Ćoganê min di destê min da ez berbi gira efsaneyî ya li ber min
va dimeśim.
Gira ku ez li ser lutkeya wê bum.
Ez ê vê carê heta lutkeya girê derbiketima.
Min ê xewna zaroktiya xwa ya źi berî ćil salan l’ xwa helal
bikira.
Min ê vê carê li lutkeya vê efsaneyê ćîroka xwa bi dawî bikira.
Bi merax ez berbi źor va hildikiśim.
Li źor herd u kevirên spî min berbi xwa va dikiśînin.
Kaś her ku bilindtir dibe, tuźtir dibe.
Źi hilkiśînê zêdetir bala min li ser emniyeta canê min e.
Lê ćare tune bu, ez ê hilbikiśiyama.
Qedera vê yekê di vê roźê da vêśartî buye.
Di nav ćil salên reviyayî da min tiśtek pirr baś fam kirî bu,
herê, min tiśtek pirr baś fam kirî bu.
Qedera ku di hema wê kêliyê da nekariye bibe rastî, tenê u tenê sefseteyeke vala u sextekariyeke beyhude ye.
Li hêla paś gava ez źi girê dadiketim min ev kulîlk dîtin.
Her tiśt di dema bihara xwa da xwaś u bedew e. Tiśtê ku di nav
wê biharê da nekariye śîn bibe, źiyanê źi xwa bifurîne, ćîrokeke puć e,
miriyeke bê xwalî ye, guleke bê reng e ...
Qet niyeta min ya ku dest źi wê biharê berbidim, qedera xwa bi
destên xwa bê xwalî u av bihêlim, bi her du destên xwa wê bikuźim, tune bu.
Dizanim, belkî źî ez ê bi xwa zêde pê bextewar nebibuma.
Źixwa mebesta di dilê min da źî ne ew bu. Mebesta di vî canî da
tenê bextewarkirina wî lawikê ćend salî bu. Min qet guman nedikir ku ew zarokê
di ruhê min da źê aciz bibuya.
Ev hilkiśîna berbi źor va îcarê źibo wî zarokî bu.
Carina bi lepên xwa xwa berdidim ser keviran, kîp b’ wan
digirim.
Carina berê xwa didim hêla ćep, carina l’ hêla rast.
Ćep u rast, bi zîgzag terrim u têm.
Niyeta min ya ketinê qet tun e.
Zozana gundê me yê xerabe.
Turika li dor hustiyê min girêdayî carina min aciz dike. Bila źî
bike, ez ê di ser vê kaśê ra derbaz bibim.
Carina li ciyê xwa moleyekê didim. L’ hawîrdorê mêze dikim, l’
Śahîn u Śukran’ê digerrim. Dubare bala xwa didim kaśê li ber xwa. Ciyên
emniyettir digerrim.
Niyeta min ya ketinê qet tun e.
Li lutkeya girê du zinarên spî u mezin xuya dikin.
Nîśangeh źixwa li ber ćavên min in, zeftkirina wan nêzzîk dibe.
Zozana gundê me yê xerabe.
Mîna ku meyta wî zarokî ya źi berî ćil salan di nav wan her du
zinaran da vêśartî ’be, ez tiliyên xwa di nav herdê ra dikim u xwa gaveke din
berbi xewna xwa dikiśînim.
Di vê kêliyê da Śahîn u Śukran'ê li hêla din ya zozana me dibînim. Li
ser riya ku em hatî bun, dimeśiyan, u berê xwa daa’bun ziyareta li ser wê
kendala kur.
Ez bang l’ wan dikim. Disekinin.
Berbi min mêze dikin. Herhal dibêźim ez nedîtim.
Ez dubare bala xwa didim kaśê li ber
min. Hêdî zêde durî nemayî bu. Ez bi hêdîka berbi hêla ćep meśiyam. Di ćend
gavên dawiyê da min bi serê ćoganê xwa herd kontrol kir, źibo ku di ćend gavên
dawiyê da bi bez xwa b’avêźim ser zinarê li ber min.
Zozana gundê me yê xerabe.
Źi piśtî ćend seniyeyan, źi piśtî ku
min hêsaba xwa kir, min hemî giraniya xwa berda ser ćoganê di nav her du destên
xwa da u bi lez min xwa berbi zinêr havit.
