, de baś e, kećikêêê, were ez źibo me herduyan meqernê ćêbikim. Diya wê źî pirr kêfxwaś bu.
Welle min xwarin ćêkir, me bi hev ra xwar, dura źî min berfeśîr (eiscrem) hanî u dayniya ser masê. Lê heyatim Jenny tam xelas nekir. Rabu ser xwa, xwa bi vir u wir da kil kir, yekcar got, «aha ez terrim. Dereng nemine sibeh, ćêbu?».
Min di van roźên dawiyê da birryareke pirr esasî girtiye law.
Bi sed u yek telaqên berê, ez ê źi niha u pê va zimanê kurdî li Jenny bidim hîn kirin, źixwa hêviya min źi kurdên me yên agirpêketî tun e babam.
Îcar hêsab li ba we ye, birê min.
Ma hun li mala xwa bi kîźan zimanî bi zarok u xwang u birayên xwa ra dipeyîvîn, hi, bi kîźan zimanî, yabo qurbaaanino?
Keine Kommentare:
Kommentar veröffentlichen