Herê, vê carê źî bextê min bi min ra
bu. Ez u zinar, em l’ hev zeliqî bun.
Nîgên min yên di nav avê da. Min got qet nebe ez kurrikên/gorên xwa biśom.
Ez li ser dîwarê hilweśiyayî yê ćil salî l’ herda zaroktiya xwa
mêze dikim.
Bi hêvî me. Źixwa ez ê ćend śopên din yên nas peyda bikim li vê
beyarê, dibêźim xwa bi xwa ra.
Bi hêdîka dadikevim źêr, têm cem Śahîn u Śukran’ê.
Em li keviya avê radiwestin. Ez dixwazim ćend resimên avê
bigirim. Nîgekî xwa datînim ser kevirê di nav avê da. Lê kevirê di bin nîgê min
da śemitiya u nîgê min yê ćep kete nav avê. Îcarê min nîgê xwa yê din źî kir
nav avê bêyî ku solên xwa derbixînim.
Śahîn u Śukran’ê źî solên xwa źi xwa kirin u nîgên xwa kirin nav
avê.
Śukran'ê, «Keko, bi xwadê ev xistina nîgan ya nav avê fikireke baś
bu», got.
Helbet mebesteke min ya bi vî hawî tune bu, lê ew kevir bu’bu
qedera me ya di nav avê da.
Min hêkên bi runê patî yên di nav nên da derxist u dest bi
xwarinê kir. Śukran u Śahîn źê negirtin, wan źî nan u pendurê di turikên xwa da
derxistin.
Em heta nîv seetekê nîgên me di nav avê da li ber avê runiśtin.
Nîgên min di nav avê da. Gava min girte ser kamereyê źiber tîrêźên roźê yên di nav avê da rengekî sosret derket holê.
Paśê em rabun ser xwa. Śukran u Śahîn berbi mala źor va meśiyan.
Kesek li wê derê bu, lê me nedizaniya ku kî bu.
Gava ez hatim ba wan, min mêze kir ku canikên me bi hev ra
sohbetê dikin.
Zarokekî li dor ćardeh salî li wir bu.
Bi tirkî bi hevdu ra dipeyîviyan. Min bi kurdî silav daa wî
lawikî. Śukran di cî da got ez bawer nakim ku bi kurdî bizane.
Lêwik hema bi lez got, «Na, ez bi kurdî dizanim.».
Kêfa min pirr pê hat. «Ćavê mino, ma tu xelkê ku derê yî?»
«Ez li vir śivantiyê dikim. Źi xelkê Muś’ê me. Źibo vê havînê
hatim vir. Ez ê îsal dest bi lîseyê bikim. Lê ez bawer nakim ku ez careke din werim van deran.», got.
Śivanê ciwan yê ćavbelek.
Lawikekî śermok bu. Lê kurdbuna wî, kurdiya wî hîsseke sosret di
min da ćêkir. Me fam kir ku em kurd in u zmanê me źî kurdî ye. Hîn źî em hee
ne, hîn źî em li vir in!
Śukran u Śahîn xatir źê xwastin u berê xwa dan berbi hêla paś
malê. Kaśeke tuź li paś malê hee’bu.
Ez pićekî din bi wî lawikî ra peyîviyam. Min ê hindek pere
bidayê, lê mixabin ti tiśt li ba min tune bu, mixabin.
Źi berî ku ez źê xatir bixwazim, min destura girtina ćend
resiman źê kir. «Keko, mesele nîn e, helbet dikarî ćend resiman bigirî.», got.
Ćend resiman dikiśînim. Destê xwa drêź dikimê, destê wî bi
hezkirineke mezin diguviśim. «Bila haya te źi te baś hee’ ’be, ćavê mino! Dibe
ku em roźekê li ciyekî din rastî hev bên, źi bîr neke. De bi xatirê te.»
Śahîn u Śukran, xaltî u xwarziyên hevdu, di nav avê da kêfê dikin.
«Oxir ’be, keko! Ez ê bextewar ’bim.»
Gava ez hatim paś malê, ti kes tune bu. Min nedizaniya ku
Śukran u Śahîn b’ kîźan hêla da ćuyî bun.
Lê min berê xwa daa kaśa tuź ya li ber min bi xêra ćoyê di destê
min da.
Źixwa min di zaroktiya xwa da hertim merax dikir u dixwast tiśtê
li ser vê girê, tiśtê li paś vê girê bibînim. Źibo min mîna ku welatekî din u însanên
xerîb li paś wê girê hee’ ’bin, ez pićekî ditirsiyam. Źibo min ew gir mîna sînoreke
ebediyen bu di navbera me u wan da. U ez ê vê gavê, aniha bi hêdîka berê xwa bi ćoganê di destê xwa da bidim nav wê sînorê. De ya bi xêr.
Metin / Kemal Kahraman: "Meyman" (= "Mêvano/Nîvano")
Dizanim, min ê ew nedîta. Lê dîsan źî ćavên min l’
dîzarên/dîwarên źi hev ketî digerriyan.
Qet nebe divêt ćend kevir li śuna xwa mayî bibin.
Min riyeke ewqas drêź li paś hiśt u hatim.
Ava ku di nav zozana me ra diherike.
Ez berbi źor va dimeśim. Ne bi temamî źî ’be, ciyê mala me hîn
di bîra min da bu.
Śahîn u Śukran dîwarên bi keviran yên li pêś min nîśanî min
didin, «Keko, aha ev xopana ku tu lê digerriyayî, ev wêranxane ye.», dibêźin.
Her der bi giyan hatiye dagirtin.
Ez pićekî din berbi źor va dimeśim, dixwazim źi źor va li ser
dîwêr bisekinim u berê xwa bidim źêr, bidim berbi roźava.
Li źêr eraziyên bi giya dibînim. Tam źi berî ćil salan, tam di
van wextan da li van deran dibeziyam, goog dilîstim bi googa me ya źi paćikên
kevin ćêkirî.
Hingê holika me ya tenê źi du beśan źibo min pirr mezin xuya
dikir. Lê vê gavê ez bi pićukiya wê hessiyam.
Nahala li nav zozana gundê me.
Ew sibehên sar u hênik yên di nav wan nivînan da dest źi min
bernadin.
Kelecaniya ku di wan sibehan da dikete nav malê, beza b’ vir u
wir da, berxik, mîh u dewarên serserî yên ku źiyana me ligorî dilê xwa dîzayn
dikirin, em bi xwa ra digirtin u dibirin ...
Ev «ćama bi beniśt» e, heta bi mîlîmêtroya xwa ya dawiyê. Di meriv da hîsseke pîrozane ćêdike.
Em ê di ser Tumî Bilind ra heta deśta li ser ćiyê derbiketina. Em ê di ser kaśa li ber me ra bimeśiyana.
Li ser Tumî Bilind em rastî «ćama bi beniśt» hatin.
Meriv digot qey źi dara ćamê beniśteke pîroz b’ erdê da diriźiya. Ez pićekî źê bêhn dikim. Rehmetiya dayika min hate bîra min. Di zaroktiya min da ez hertim bi xwa ra digirtim u dibirim źibo ku em beniśtên ćaman berhev bikin. Em bi seetan, bi roźan bi berhevkirina beniśtên ćaman bilî dibun. Min him dixwarin u him źî kom dikirin. Dayika min ew beniśtên ćaman bi gelek giyayên cihê bi cihê ra tevlihev dikir, źi wan dermanên źibo nexwaśiyan ćêdikir. Bi taybet versiyona ku bi hunguv bu, bi têra xwa xwaś bu ...
Riya me ya bi deśt.
Em heta Deśtê hatin. Me śivanê gundê me dît. Li wir radiket. Gava em hatin ba wî heśyar bu. Śukran hema li ba wî runiśt, hal u xatir źê pirs kir. Paśê, źi berî ku em rabibin di nav gotinê da pirsa ku ka daxwazeke wî hee ye yan na, źê kir. «Heger hun bikarin cixareyekê bidin min, ez ê kêfxwaś bibim.», got. Lê di nav me da źî ti kes cixarekêś nebu.
Ciyê li ber zozana gundê me.
Em dubare ketin ser rê. Di ber Gola Sor ra derbaz bun u ketin ser riya zozana gundê me. Normel divêt źi gundê me heta zozanê bi peya qasî du seetan bikiśanda.
Li źor her der hilu bu, wekî deśta Erzingan’ê bê ser u ber drêź bu.
Hindek tiśt b’ min nas dihatin, lê hindek źî qet b’ min nas nedihatin.
Zozana gundê me ya xerabe, źi dur va.
Di rê da li hêla rast, ciyekî spî xuya dikir. Źi me qasî pênc sed mêtroyan dur bu. Herhal kils/kirêć bu. Di zaroktiya min da źî ew ciyê spî min dîtî bu. Tevî ku min ewqas merax dikir, tevî ku min ewqas dixwast carekê herrim wê derê źî, min nekir, nekariya. Vê carê herhal min ê bikira. Min xwa bi xwa ra got li ba vegerrê em carekê b’ wir da źî herrin.
Heta nêzzîkî zozana gundê me her tiśt di rê da meśiya. Di dawiya riya zozanê da divêt meriv pićekî berbi źêr va dabikeve.
Naxirê li zozana gundê me.
Źi dur va me ziyereta li hemberî gundê me źî dît. Gava Śukran’ê ziyeret nîśanî min daa, di cî da hate bîra min. Wekî kevankeke bi heybet xuya dikir. Ew roźa bêbav hate bîra min ...
Źi dur va zozana gundê me wêranbuyî xuya dikir. Źi derî xaniyekî li ser xwa tenê dîwarên hilweśiyayî li ser erdê radimediyan.
Sosreta xwadê ye, li zozana me naxir dićêriya.
Em heta źêr daketin. Śukran u Śahîn źi nahalê/newalê avek vexwarin. Di navbera me u zozanê da tenê ćend sed mêtro mayî bun. Rê hema hema di nav giyan da handa bu’bu.
Naxir li binilê zozanê bu. Gava em hatin u gêśtin nêxir, źi her du kutiyan/kućikan yek hate ba me. Min źi Śahîn ra got bila tenê źibo carekê pariyek nan bidê, ne zêde. Eynen weha źî kir. Paśê kutî/kućik berbi źêr da ću u bela xwa źi me veda.
Hîn nahaleke pićuk li pêś me hee’bu, em ê źê derbaz bibuna, em ê li kućeya girê li ber me bićerixiyana u ...
Herê, zozana me ya di nav ćil salan da mazîbuyî ewê bi me ra rubiru bimaya.
Roźa duśemê, 6ê temmuzê ez ê bićuma zozana gundê me.
Roźek berê źi Stembol’ê gelek kes hatî bun gund. Yên din źî
digotin ewê di destpêka ceźna remezanê da, di 18ê temmuzê da werin.
Dîmeneke xwaś ya li pêś dibistana kevin ya gundê me (4.7.2015).
Mixabin roź roźa min ya dawiyê bu li gund.
Wê hêvarê gelekan gotin em ê źî bi te ra bihên zozanê. Min źî
got heger hilo ’be, de bila xwa di seet nehên sibehê da amade bikin.
Roźa din gava ez di seet nehan da derketim der, hîn kes li holê
xuya nedibu.
Ez ćum mala xaltiya xwa Nazli’yê. Ewê keća wê Śukran u newiyê
xaltîka min Śahîn źî bi min ra bihatina. Helbet lawê xaltîka min Murad źî digot
ewê bihêt. Lê camêr b’ xwa negirt.
Heta ku em derketin ser rê seet bu yanzdeh. Tabî ez gelekî hêrs
ketim. Bi vîtevîta vala pićek maa ku roź di ser me ra biće ava. Herkes mixtarê
herkesî ye. Ew dibêźe ew nikare bi peya heta zozana gund were, yê din dibêźe ew
nikare.
Di dawiya dawîn da źi derî Śukran u Śahîn ti kes li ser gotina
xwa nema.
Li malê braźina min Gul’ê źibo rêwîtiya min ya berbi zozana
gundê me topek nan bi sê hêkan, topek źî bi pendurê teze amade kirî bu. Min her
du źî kirin nav turika xwa ya pićuk.
Dubare min berê xwa daa mala xaltîka xwa.
Dîmeneke xwaś ya li pêś dibistana kevin ya gundê me (4.7.2015).
Li ber dêrî ćoyek hee’bu. Herhal yê Murad bu. Min ew ćo źî girte
nav destê xwa.
Lê Śukran hîn źî amade nebu’bu.
Ya rast ez ê bi tena serê xwa bićuma, lê min rê nas nedikir. Ez
di śeś saliya xwa da źi gund ću’bum. Źê pê va źî qet di ser riya gund ra neću’bum
zozana me. Gava ez deh salî bum careke ću’bum, lê ew źî źi hêla Erzingan’ê va
bu.
Kekê min dil dikir ku bi min ra were.
Lê wî źî pirsgirêkên xwa yên bedenî kir sebeb u dest źê berda.
Tabî pêwistî pê tun e ku ez yek bi yek beheneyên canikên din źî
li vir binivîsînim.
Em bi erebê ćun malê. Hîn seetek wext hee’ bu ku Cem li
balafirxanê dabikeve.
Balafirxane bi erebê źi malê qasî 7-8 deqqan dur e.
WCeya li ser riya gundê me.
Di vê navberê da min got heger kekê min Smeîl min li nav baźêr,
li ba markêta kurdên me yên elewî da’yîne u paśê here balafirxanê ewê baśtir
bibe.
Źixwa wextê me yê ku zêde li Erzingan’ê drêź bikin źî tune bu.
Min digot ez herrim ćend tiśtan źibo vegerra xwa ya berbi Swîsre’yê bikirim.
Tenê sê roź mayî bun źibo vegerrê, yanî ez ê roźa sêśemê vebigerriyama.
Me hilo niyet dikir ku em heta sibeha roźa sêśemê li gund
bisekinin.
Kekê min ez li nav baźêr da’yniyam u ću balafirxanê. Ewê bi tevî
Cem dîsan bihata u ez li ber markêtê bigirtima.
Hat źî.
Kaniya li Kortê Kêvir, li ber gundê me.
Dema ez li ser bankê rudiniśtim, yekcar Cem’o li ber min
peyda bu. Ez qet bi wî nehesiyam. Mêro ruyên xwa źî drêź kirî bu. Me hevdu
himbêz kir. Cem’oyê bi ćend bihost aniha źi min źî drêźtir bu.
Em bi erebê dubare ćun malê. Me digot em bi hev ra herrin
xwarinekê bixwin u paśê carekê bi lez herrin mala dê u bavê Bîrgul’ê, sersaxiyê
źi wan ra bixwazin.
Me bi wî hawî źî kir. Me xwarina xwa xwar, pêra em bi hev ra ćun
ba Bîrgul’ê, qasî nîv seetî runiśtin u derketin ser riya xwa.
Herhal seet li dor 17ên hêvarê bu gava em gêśtin gund. Dema bavê
min Cem’o dît, ew nas nekir. Paśê bi hêdîka pêhesiya, «Ka hun ê bićuna daweta
hevalekî xwa, derewkarino! De îcar we ev dizz źi ku peyda kir yaw?».
Min bi lez Cem girt ba xwa u berbi dibistana gundê me bir. Rooź
hîn ava nebu’bu. Lê pêśuyên heram can di me da nehiśtin.
Meta min Kîraz.
Roźa din em, zarokên meta min u yên ćend gundiyên me em bi hev
ra derketin Arîgaz’ê. Me yê xwarina xwa li wir bixwara. Paśê ćend ciwanên din
źî hatin. Civata me mezin buyî bu. Lê ez qet li śuna xwa runeniśtim, ha ha di
nav wan dar u daristanan da gerriyam. Heta źi berî ku rooź ava bibe, em li
Arîgaz’ê man.
Me roźa yekśemê bi vî hawî li Arîgaz’ê derbaz kir.
Wê hêvarê millet hat li mala bavê min bu mêvan.
Li gund kes zêde dereng namîne, hîn di seet neh-dehan da terrin
radikevin. Sibehê zu radibin u bi kar u barê xwa ra miźul dibin.
Wê roźê źî tarî b’ ser me da hatî bu. Dinya ewê heta bi noxteya
xwa ya veśartî di nav xewê ra bićuya. Hewayeke hênik xwa li ser herdê drêź dikir.
Bêdengî di nav vê demê da hêdî dibu sondeke xwadayî u xwa l’ me radipêća.
Her cara ku tarî b’ ser min u me da dihat, em di nav xwa da bê
mehne dihiśtin, em li ber ćavên hevdu tune dikirin, herê, em li ber ćavên hevdu
tune dikirin. Lerizîneke pîć b’ canê min digirt, hestiyên di canê min da pê dikirin zingezing.
Herê, roźeke din di ser min ra dibuhuriya u dibu ćîrok.
U ez ê di demeke nêzzîk da dîsan źi herdê xwa bireviyama, bi
herdê ku min hêlîna xwa ćêkirî bu, bi herdê ku min bextê xwa revandî bu.
Bihiśtên min yên dilovan di nav vê herdê da ketî bun xewa xwa ya
bê sibeh.
Divêt her tiśt dubare di serê min da bihata cî kirin, divêt ew
aîdiyeta di zaroktiya min da di meyta xwa da biliviya u b’ can biketa.
Min li van beyaran canê xwa li paś xwa hiśtî bu.
U ez li pey wî canî bum.
Źibo dawiya hefteyê kekê min źi bavê min ra got, «Em ê roźa
paśîniyê herrin Erzingan’ê daweta lawikê hevalekî min. Em ê zêde nemînin, dîsan
bi lez vebigerrin u werin.».
Lê di rastiyê da mesele ne dawet bu. Ewê lawê kekê min Cem źi Stembol’ê źibo sê roźan bihata gund. Me got bila ew źî źibo bavê min bibe surprîz.
Gava em gêśtin Erzingan’ê, me got em pêśta keća kekê min Duygu carekê biben
nexwaśxaneya Neon'ê. Hustiyê wê têśiya. Li gund serma girtî bu, loma.
Destpêka baźêr.
Li ber nexwaśxanê me kesekî nas dît. kekê min got xwanga Bîrgul’ê
hanîne acîlê. Źi berî ćend roźan dayika Bîrgul’ê wefat kirî bu. Têkiliya Bîrgul
u kekê min ya malbatî pirr drêź u nêzzîkî hev e. Bavê Bîrgul’ê źi dur va xizmê
me ye źî.
Em derbazî hêla acîlê bun. Duygu, kek u braźina min Gul bi hev
ra ketin hundir. Ez li korîdorê li benda wan mam.
Paśê Gul hate ba min, «Beghyanî, hevala te ya zaroktiyê, eśqa te
Doner źî li vir buye. Bîrgul’ê digot Doner dixwaze carekê Beghyanî bibîne. Va
ye qismeta we ya hevdu dîtinê li vir buye. Ka hele were em carekê herin wê hêlê cem
wan.», got.
Ew li pêś, ez źî li paś, em meśiyan.
Xwanga Bîrgul’ê li ser nivînekê drêź buyî bu. Min ew nas nekir,
nehate bîra min. Lê wê ez nas kirim. Doner źî li cem wê bu. Min Doner źî nas
nekir.
Kolana sereke ya li nav baźêr.
Źi piśtî ku braźina min Gul’ê got ev Beghyanî ye, Doner bi kenn
ez himbêz kirim. Destê min yê rast źî di nav destê xwanga Doner’ê ya di nav
nivînê da bu.
«Beghyanî, ma tê bîra te gava me bi hev ra mangeyên xwa dibirin
ćêrandinê? Dizanim, tevî ku tu ewqas aram u bi sebir buyî źî, min gelek zilm l’
te dikir. Dîktetoreke temam bum. Biborîne. Zaroktî bu, biborîne. Te źibo carekê
źî li hemberî min hiśkiya di dilê xwa da nîśan nedayî bu. Lê roźên xwaś bun.
Hîn źî di bîra min da hilo zîndî ne. Axxx, źiyan ćiqas bê merhemet e carina.
Aha ev keća min e li paś te. Nu zewiciya. Ka bibêźe, tu ćawan î, baś î?»
Keća Doner’ê źî l’ wê diśibiya. Bi têlefona di destê xwa da
miźul bu.
Bersîvên min pirr kurt bun. Ez dibiśiriyam, u ew źî dipeyîviyan.
Zêde wextê me tune bu. Em ê hîn bićuna malê u paśê źî me yê
bićuya Cem li balafirxanê bigirta.
Kolana sereke ya li nav baźêr.
Kek u braźina min Gul’ê gotin heger em pićekî lez bikin ewê
baśtir bibe. Xatir źi wan xwastin u berê xwa dan dêrî.
Her du destên min hîn źî di nav destên her du xwangan da bun.
Doner’ê źi kezeba sor bi her du destan destê min yê cep guvaśt, ez
dubare himbêz kirim. «Beghyanî, źi te rica dikim, wan roźan źi bîr neke. Her
tiśt guheriye. Ti tiśt li śuna xwa ya berê nemaye. Qet nebe bila ew bîranînên me li
śuna xwa bimînin. Temam?»
«Tabî. Bila qet nebe ew li śuna xwa bimînin.»
Min źî xatir źi wan xwast u berê xwa daa dêrî. Yên me li benda
min bun. Hewa li der dikeliya.
Roźek paśê źî baran u tirî bariya. Derfet ćênebu ku ligorî dilê
xwa bikevim nav wan nahal, gir, daristan u ćiyayên bi merhemet.
Ez ê di nav bîranînên xwa da yek bi yek bigerriyama li wan
deran, ez ê yek bi yek di nav bîranînên xwa ra derbaz bibuma.
Di nav du roźên destpêkê da ez di malê da girtî mam.
Roźa sêyem u yên din hewa hate rehma xwadê u rê li ber min vekir
heta li ber deriyê xwa yê dawiyê.
U ez ê biketima nav wê herdê, bihost bi bihost, gav bi gav.
Her der bi giya u gulan hatî bu dagirtin. Digel meśê astengiyeke
mesudane derdixistin.
Lê, źiber ku heta nîvroyê hertim miź hee’ bu, źi nîvroyê heta
hêvarê zêde wext nedima ku ez bi hemî rehetiya dilê xwa bigerrim.
Wext ne bes bu.
Lê ez źî bi sebir bum.
Min źi Kevirên Kiran dest pê kir heta ku roźa dawiyê ćum di nav
zozana gundê me ra derketim (źixwa ez ê paśê li ser meśa drêź ya berbi zozana
gundê me va bisekinim).
Tabî bi taybet min digot ez roźekê herrim Dalik’ê źî bibînim.
Ćum źî, bi tevî kekê xwa, braźin u braziya xwa (ev resimên li keviyê hemî źî li Dalik’ê hatine girtin). Dalik bi tena serê xwa bihiśteke ebediyen e.
Mihteśem e.
Źi kendala ćiyê di śiklekî sê-kośeyî da źê bizdiye u berbi źêr
va daketiye. Li Dalik’ê ćirtikeke avê źî hee ye. Li ber wê ćirtikê di nav ava
golbuyî da qamiś hee ne. Darên bî, ćam u spîndaran herder tîźî kirine. Hele ew
gul u ćîćek, meriv di kezeba meriv da sermest dikin u bi xwa ra digirin u diben. Bayekî hênik xwa di nav wan dar u pelan ra bi xuśśexuśśe l’ ba dike. Meriv bê
xem u bê derd pê ra terre u tê, xwa di nav ruhekî abadîn da pê drêź dike u l’
bextê xwa yê heeyî difikire.
Heyacana bi min ra bê tarîf bu. Min qet nedixwast ku tenê darekê
źî bê dîtin li paś xwa bihêlim. Lê
min ê kîzan bidîta u kîźan nedîta.
Ma
kê dîtiye ku bihiśt tenê bi darekê kêfa xwa hanî ’be?
Min
hew dikariya li śunekê bisekinim. Makîneya min di destê min da ha ha dar bi dar
digerrim. Him resiman digirim u him źî dixwazim wan deran yek bi yek bigirim
ser kamereyê.
Lê
bedewî źi heźmara seniyeyên di nav źiyana min da źî zêdetir in.
Ez
li ber xwa dikevim.
Heyfa
min b’ min tê.
Diyar
bu ku min ê nekarî bibuya wan hemiyan di nav makîneya resiman u kamereya
vîdyoyê da vebiśêrim.
Ez
bi hestên xwa yên śêlo berbi źor va meśiyam. Min ê śuneke maqul bidîta u li wê
derê ru’niśtima.
Min
ê bi her du ćavkên xwa yên belek ew di nav vî canî da ebeden bikirina xewê.
U
ez li bin dareke ćamê xwa datînim ser herdê.
Guh
didimê.
Ez
li ser herdê xwa me.
Herhal bextewar
im di vî canî da, vê gavê, dibêźim.
